اسئله المبتدئين ..عفوا ممنوع الفتى :)))

[cheetos1]

ياجماعه انا عندى استفسار

انا كنت ماشى بالعربية ولاقيت مطب عريض قدامى فطلعت نصه ولاقيت عربية هدت قدامى عشان الطريق اتزحم فبالتالى انا دوست ع الفرامل وكان فيه عربيات جت من ورايا كمان
لحد ما الطريق فتح قدامى

المشكله بقى ان اول ما برفع رجلى من ع الفرامل واجى ازود بنزين بسرعه العربية بترجع لورا يعنى ممكن اخبط اللى ورايا لحد ما اللى ورايا وسع شويه لورا فاضطريت اسيب العربية لحد مانزلت المطب من اوله وابتديت امشى عادى


هتقولولى ليه مستخدمش الهاند بريك هقولوكم
كنت ممكن اعمل كده بس بحس انى لما اشد فرامل اليد وازود بنزين مع رفع سنة من الدبرياج المفروض بقى ان ساعتها انزل فرامل اليد العربية تمشى لقدام

بس انا حسيت لو عملت كده العربيه هتبطل منى خالص وساعتها هريح على اللى ورايا واكون عملت مشكله اكبر

[aymangalal]

ممكن تتمرن على "الطلعات البطيئة" دى بس محتاجه رجل حضرتك تكون حساسة شوية بين البنزين والدبرياج وممكن كمان الحل اللى حضرتك عملته مع تزويد سنة بنزين اكتر من اللى كنت عليها
وفى حاجه كمان افضل واسلم حضرتك ماتتلعش المطب الا لو شوفت المسافة اللى قدامك تكفى "على الاقل" نزول العجل الامامى عشان ماتبقاش واقف متعلق وسيبك من اللى يفضل يزمرلك ويديك كلاكس عشان تخش العجلة دى "قال يعنى انت اللى معطل السكة" ههههههههه
وممكن تستنى خالص "قبل المطب" لغاية ما اللى قدامك يطلع ويبقى فى مساحة كاملة لعربيتك تعدى المطب بدون ما تلخم نفسك
واتمنى لك السلامة

[cheetos1]

المشاركة الأصلية كتبت بواسطة aymangalal ممكن تتمرن على "الطلعات البطيئة" دى بس محتاجه رجل حضرتك تكون حساسة شوية بين البنزين والدبرياج وممكن كمان الحل اللى حضرتك عملته مع تزويد سنة بنزين اكتر من اللى كنت عليها وفى حاجه كمان افضل واسلم حضرتك ماتتلعش المطب الا لو شوفت المسافة اللى قدامك تكفى "على الاقل" نزول العجل الامامى عشان ماتبقاش واقف متعلق وسيبك من اللى يفضل يزمرلك ويديك كلاكس عشان تخش العجلة دى "قال يعنى انت اللى معطل السكة" ههههههههه وممكن تستنى خالص "قبل المطب" لغاية ما اللى قدامك يطلع ويبقى فى مساحة كاملة لعربيتك تعدى المطب بدون ما تلخم نفسك واتمنى لك السلامة

الف شكر يا استاذ ايمن
فعلا الناس مبقاش عندها صبر
وربنا يسترها علينا جميعا

[نودلز]

مجهود رائع وموضوع مفيد جدا
استفدت منه كتير
بس عندى مشكله وهى لما باجى اخد ملف باحس ان العربيه هتتقلب منى والكلام ده بيحصل فى ملف واحد فقط مع العلم ان السرعه لاتزيد عن 40 اقصى سرعه واكيد فى الملف بتكون اقل من كده
احل المشكله دى ازاى

: 01F577~130:

[3bd0]

المشاركة الأصلية كتبت بواسطة نودلز مجهود رائع وموضوع مفيد جدا استفدت منه كتير بس عندى مشكله وهى لما باجى اخد ملف باحس ان العربيه هتتقلب منى والكلام ده بيحصل فى ملف واحد فقط مع العلم ان السرعه لاتزيد عن 40 اقصى سرعه واكيد فى الملف بتكون اقل من كده احل المشكله دى ازاى : 01F577~130:

غالبا لو هوا ملف واحد بس بعينه، يبقى العيب فيه
في ملفات كتير متصممة بغباء، مثلا الملف بتاع كوبري الموت (كوبري السيدة عائشة - البساتين - القاهرة) وأعتقد ناس كتير رأيها من رأيي ، كان لازم يتعمل بميلان على جوه شوية.
فده عيب في تصميم الملف مش في حضرتك