العودة   مصر موتورز مجتمع السيارات > سوق السيارات فى مصر موتورز > سوق السيارات المصرية

سوق السيارات المصرية نصائح عامة وتجارب واخبار عن بيع وشراء السيارات فى السوق المصرى


إضافة رد
 
أدوات الموضوع
  #21  
قديم 01-01-2012, 02:33 PM
zezo76zezo zezo76zezo غير متواجد حالياً
 
تاريخ التسجيل: Oct 2010
المشاركات: 27
zezo76zezo will become famous soon enough
افتراضي رد: محاولة شراء سيارة أنتهت بالفشل

الف شكر ع الموضوع
وربنا يسلمنا من النصابين
رد مع اقتباس
  #22  
قديم 01-01-2012, 02:49 PM
Fadl2004 Fadl2004 غير متواجد حالياً
 
تاريخ التسجيل: Aug 2010
المشاركات: 10
Fadl2004 is on a distinguished road
افتراضي رد: محاولة شراء سيارة أنتهت بالفشل

الحمد لله انك عرفت الموضوع قبل ما تشترى

بس سؤال يا جماعه هو اى بنزينة حتروح تكشف عندها عادى ولا بنزينات معينة؟و هل بيبقى عندهم خبراء فى العربيات و الفحص و كدا ؟اصل اللى بيبقوا شغالين هناك ناس عاديه مش خبراء فى الفرز و كدا على ما اظن
رد مع اقتباس
  #23  
قديم 01-01-2012, 03:08 PM
epnmasr epnmasr غير متواجد حالياً
 
تاريخ التسجيل: Jun 2011
المشاركات: 681
epnmasr has a reputation beyond reputeepnmasr has a reputation beyond reputeepnmasr has a reputation beyond reputeepnmasr has a reputation beyond reputeepnmasr has a reputation beyond reputeepnmasr has a reputation beyond reputeepnmasr has a reputation beyond reputeepnmasr has a reputation beyond reputeepnmasr has a reputation beyond reputeepnmasr has a reputation beyond reputeepnmasr has a reputation beyond repute
افتراضي رد: محاولة شراء سيارة أنتهت بالفشل

الحمد لله ربنا ستر وخسارة ال 88 جنيه أفضل من الخساره الكبيره فيما بعد لو شربت العربيه
رد مع اقتباس
  #24  
قديم 01-01-2012, 10:40 PM
الصورة الرمزية mostafakamal
mostafakamal mostafakamal غير متواجد حالياً
التخصص العملى: محاسب
 
تاريخ التسجيل: Sep 2009
الموقع: القاهرة
المشاركات: 157
mostafakamal is a jewel in the roughmostafakamal is a jewel in the roughmostafakamal is a jewel in the rough
افتراضي رد: محاولة شراء سيارة أنتهت بالفشل

الحمد لله يا جماعة أنا أشتريت عربية النهاردة من سوق السيارات اللي في العاشر، وده اللي حصل معايا بالضبط....

النهاردة يوم الاحد 1-1-2012 اتصلت بالسمكري الصبح بدري وأتاكدت عليه أن أحنا هنروح السوق حسب اتفاقنا السابق، ورحت للسمكري الساعة 11 تقريبا وأخدنا معانا بوهيجي عربيات (شفت في موضوع سابق ان واحد بينصح ناخد معانا بتاع بوهية عشان هو اكتر واحد بيفهم لو كانت العربية راشة أو لا) وعرفت قد إيه البوهيجي مهم جدا عشان كان بيعرف بكل سهولة الحتة اللي رشة، المهم، وصلنا السوق تقريبا مع أذان الضهر،وأول ما دخلنا لاحظت أن التجار تقريبا هما اللي مسيطرين على السوق، بس فيه ناس بتبيع عربياتهم لوحدهم وده كان قليل جدا، وانتو عارفين انا كنت بدور على فيرنا أقل موديل 2008، وطبعا شفنا عربيات كتير، في منهم فيهم شغل في الحوض ومرشوش بنضافة يعني عايز واحد خبير عشان يكتشفهم، والعربيات النضيفة سعرها مبالغ فيها، بس طبعا فيه اللي عايز يبيع فعلا وده اللي كنا بندور عليه، المهم انحسر اختيارنا بين عربيتين 2008 الاول طلب 48.5 والتاني 50 والاتنين تكيف وباور بس عشان العربيات النضيفة الكاملة بيطلبوا مش أقل من 54، وطبعا العربية أم خمسين كانت أفضل، المهم وصلنا مع الاول لغاية 47، وبعد كده قلنا نشوف التاني هنوصل معاه لكام، وصل لغاية 48 ومش عايز ينزل جنيه ومشينا من عنده على كده ولما لقيت أنه مش راضي ينزل عن كده لفيت لفة ورجعت له تاني واتكلمت معاه تاني وقلت له 47.750 بدل من 47.500 ورفض برضه لغاية زودت له 50 جنيه بالعافية، وأحب أقول لكم البايع ده كان تاجر والعربية عليها توكيلين، والعربية الاولانية كانت بدون توكيل والرخصة بأسم صاحبها، بس أنا استريحت للعربية اللي عليها توكيلين، أعمل إيه دلوقتي؟ وطبعا كان معايا الفلوس كلها بس كنت عامل احتياطات جامدة جدا عشان الفلوس متتسرقش، يعني بصراحة كده بدون كسوف لفيت الفلوس على وسطي وربطها جامد جدا وطبعا فلوس أوراق كبيرة فئة المتين جنيه ومكانتش باينة خالص، حتى الناس اللي معايا مكانوش يعرفوا الفلوس معايا ولا مش معايا، روحنا على الشهر العقاري على طول اللي في السوق، وعملنا عقد مسجل على طول واللي معايا يقوللي أعمل توكيل وانا اقول لا عقد مسجل والحمد لله سجلت العربية باسمي وخلصت واستلمت العربية واتاكدت ان كل حاجة تمام، أنا حبيت اقول لكم على كل حاجة حصلت عشان تكون تجربة يعرفها كل اخواتنا في المنتدى، وانا هعمل موضوع بنفس الرد ده عشان كل واحد عايز يشتري عربية من سوق السيارات يقرأه الأول وشكرا لدعائكم ليه، ألف شكر
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 12:33 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017