|
#61
24-03-2011, 01:14 AM
|
|||
|
|||
رد: اسئله المبتدئين ..عفوا ممنوع الفتى :)))
- الاول لما تيجى تركن جنب رصيف يفضل ان تأتى من الامام للخلف اذا كانت المسافة اللى هتركن فيها قصيرة بمعنى انا عايز اركن على اليمين فأطلع قدام شوية وارجع للخلف واحاول اضع العجل الخلفى فى منتصف المسافة اللى هأركن فيها بالنظر فالمرأة ( لان العجل الخلفى ثابت التوجية ) واقترب من الرصيف مع ترك مسافة آمان ( ودى هتبقى بالتعود ) وفى الحالة دى هتكون العربية بتعمل زاوية حوالى 45 درجة على الرصيف او اقل وليس اكثروواقصد الزاوية التى على يمينك ( زاوية اتجاة السيارة مع اتجاة الرصيف للامام ) - ثم اكسر العجل عكس اتجاة عقارب الساعة وادخل بهدوء وهتلاقى العربية اقرب ما يكون للرصيف - نفس الموضوع عندما اريد ان اركن فى مسافة بين سيارتين والمسافة بينهما قصيرة جدا ً - هو الموضوع يبدو فية زوايا واتجاهات لكن لو حضرتك اردت الاستفسار انا فالخدمة - ويفضل طبعا ً التجربة العملى والتدريب الكثر من مرة ويفضل بجوار رصيف ليس عالى 
|
|
#62
24-03-2011, 02:12 PM
|
||||
|
||||
|
رد: اسئله المبتدئين ..عفوا ممنوع الفتى :)))
يا ريت يا جماعه نتكلم عن الركنات مع توضيح
1 الجهه: على اليمين او اليسار  2 وضع العربه بالنسبه للرصيف :موازى او عمودى
|
|
#63
24-03-2011, 05:32 PM
|
||||
|
||||
رد: اسئله المبتدئين ..عفوا ممنوع الفتى :)))
بيحصل زى فرملة خفيفة كده (تهدية) والفرملة (او الكلبشة او التكتيفة) دى بتزيد حدتها كل ما يكون الغيار اقل .. يعنى جربى حضرتك تطلعى على الاول وتتحركى شوية وبعدين تسيبى البنزين من غير الدبرياج وهتلاحظى ساعتها الـ engain break ... وعكس الغيار مش مفيد اوى فى العربيات الصغيرة (ويفضل اللى يعمله يكون محترف) ... ولكن معلومة لحضرتك فى العربيات النقل وخصوصا تريلات النقل التقيل فرملة الموتور او الـ engain break ده شئ اساسى عندهم علشان يساعد الفرامل فى توقف العربية .. ولعلم حضرتك فى بعض التريلات الحديثة بيكون فتيسها فيه غيارات كتير ممكن توصل لـ 14 غيار 
__________________
رحـــمـــــــــــة الله عـــلــــــيـــــــك يا حــبـيـبـنــــــــا  ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ 
|
|
#64
24-03-2011, 05:44 PM
|
||||
|
||||
رد: اسئله المبتدئين ..عفوا ممنوع الفتى :)))
وانا هقولك على فكره حلوة برضو .. وانت راكن جنب الرصيف بص على الكبوت وشوف حافة الرصيف ظاهرة عند اى مكان فى الكبوت .. واحفظ المكان ده .. وبعد كده حاول تخلى اى عربية هتعدى من جنبها متقربش عليك اكتر من العلامة دى .... ايه رأيك ؟؟
__________________
رحـــمـــــــــــة الله عـــلــــــيـــــــك يا حــبـيـبـنــــــــا ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ
|
|
#65
24-03-2011, 05:59 PM
|
||||
|
||||
رد: اسئله المبتدئين ..عفوا ممنوع الفتى :)))
مبدئيا الركنة موازى للرصيف بين عربيتين تعتبر اصعب ركنة وخصوصا لو هنركن على الجنب اليمين .. وطريقتها كالتالى (على الجنب اليمين) : هنطلع قدام بالعربية لغاية ما نقف جنب العربية الامامية .. بحيث يكون العجلة الخلفية بتاعتنا جنب الاكصدام الخلفى للعربية الامامية .. وبعدين نكسر العجل لليمين ونبدأ نرجع لورا .. لغاية لما العجلة الامامية بتاعتنا تبقى جنب اكصدام العربية الامامية .. وبعدين نكسر العجل للشمال ونبدأ نرجع بحرص علشان منخبطش فى العربية الخلفية ... ونفس الكلام فى حالة الركن على الجنب الشمال .. مع العلم ان الركن على الشمال هيكون اسهل شوية لسهولة النظر للرصيف من الشباك .... اما الركن عمودى ده سهل جدا .. مجرد اننا نكسر يمين وندخل فى الحارة اللى هنركن فيها .. بس كده ...
__________________
رحـــمـــــــــــة الله عـــلــــــيـــــــك يا حــبـيـبـنــــــــا ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ
|
 |
| أدوات الموضوع | |
|
|
