التوكيل العام

[mohamed spark]

فى مشكلة حصلت مع واحد صاحبى حبيت انقلها ليكم عشان كل واحد ياخد باله وهو بيشترى سيارة مستعملة
الحكاية بدات لما صاحبى نزل سوق السيارات بمدينة نصر عشان يشترى عربية عجبته العربية وخلص فيها بس اشتراها بتوكيل عشان الرخصة كانت لسه فيها 9 شهور
المهم اوراق العربية كانت كالتالى
توكيل عام من صاحب العربية لزوجته
توكيل بيع سيارة من زوجة صاحب العربية الى شخص تانى
الشخص التانى ده اللى باع العربية لصاحبى بتوكيل بيع سيارة وطبعا عمل التوكيل فى الشهر العقارى بسوق السيارات وللاسف ان الموظف اللى عمله التوكيل معندوش ضمير لانه كتبله فى التوكيل ان له حق البيع لنفسه وللغير وهذا مخالف قانونيا
ولما حب ينقل العربية باسمة فى الشهر العقارى اكتشف الموضوع انه مش من حقه يبيع لنفسه لان الاساس توكيل عام ومش من حق اللى يتعمله توكيل عام انه يبيع لنفسه بس ممكن يبيع للغير ومن ذلك لايمكن ان اى حد يتعمله توكيل سيارة بعد التوكيل العام يبيع لنفسه انما يقدر يبيع للغير فقط فاضطر يبيع العربية لمراته عشان يرخص العربية

[mr_astra]

بس كان الاسهل انه يعمل توكيل لمراتة فى الاساس وبعدين مراته تبعلة بعقد بيع مسجل

[m_m_sh_a]

يا سيدي كويس إن هو لقى ليها حل ..وهي مش غلطة اللي باع أصلا ..هو فيه حسن نيه في الموضوع ..وأهو الواحد بيتعلم برضه

[mohamed spark]

المشكلة كانت عند موظف الشهر العقارى عشان معرفوش انه مش من حقه يبيع لنفسه على العلم ان التوكيل اللى صاحبى اشترى بيه مكتوب فيه البيع للغير والنفس