اي مساعده في الاكسارا انا جاهز

[mahmoudfs]

المشاركة الأصلية كتبت بواسطة amrmaismail اخي الكريم استاذ محمود ايه اخبارك يارب تكون في تمام الصحه والعافيه عندي مشكله في الاكسارا وهي ان العربيه علي السلانسيه و الار بي ام تحت 10 فيها رجه عاليه في المحرك كمان مؤخرا في لمبه بتنور وتطفي في التابلوه وهي Engine auto-diagnosis If it flashes or lights while the engine is running it indicates a fault within the fuel injection,ignition or anti-pollution systems Consult a the dealer as soon as possible ارجو الاستفاده من خبرتكم عن حجم هذه المشكله والف شكر مقدما

اخي الغالي
السلانسيه في الاكساره تحت 10 شي طبيعي جدا .
اما الرجه في المحرك مع تنوير لمبه فحص المحرك .
لازم تشخيص العطل عن طريق الكمبيوتر افضل.
عشان تحل المشكله من جذورها بدون اي مشاكل.
اما المشكله عندك حسب خبرتي سنسور الاوكسجين .او تصفير لجميع الحساسات.
تحياتي

[amrmaismail]

المشاركة الأصلية كتبت بواسطة mahmoudfs اخي الغالي السلانسيه في الاكساره تحت 10 شي طبيعي جدا . اما الرجه في المحرك مع تنوير لمبه فحص المحرك . لازم تشخيص العطل عن طريق الكمبيوتر افضل. عشان تحل المشكله من جذورها بدون اي مشاكل. اما المشكله عندك حسب خبرتي سنسور الاوكسجين .او تصفير لجميع الحساسات. تحياتي

حمدالله عالسلامه استاذ محمود والله اطمنا عليك انك بخير ياريت ماتغبش عنا تاني وتنورنا علي طول

[mazaya010]

المشاركة الأصلية كتبت بواسطة amrmaismail انا معايا اكسارا ١ وهقولك علي شويه حاجات مش محتاجه خبرة لغايه مالاستاذ محمود يرجع بالسلامه مبدئيا اكشف عالصاج بنظره عامه وغالبا العربيه دي مابيمسكش فيها اي صدأ لان صاجها معالج هتلاقي رقم الشاسيه علي ايدك الشمال اول ماتفتح الكبوت مكانه حساس شويه لانه علي صاجه ضعيفه وراكب عليه الرفرف اتآكد انه مافيهوش اي انبعاجات او لحام طبعا قوايم العربيه والمدادات واللي انت عارفه ده كله يكون تمام التمام شوف العربيه عامله كام كيلو ولون الموتور ده معمر جدا فك الخرطوم اللي عالعمه بتاعة الموتور ورايح لفلتر الهواء واتآكد انه مش معرق زيت راجع مقاس الزيت واتأكد انه سليم علي الماكس ومش ناقص بص عالريداتير مايكونش فيه لحامات وغيره اتأكد ان العربيه بارده تماما ودور وشوف العربيه عالسلانسيه صوتها ناعم ولا فيها رجه حاجة التابلوه لازم تكون كلها موجوده وراكبه واتأكد ان الكاسيت الاصلي موجود لانه ب ٣٠٠٠ جنيه ولو موجود اتأكد انه شغال مع المالتي فانكشن لانها مش بتشتغل غير مع الكاسيت الاصلي ماتنساش تاخد كود الكاسيت العربيه بمفتاحين واحد بالريموت وواحد عادي + كارت كود المفتاح والمفتاح فالتوكيل ب ١٠٠٠ جنيه لو معاكش الكود اتأكد ان جميع الزراير شغاله وتعمل بكفائه التكييف بتاع العربيه دي ممتاز ومش بيأثر علي سحبها خالص اتأكد من كده سوق العربيه طبعا وشوف الكبالن والمساعدين ومستوي الفرامل ...... الخ اهم حاجه ضفاير الكهرباء هتلاقي الوحده المركزيه ورا البطاريه مباشرة وطالع منها الكابلات اتأكد انها سليمه مافيهاش لعب يعني مافيهاش قص و لحام ومغطاه بالعازل الاسود بتاعها وتمام التمام ومافيش مانع انك تنزل صوره بتاعه الموتور من جوجل واطبعها وخدها معاك راجع منها ان مافيش خراطيم او وصلات ناقصه او حاجه والباقي كشف عادي زي اي عربيه وهتعجبك انشاء الله وانا معاك لو شكيت في حاجه وعايز تسأل عنها

اشكركم على التوجيهات .. صاحب السيارة قال ان عداد الكيلو متر جايب 9999999 لان و هو بيغسلها جت علية مية مش عارف اذاى و يظبط بمبلغ 1000جنية؟؟؟ الكلام دة صح و لا؟؟

[amrmaismail]

لأ اعتقد انه كان هيلعب فيه بوظه عموما كيلو متر العربيه بيتسجل علي الكمبيوتر بتاع العربيه ممكن يتعرف فالتوكيل ..... كدا يبقي لازم تتأكد من موتور العربيه تمام اوي وخلي بالك المكنه بتاعت العربيه دي مهما كانت خفيفه عمرها ما هتجيب دخان من الشكمان قيس كبس البساتم عند واحد كويس لازم ماتسجلش اقل من ٩ بار وكمان اتأكد كويس ان الزيت مش بينقص وخلي بالك ممكن يكون مزود زيت شنبر فامش هتعرف وبعدين ماقولتلناش هوا عايز فيها كام لو مثلا ٢٨ -٣٠ يبقي كويس حتي لو الموتور بايظ الموتور كله بحساساته بالفيتيس ٤٠٠٠ جنيه غير كده الموضوع بيعتمد علي امانة صاحبها

[mahmoudfs]

المشاركة الأصلية كتبت بواسطة mazaya010 اشكركم على التوجيهات .. صاحب السيارة قال ان عداد الكيلو متر جايب 9999999 لان و هو بيغسلها جت علية مية مش عارف اذاى و يظبط بمبلغ 1000جنية؟؟؟ الكلام دة صح و لا؟؟

اخي الغالي اذا كان عندك الكيلومتر ضارب صعب جدا تصليحه لانه حساس جدا كل القطع الالكترونيه بداخله مايكرو يعني مصغره جدا فقط شغل شركات.
يعني لازم تغير كل العداد كامل ما يتصلح اذا كان فقط ضارب الكيلومتر..

تحياتي