|
#1
18-05-2013, 11:23 PM
|
|||
|
|||
# تقرير خطير و بالصور عن فرش لانسر بومة 2013 #
امبارح روحت عملت فرش و أرضية جلد للعربية.
فى الأول كنت مرعوب وانا شايف السروجى عمال يشيل فى الكراسى و الكنب و باكيتات البلاستيك لان العربية لسه زيرو عدادها مكملش 1000 كيلو وكان منظر العربية فاضيهههههه ويصعب على الكافر و كنت خايف لحسن لما يجى يركبهم تانى حسمع أصوات تزييق و حاجات من اللى كنت بسمعها فى اللانوس لما الزمن جاه عليها. بس الحمد لله كل كلبسة او مسمار اتشالت رجعت زى الأول بالضبط زى ما يكونوا حافظين اللانسر. شوية صور أخدتها علشان تبين نضافة شغلهم. انا اخترت لون رمادى غامق مع فاتح علشان يفتح شوية  هنا أخترت دخله اللون الفاتح بالشكل الدائرى علشان يدى احساس سبور شوية مش كلاسيك   وده شكله من الخلف  طلبت يعملى الغرزة الدبل علشان تظهر فى مساند الرأس  ده شكل الكنبة. فى مشكله هنا أن الشباك اللى بيفتح على الشنطة من جوه بقى صعب تفتحه. بس حشوف لو حتليين مع الوقت   الصورة دى بتبين نضافة التقفيل للكونسوله من تحت (السهم)   أنا عملت الارضية جلد رمادى و فرشت الشنطة بالمرة. ودى صورة الكاسيت اللى نازل فيها  أه نسيت أقول التكلفة كانت: 1) الفرش 1600 (حسب نوع الخامة) و عمل خصم الى 1440 (علشان خاطر نايل موتورز) 2) الأرضية 450 بعد الخصم 400 لانى طلبت النوعية اللى من تحت فيها زى الصوف علشان يمسك فى الفرش الفبريكة و ميتحركش تحت رجلك و ده كان أغلى شوية بس فى انواع لحد 200 جنية 3) خياطة دبل 200 بعد الخصم 180 التكلفة كلها 2000 جنيةبحاول أنسى الموضوع ده ........بس بجد يستاهل كل قرش أتمنى أن يكون التقرير أعجب حضراتكم. و أى إستفسار أنا تحت أمركم 
|
|
#2
18-05-2013, 11:44 PM
|
||||
|
||||
رد: # تقرير خطير و بالصور عن فرش لانسر بومة 2013 #
ربنا يباركلك فيها ويكفيك شرها
وبسم الله ماشاء الله شغلهم جميل بس انا زعلت من الكلمة دي ) الفرش 1600 (حسب نوع الخامة) و عمل خصم الى 1440 (علشان خاطر نايل موتورز)
__________________
]من اهم مواضيعي المصورة http://masrmotors.com/vb/showthread.php?t=90049 (كيف تتعرف علي قدرة المحرك) http://masrmotors.com/vb/showthread.php?t=111175 (كيف تعتني بدورة التبريد) http://www.masrmotors.com/vb/showthread.php?t=124669(شرح دورة الوقود وتنظيف الرشاشات) {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
|
|
#4
20-05-2013, 12:56 AM
|
||||
|
||||
|
رد: # تقرير خطير و بالصور عن فرش لانسر بومة 2013 #
مبروك عليك العربية ....ربنا يديك خيرها و يكفيك شرها
متزعلش على الفلوس الى اتدفعت .. ان شاء الله حتحس بالكلام ده بعد كام سنة من الان .... زمان لما جبت عربيتى اللانسر 2008 .... اخويا كان بيحاول يقنعنى بعمل كسوة و فرش جلد للعربية .... و لما رفضت علشان الفلوس .... هو الى دفع انا الان ادعوا له بالخير ..... العربية معايا للعام الخامس .... و الفرش تقريبا زى ما هو الارضية الجلد اختراع جامد جدا ...... و حضرتك حتحس بيه لما الاولاد الصغيرين يبداو باللعب داخل العربية ... و المشروبات الى تنسكب على اللارضية ... و بقايا الاكل ... التراب ... الرمل ... كل الحاجات دى تنضف بمنتهى السهولة 
__________________
|
|
#5
20-05-2013, 03:33 AM
|
|||
|
|||
|
رد: # تقرير خطير و بالصور عن فرش لانسر بومة 2013 #
ممكن عنوان الراجل ده او تليفونه ؟؟؟
__________________
سبحان الله وبحمده سبحان الله العظيم
|
 |
|
|
