#1
|
||||
|
||||
تجربتى مع تعديل نظام الإشعال ..... حكايتى مع الموبينة
السلام عليكم ورحمة الله وبركاته
إخوانى وأخواتى في المنتدى الكريم تحية طيبة وبعد مرحبا بكم في سلسلة حكايتى ، اللى بأشرح فيها تجاربى الميدانية في مجال السيارات لكى لا أطيل عليكم ، انا كان عندى مشكلة من فترة في نظام الإشعال وطبعا لأنى من ألتراس الأبلاتين والكوندينسر الحمدلله طورت نظام الإشعال ليصبح قريب جدا بل وأفضل من النظام الإليكترونى وده لأن المشط الإليكترونى غالى ومضروب الصراحة انا قعدت أكتر من ساعة وكنت بجهز في الموضوع ليتم شرحه بطريقة أفضل وأحسن لكن مع الأسف الكمبيوتر فصل والموضوع التانى راح بجد كان مجهود ساعتين لكن انا هديكم المفيد وأرجو منكم الدعاء لى ولأبنتى بالصحة والستر والرزق اللهم صل على سيدنا محمد ، لا إله إلا انت سبحانك إنى كنت من الظالمين الموضوع بإختصار هو تغيير الموبينة الكوز القديمة اللى كانت عندى وصورتها أهى : وطبعا كانت ضعيفة ومابتحرقش البنزين كويس عشان كده لما توفرت الإمكانيات إشتريت الموبينة السودا اليابانى دى : ومعاها الكوندينسر الخارجى ده بتاع البيجو ال504 ووظيفته انه بينعم التيار وبيعلى أداء الموبينة طبعا بعد ما سألت واحد متخصص ميكانيكا في طريقة توصيل الموبينة دى لأنى ماكنتش متأكد من بعض الحاجات في توصيلها البعيد اتريق عليا وقاللى مش هتعرف ، انا مابعرفشششش كبرت في دماغى والحمدلله وصلتها لكن اللى ناس كتيرة ماتعرفوش ان الموبينة دى فيها مقاومة والكهربا اللى داخله عليها من كونتاكت العربية بتبقى ضعيفة عشان كده عملت حاجة 90% من الصنايعية الجهابزة مايعرفوهاش وصلتلتها الكهربا عن طريق كتاوت 40 أمبير خارجى أربعة رجل والميزة في الكتاوت لما توصله للموبينة انه بياخد من الكهربا بتاعت الكونتاكت وبيخرج من البطارية ديريكت على الموبينة طبعا الأداء هيختلف 200 مرة لو أخدت من الكونتاكت بس ده غير المشاكل اللى ممكن يسببها (وده الجهابزة برضو مايعرفوهوش ) الموضوع ده تجربة شخصية ومش منقول من أى حته وعلى أتم الإستعداد للى عاوز يعدل عربيته أعملهاله الموبينة ب85 جنيه الكوندينسر 10 جنيه الكتاوت ب15 وفى النهاية اتمنى الموضوع يكون نال إعجابكم وارجو الدعاء لى ولأبنتى بالصحة والستر |
#2
|
||||
|
||||
رد: تجربتى مع تعديل نظام الإشعال ..... حكايتى مع الموبينة
طبعا كله هيسأل إزاى بتتوصل
انا هقولكم طبعا هيا زى ماقلنا انها بتاخد كهربا ديريكت الأبلاتين هنا وظيفته انه يوصلها بالأرضى لكن الكهربا متقطعة زى مفتاح الon والoff الأبلاتين بيقطع الكهربا على الموبينة تقوم الموبينة تطلع ألاف الفولتات اللى بدورها بتوصل للبوجيهات في صورة شرارة وده رسم توضيحى مقارب جدا للى عملته في العربية |
#3
|
||||
|
||||
رد: تجربتى مع تعديل نظام الإشعال ..... حكايتى مع الموبينة
وده رسم توضيحى تانى لكن من غير الكتاوت وطبعا زى ماقلت هيفرق كتير في الأداء ، ماليش دعوة لو اتركبت من غيره
|
#4
|
||||
|
||||
رد: تجربتى مع تعديل نظام الإشعال ..... حكايتى مع الموبينة
ياباشا
سورى فى اللفظ انت صااااااايع اخر حاجه :018A1D ~146: ربنا يكرمك انت وبنتك ويفك كربك وكرب المسلمين
__________________
دا لينك اولتراس فيات 132 دا لينك صفحتى على الفيس بوك |
#5
|
||||
|
||||
رد: تجربتى مع تعديل نظام الإشعال ..... حكايتى مع الموبينة
ماتنسوش تركبو فيوز قبل الموبينة بس يكون فيوز أصلى علشان يحافظ على الموبينة
|
|
|