تيجو نحول ال Tiggo للغاز الطبيعي ؟؟, وصفة سحرية ودعوة للنقاش

[kimocyc]

المشاركة الأصلية كتبت بواسطة horeen أخوكو معاه تيجو حولتها لغاز ولسه زيرو عامله 7000 ك لكل المشككين أنتم لا تعرفو شي مفيش مشاكل من الغاز نهائى لا سحب ولا سرعه ولا أى حاجه بس فيه عيب بسط كل 100الف كيلو هتمشي بالعربيه هتوفر 15 الف جنيه يعنى بعد 300 الف هتوفر قد تمن نص العربيه ولا عزاء للمشككين

شكرا لنقل التجربة.. بس ياريت تفاصيل اكتر..

اسم شركة التحويل ، قيمة التحويل ؟

حجم الاسطوانة ؟؟ ومدى تأثيرها على العفشة ومساحة الشنطة ؟؟

معدل الاستهلاك بال كم لكل متر مكعب..؟

العربية ما شاء الله زيرو و7000 كم.. ايه اخبار الضمان ؟؟ ضحيت بيه ؟؟

وشكرا لاهتمامك بالرد

[horeen]

المشاركة الأصلية كتبت بواسطة kimocyc شكرا لنقل التجربة.. بس ياريت تفاصيل اكتر.. اسم شركة التحويل غازتك وهى الأفضل، قيمة التحويل ؟ 6500 كاش لأحدث نظام(رشاشات-كارت كمبيوتر) حجم الاسطوانة 70لتر وتسع تقريبا 18متر مكعب؟؟ ومدى تأثيرها على العفشة ومساحة الشنطة ؟؟ وزن الإسطوانه فارغه حوالى 55ك وممتلئه حوالى 55 ك الغاز ملوش وزن ولقد قمت بوزن السياره على ميزان قبل وبعد لكى يطمئن قلبى وبالنسبه للعفشه والمساعدين مفيش فرق أما الشنطه فطبعا مساحتها قلت وكأنى مركب بازوكا فى الشنطه بس المساحه الباقيه كافيه جدا معدل الاستهلاك بال كم لكل متر مكعب..؟ المتر المكعب غاز يساوى لتر وربع بنزين يعنى حوالى 15 أو 16 ك على الطرق الطوالى وطبعا الغاز يكافئ بنزين 95 أو أكثر العربية ما شاء الله زيرو و7000 كم.. ايه اخبار الضمان ؟؟ ضحيت بيه ؟؟ أنا حولت لغاز لثقتى فى العربيه وبالنسبه للضمان توحه بيتلكك لو غيرت الزيت بره وانا من غير التحويل لغاز مقتنع إن الضمان فى مصر نصب ومفيش حاجه هتتغير إلا بعد حروب وإعتصامات وتقارير غير إن أسعار الصيانات مبالغ فيها وطبعا هيقول لى المحرك خارج الضمان على الرغم إن بتوع غاز تك أبلغونى إن التحويل للغاز لا يخرج من الضمان ولأنهم متعاقدين مع توحه لتحويل السيارات على خط الإنتاج وأنا مش متأكد من المعلومه دى ومش مهتم لأنى واخد قرار من صيانه الألف بأنى مش هروح التوكيل تانى لسوء الخدمه والصيانه وشكرا لاهتمامك بالرد

الرد فى الإقتباس وطبعا أنا تحت أمركم فى أى شئ

[kimocyc]

المشاركة الأصلية كتبت بواسطة horeen الرد فى الإقتباس وطبعا أنا تحت أمركم فى أى شئ

ما شاء الله عليك.. وشكرا للتفاصيل.

بس لما سألت في كار جاس قالولي النظام الجديد بـ 5000 كاش (النظام الجديد)..

وبخصوص وقت التحويل.. يعنى بقالك اد ايه محول ؟؟ وايه نظام المحرك؟؟ بتستخدم وسائل حماية مثلا ؟؟ ولا ايه ؟؟

وخصوصا ان فيه معلومة وردت من مركز خدمة شهير (خاص بالاسبيرانزا) بيقول ان وش السلندر بيعمل مشاكل ومش بيكمل السنة وكمان صاحب مخرطة بيتعامل معاه اكدله المعلومة وقاله ان الرايش بتاع مواتير الاسبيرانزا اضعف بكتيييييييييييييييييير من اي موتور تاني.. (دا كلام مسئول في مركز خدمة غير تابع للتوكيل)

وشكرا ليك

[horeen]

المشاركة الأصلية كتبت بواسطة kimocyc ما شاء الله عليك.. وشكرا للتفاصيل. بس لما سألت في كار جاس قالولي النظام الجديد بـ 5000 كاش (النظام الجديد).. سعر غاز تك 6500جنيه لأعلى نظام ومكونات النظام إيطاليه بالكامل أما كار جاس معنديش معلومات عنها وعن مكوناتها وبخصوص وقت التحويل.. يعنى بقالك اد ايه محول حوالى شهرين بس لى واحد صاحبى فى الشغل محول نيوبيرا بقاله سنتين ومفيش أى مشاكل وعمل حوالى 150 الف ك بالغاز؟؟ وايه نظام المحرك؟؟مفيش فرق خالص بتستخدم وسائل حماية مثلا ؟؟ ولا ايه ؟؟ لا أنا ولا زميلى فى الشغل بنعمل حاجه زياده وخصوصا ان فيه معلومة وردت من مركز خدمة شهير (خاص بالاسبيرانزا) بيقول ان وش السلندر بيعمل مشاكل ومش بيكمل السنة وكمان صاحب مخرطة بيتعامل معاه اكدله المعلومة وقاله ان الرايش بتاع مواتير الاسبيرانزا اضعف بكتيييييييييييييييييير من اي موتور تاني.. (دا كلام مسئول في مركز خدمة غير تابع للتوكيل) أنا قريت الرد على المنتدى التانى وأعتقد إن المشاكل كانت من النظام القديم أما النظام الحديث فقد تم تلافى العيوب مثل تلف جلد الصبابات حيث يجبرك أن تدور السياره بنزين ثم تحول إلى غاز أوتوماتيكيا وبعد توقف المحرك يتم حقن البنزين مره أخرى للمحافظه على جلد الصبابات أما موضوع خامه مواتير الإسبرانزا أضعف فأعتقد بسبب عقده الصينى على الرغم من شهاده كل من أقتنى السياره بجودتها وشكرا ليك

وانا تحت أمركم وكل عام وانتم بخير

[kimocyc]

شاكر لك اهتمامك بالرد..