سوران 2012

[مبارك القناوى]

المشاركة الأصلية كتبت بواسطة yahiaashraf اهلا و سهلا يا باشا انا معايا سوران موديل 2009 عربيه فوق الممتازه و الله و كنت ناوى اغير بموديل 2012 على فكره العربيه نزلت التوكيل مره واحده بس و سحبوها و قالوا هتنزل فى شهر 8 ادينا فى شهر 9 و مفيش حاجه انا شاء الله قربت اعمل صيانه ال40 الف هبقى اروح التوكيل يمكن تكون نزلت و اللى كانت نزلت مره فى التوكيل كان لونها احمر و فتيس استبترونيك و بعدين ودوها الطارق بكارفور و بعدين شالوها هى عربيه ممتازه جدا جدا و الله و كمان عملين شويه اوبشنز محصلتش فى الموديل الجديد يعنى الزياده اشارات بالمرايات المرايات شكلها اتغير شويه العدادات اتغيرت بقت شبه التوران و الجولف 2012 و سرعتها بقت 240 بدل 220 المفتاح بقى زى الباسات الكاسيت هو هو بس الشاشه بتضئ ازرق بدل احمر شكل الصالون هو هو بس نوع الفرش مختلف شويه طبعا بقت اقوى لكن نفس الابعاد اه و كمان المفاجئه الكبرى بقت صناعه المانى تقفيل اسبانى ايهوه اسبانى مش ارجنتينى او برازيلى زى الموديل اللى معايا و ده هيطمن ناس كتير بخصوص العربيه الدركسيون بقى زى الباسات الجديده موديل 2012 و بقى فى زراير مالتى فانكشن كتير غير موديل 2009 بالنسبه للاضائه الداخليه هى هى بالملى ماتغيرتش نهائى كمان المرايا اللى فى السقف اللى بتشوف فيها ورا بتشتغل بكاميرا خلفيه مش مرايا عاديه بس دى ماكنتش موجوده كمان مزودين الايرباج و فى منها موديلات فيها فتحت سقف فيها بقى شويه زراير تانيه انا مش فاهمه العربيه كمان من قدام نفس شكل الباسات موديل 2012 حتى الشبكه و الفوانيسش زيهم و يمكن الجولف كمان زيها لان فولكس الجديد كله شبه بعضه دلوقتى بقى فيها فرامل ابى اس موديل 2009 اللى معايا مفيهاش دى شويه صور للموديل الجديد 2012 و دى شويه فيديوهات كمان http://www.youtube.com/watch?v=iLx5QZlosSw http://www.youtube.com/watch?v=ZfbprcZnQHE http://www.youtube.com/watch?v=JgNe-lSGHRI http://www.youtube.com/watch?v=3cuUNKTkp2g http://www.youtube.com/watch?v=1bZ0pPozaOc يا رب اكون قد افدتك تحياتى R OSE4U

يا باشا فية شوية حاجات ناقصة عايز اعرفها يعنى الموتور كام سى سى قوة الموتور كام حصان سعرها كام مصر يعنى كدا وتسلم ايدك على التقرير ارجو الاهتمام

[YahiaAshraf]

المشاركة الأصلية كتبت بواسطة مبارك القناوى يا باشا فية شوية حاجات ناقصة عايز اعرفها يعنى الموتور كام سى سى قوة الموتور كام حصان سعرها كام مصر يعنى كدا وتسلم ايدك على التقرير ارجو الاهتمام

بالنسبه للماتور فهو 1600 سىسى
عادى مش تربو
بالنسبه لعدد الاحصنه
مش عارف و الله بس اللى متاكد منه انهم زودوا الاحصنه
لان مودجيل 2009 اخر انتاج ليها اللى هى معايا
101 حصان
لكن مقدرش احدد
بالنسبه للسعر اول لما سمعنا خبر عنها التوكيل قالى 106 الف جنيه
بعد الثوره قالى المحتمل 90 فى الميه
هتنزل بمبلغ 126 الف جنيه
فمش عارفين حاجه خالص
لس انا ناوى اسال برده
لان فى موظف فى التوكيل هو الللى بيخلصلى حاجاتى لما بروح اعمل الصيانه
كنت موصيه اول لما تنزل السوران 2012
يبلغنى لانها لو عجبتنى هحجزها على طول
و ان شاء الله
اول لما اعرف اى حاجه ان شاء الله هبلغكم
تحياتى

[mar mar]

شكرا علي القرير اللي علي السريع الجامد ده

[Ahmed Al-Hagrasy]

شكرأ جزيلا
العربيه جامده فعلا , إنت شكلك من عشاق السيارة دى زيى بالظبط
المهم أنا كمان معايا سوران و عندى مشكله يا ريت لو حد عنده حلها يقوللى عليه
المشكله هى أن نور زرار الإنتظار و بكرة التكييف وقفوا فجأه فى ناس بتقوللى مش مهم
دى حاجة هايفه بس أنا بحب كل التفاصيل تعمل و كمان شكل التابلوه مش ظريف من غيرها
و أنا طبعا مش عاوز أروح لكهربائى لأن أكيد بعدها عليه العوض فى التابلوه كله بعد كام ضربة مفك
أصل أنا مجرب قبل كده فى الباب . عاوز أعرف الكونسول بيتفك إزاى بالصور ياريت

و شكر

[Ahmed Al-Hagrasy]

أنا كمان متابع أخبار العربيه دى و ناوى أجيب 2012 إن شاء الله
وسيبك من كلام العزال اللى راحوا جابوا لانسر و إلانترا و يقولوا سوران إيه
العربيه فعلا جامده و عاوز أبيع اللى معايا لو حد عندوا مشترى يقوللى