ياريس 1300 اوتوماتك ولا لانسر 1300 برضة اوتوماتك مستعمل

[dr_youssifomar]

السلام عليكم
محتاااااااااااااار قوى ومش عارف اخد قرار
عاوز اشترى سيارة ومحتار ما بين
1-النترا
2-لانسر
3-صنى
4-ياريس
محتاج ارائكم وياريت نعمل استطلاع ونشوف مين يكسب
بجد محتاج ارائكم لان دى اول عربية ليا وجزاكم اللة خيرا

[eng_ahmed_90210]

الالنترا تمام بس التوكيل مش كويس
اللانسر خلاص راحت عليها و كمان التوكيل فيه مشاكل
الصني بلاش منها صوت موتورها عالي اوي و التقفيل المصري زي الزفت
ياريس مش هينزل منها بعد كده تقريبا فبلاش برضه
فالاختيار الافضل هو الالنترا و برضه بص علي الكروز

[hazem_khidr]

انت عاوز زيرو و لا مستعمل.
لو زيرو ابعد عن الياريس لان اسعارها بقت عاليه اوي و بصراحه حرام كده علي عربيه صغيره ادفع فيها 120 الف جنيه.
اللانسر مازالت خيار ممتاز لمن يريد سياره عمليه ذات نفحه رياضيه و قطع غيار متوافره و عدم الحاجه الي التوكيل لكن بشرط ان تكون 1600

النترا برضه عربيه كويسه و قويه و مافيش منها مشاكل و من السيارات المرشحه بقوه في هذه الفتره
لكن الشكل الجديد علي وشك النزول مما قد يسبب لك بعض الانزعاج.

بالنسبه للصاني عربيه كويسه مافيش منها مشكله لكن اقل من جميع ما سبق

[Eng . Mano]

ارشحلك فى المقام الاول الانترا ، لان موتورها 1600 cvvt من اقوى المحركات فى الفئة دى .
اوبشنز حلوة اوى ، خامات محترمة و تقفيلها ممتاز . توكيلها اديله جيد جدا . قطع الغيار متوفرة برة التوكيل .
الياريس زى ما استاذ حازم قال بقت ب 120 الف مرة واحدة مش عارف ليه !!!!!!!!!!!!!!!!
الصنى استبعدها لان التقفيل المصرى فى الفئة دى مش مستحب ( عندك خيارات تانية كورى و يابانى )
ممكن برده تفكر فى الاوبترا الرياضية اوتوماتيك ، عربية برده جميلة جدا .
الانسر ما ارشحهاش دلوقتى لان التوكيل تقريبا اتسحب من الرواس ، فاللامان ابعد عنها دلوقتى .
من رأى خليك فى الانترا و بعدها الاوبترا

[dr_youssifomar]

بعد ردودكم المميزة انا شبة ارتحت شوية
دلوقتى انا معاى ف حدود 80 الف جنية
ولسة محتار ما بين ياريس اوتوماتك ولانسر 1300 اوتوماتك
ياترى مين فيهم افضل علما بان تحركى داخل المدينة والسفر مرة ف الشهر
محتار وعاوز مساعدتكم