اسئله المبتدئين ..عفوا ممنوع الفتى :)))

[sad-bird]

المشاركة الأصلية كتبت بواسطة 3bd0 هوا الكيك داون ده هوا هوا التصغير ؟ يعني اللي هوا بيحصل في الأتوماتك لما اكون ماشي على 60 في امان الله و فجأة أدوس بنزين على اخر الدواسة، تقوم العربية تنقل من الغيار التالت مثلا للغيار التاني، وال RPM يعلى وبالتالي العربية "تنط" زي ما بيقولو وتديك دفعة رهيبة ؟

المشاركة الأصلية كتبت بواسطة lol64 الكيك داون بطلت اعمله باعمل تسقيط الغيار بس فى مناسبات التسابق مع عربيه تانيه بس نصيحه بلاش الاتنين دول حد يعملهم ده خراب للمواتير

مش فاااااااااااااااااااهم
هو الكيك دون هو تسقيط الغيار
والا الكيك داون زي ما قلنا فووووووووق
وبعدين ما لو عاوز تجميع اسرع يبقى مش تنزل لتحت
تمور الفتيس وتدوس بنزين ترفع عدد اللفات وتاخد الغيار الاعلى

[حسام البورسعيدى]

الكيك داون يعنى ندوس دواسة البنزين للاخر (هو ده معنى المصطلح) ...

لكن عمليا الكيك داون بيكون فى العربيات الاتوماتيك علشان لما نعملها كيك داون تبدأ تسقط غيارات للوصول الى اسرع اندفاع ممكن ...

فى المانيوال احنا مش محتاجين كيك داون علشان نعمل تسارع .. لاننا اصلا ممكن نسقط الغيار بنفسنا وندوس بنزين على قد احتياجنا فقط (وهى دى الميزة فى المانيوال .. تحكم اكتر) ....

[مهند سالم]

كان عندي تعليق بسيط على مسألة تحديد السرعة المناسبة لكل غيار:
المسألة دي نسبية وبتختلف من سيارة لسيارة ومن شخص لشخص، وفي هذا الصدد أحب أن أنوه أن السواق المحترف هو من يشعر بسيارته حتى دون النظر للعدادات، بمعنى:
أنا أستطيع أن أعطي الغيار المضبوط دون النظر لعداد السرعة؛ لأني بأهتم جدا أن أستمع للموتور ، والموتور ببساطة صوته بيعلى لما الغيار ينتهي، بمعنى إن الموتور هو إلا بيحدد ميعاد الغيار التالي، فطالما السيارة تسير بالسرعة المناسبة للغيار يظل الموتور على نعومته وصوته الهادئ حتى تبدأ السيارة للوصول إلى نهاية الغيار فيبدأ صوت الموتور بالارتفاع طالبا الغيار التالي وهكذا، وهذا الأمر يختلف من موتور لآخر ومن شخص لآخر، هناك شخص يحب الوصول لنهاية الغيار لأنه يحب التسارع، وهناك شخص يحب المحافظة على الموتور فيبادر بالنقلة للغيار التالي.
حتى مسألة الحرارة، فالمحترف يستطيع أن يشعر بأن موتور سيارته قد زادت سخونته حتى ولو كان عداد الحرارة معطل، لأن الموتور عندما ترتفع حراته بيبرجل وبتحس إن صوته مش طبيبعي.
وأيضًا مسألة نقصان الزيت، فالموتور عندما يقل فيه الزيت صوته بيرتفع بشكل ملحوظ وخاصة قرب نهاية الغيار.
وكذلك عيوب العفشة، لو المساعد ضرب زيت العربية بتتنطط على أي خروشة في الأسفلت، يعني ببساطة ما بتمتصش الصدمات.
وكذلك لو جلبة المقص فسدت هتسمع صوت خبط في العجل، وهتلاقي العربية بتحدف منك.
طبعا الكلام ده المفروض يبقى طبع وسمة في كل إنسان بيسوق عربية، يعني ما يبقاش كل همة إن العربية ماشية وخلاص، لازم الإنسان يحس بعربيته ويبقى متابع كل صوت فيها، سواء كان الصوت ده في الموتور أو العفشة أو حتى فرش العربية، في البداية مش هيبقى عارف يربط الصوت الغريب إلا هو سامعه بالسبب ومكان المشكلة، لكن مع الوقت والخبرة هيقدر يميز مكان المشكلة من نوعية الصوت، وشكرا

[3bd0]

المشاركة الأصلية كتبت بواسطة sad-bird مش فاااااااااااااااااااهم هو الكيك دون هو تسقيط الغيار والا الكيك داون زي ما قلنا فووووووووق وبعدين ما لو عاوز تجميع اسرع يبقى مش تنزل لتحت تمور الفتيس وتدوس بنزين ترفع عدد اللفات وتاخد الغيار الاعلى

أنا اعتقد ان احنا كلنا قصدنا حاجة واحدة بس بنقولها بطرق مختلفة

الحركة اللي انتا بتقول عليها دي تنفع بس لما تكون واقف وعاوز تعمل امريكاني وانتا طالع، لكن لو كنت ماشي على 60 مثلا وعملتها هتلاقي عدد اللفات وقع مرة واحدة والعربية هتبقى بتعاني ولا ما يكون ساحبة مقطورة وراها

[mesho70]

المشاركة الأصلية كتبت بواسطة lol64 الكيك داون بطلت اعمله باعمل تسقيط الغيار بس فى مناسبات التسابق مع عربيه تانيه بس نصيحه بلاش الاتنين دول حد يعملهم ده خراب للمواتير

كلامك مظبوط واضيف
- فى العربيات اللى الفتيس ( ستريبترونك )
- ممكن تعمل الكيك داون بأنك تحول مانيوال وتديها غيار عكسى
- لكن مهندس الصيانة فى التوكيل حذرنى منها وقلى انة احتمال ان الكمبيوتر بتاع العربية يخطأ - وان كان الموضوع دة محصلش قبل كدة - ومياخدش الغيار الصح وبالتالى يدمر الفتيس لا قدر الله