أستفسار عن حاجه مش عارفها فى العربيه الجاك ال شتريتها جديد

[على شلش]

فيه فى الطابلوه تحت الراديو ومفاتيح المروحه والتكيف مسطره صغيره طولها 5سم مرسوم عليها صورة سياره فى مقدمة المسطره وصوره أخرى لسياره فى مؤخرة المسطره والعربيه شغاله أضغط على طرف المسطره من جهة اليمين صوت العربيه يعلى قليلا ولو ضغط على طرف المسطره من جهة اليسار صوت العربيه ينخفض للوضع الطبيعى وفى كلا المرتين مع الضغط تظهر صورة السياره بوجود لمبة أضاءه خفيفه خلف المسطره ( السياره جاك 2012 A10) أرجوالأفاده من أصحاب الخبره وجزاكم الله خيرا

[د.كمال]

أستاذ على شلش .....أهلا بك فى مصر موتورز ونورت قسم الجاك
والف مبروك السياره الجميله الجاك A10 .... والسياره لسه جديده وانت اول واحد فى المنتدى هنا اشترى السياره فياريت تشارك معانا وتكتب لنا تقرير عن السياره والنواحى الفنيه فيها وامكانياتها ونكون لك من الشاكرين .


بالنسبه لموضوع المسطره ياريت وانت بتعمل صيانه فى التوكيل تسأل عليها لأن كل الاعضاء هنا معهم الجاك الكبيره ال B15 ....وانا كنت فى التوكيل قبل العيد وشفت عربيتين A10 كانوا بيعملوا صيانه واصحابهم كانوا مبسوطين من العربيه جدا ..

مع اطيب تحياتى

[jemy_tnt]

بص انا معرفش عن الجاك حاجه و مشفتهاش
بس المسطره دى بتاعه تحديد التكيف هيجيب الهواد من بره العربيه و لا تدوير للهوا اللى جوا العربيه بس

[على شلش]

شكرا دكتور كمال على أهتمامك وأن شاء الله سوف نكون عند حسن ظن الجميع أما بالنسبه للسياره هيه جميله جدا وقويه وحتى الأن كله تمام وبكتشف فيها حاجات كويسه وبالنسبه للمسطره تقريبا عند الضغط على يمين المسطره يعلوا صوت الماتور قليلا قليلا ممكن تمشى بيها على الثانى دون أن تضغط بنزين بشرط عدم الطلوع على المطالع وتكون الأرض مستويه (صالنصيه ) هذا هو أستنتاجى من خلال الممارسه

[mhamdy75]

انا ارجح رأى الاستاذ jemy