رابطة مالكي الكيا سيفيا فيد واستفد ( صداقة - نقل خبرات )

[engwms]

المشاركة الأصلية كتبت بواسطة roubyman احب اقولكم اول حاجة انا مش فاهم فى المنتدى كويس ومش عارف منين اشوف باقى التعليقات وياريت لو حد يساعدنى ويبعتلى على الرسايل ويفهمنى . ندخل بقى فى الموضوع المهم انا معايا سيفيا 99 اوتوماتيك عاملة 130 الف كيلو كان عندى مشكلة كبيرة جدا ومكنتش عارف حلها طول منا ماشى العربية بترعش جامد جدا والموضوع دة بيبدا من اول ما ادور العربية الصبح بدرى يعنى مش لما العربية تسخن مثلا او اى حاجة لا دة بيكون من بداية اليوم ثانى حاجة انها كانت بتسخن وتنزل المية الى فيها لو مشغلتش التكييف رحت عند ميكانيكى قالى دى لازم تتحط على الجهاز حتطها على الجهاز قالى غير سلوك البوجيهات غيرتها والعربية فضلت زى ما هى حتطها على الجهاز تانى قالى لا مفيهاش حاجة البنزين الى فيها وحش وطبعا انا مبحبطش غير 92 المهم خليت الميكانيكى نزل البنزين وحتطيط غيرو وبردو العربية زى ما هى ورحت للراجل المعروف هنا على الرابطة الكهربائى الى اسمو جمال مهران عرفتو من هنا وجبت رقمو من هنا رحتلو قالى لا ياباشا العربية دى فيها صباب بنسبة 80% او انجكشن عاوز يتنضف بنسبة 20% قولتلو متشكرين طبعا دى عربيتى وانا عارفها وعاملة عدد كيلو مترات كويس مش كتير والموتور مش مرشح زيت ولا اى حاجة رحت عند ميكانيكى تانى اول ما ركب العربية قالى ياباشا موضوع الحرارة دة انتا محتاج ترموستات حرارة مع العلم ان المروحة كانت بتشتغل بس عرفنا ان المروحة بتشتغل متاخر بعد العربية ما تسخن جامد وقالى موضوع الرعشة دة قواعد موتور وغير فعلا الترموستات وقواعد الموتور ودلوقتى العربية زى الفل الحمد لله انا اسمى احمد الروبى ورقم تليفونى 01000088829 لو حد عاوز يسالنى فى اى حاجة ولو حد عاوز تليفون الميكانيكى دة او عنوانو يكلمنى بصراحة الراجل دة ممتاز واحسن واحد شوفتى بيشتغل فى السيفيا وحافظها جدا

قواعد الموتور جبتهم بكام ؟ جديد ولا استيراد ؟؟؟؟؟؟؟
وشكرا لمشاركتك

[roubyman]

اولا مووضوع قواعد الموتور صعب تلاقيها استيراد
ولو انتا عاوز الحجات دى كلها جديدة هى موجودة عند محل فى اول فيصل اسمو تارجت ودة متخصص كيا انشاء الله تلاقى عندو كل حاجة ليك بس بالنسبة للاسعار انا مقدرش اقولك لانى معايا سيفيا 99 فانا مش عارف قطع الغيار بتاعت عربيتك اسعرها اية بظبط

[roubyman]

دورت عليها استيراد وملقتهاش وفى الاخر جبتها جديدة من تارجت فى اول فيصل من ناحية الكوبرى امام مستشفى تبارك وهما عبارة عن 4 قواعد وحدة ب 100 و3 الباقيين الواحدة ب 275 يعنى كلو 925

[engwms]

شكرا جزيلاعلى سرعة الرد وجزاك الله خيرا

[midohema]

السلام عليكم يا سيفياوية
انا عربيتى موديل 2001 و دواسة البنزين فيها تقيله جدا" و مش عارف المشكلة فين و تتحل ازاى ؟؟
ارجو الافادة