الخطوة الثانية: سيارة الشركة وحادث (أدخلوا وانظروا للصور واحكموا من المخطئ)

[احمد على 1999]

اولا باشكرك يا استاذ احمد على الرسم التوضيحى المبهر
ثانيا انا صوت فى الرابط ل ( مناصفة او بنسبة )
ثالثا رايى بناءا على شرح حضرتك :

• طبعا العربية الحمراء غلطانة بنسبة كبيرة جدا و دى حاجة تقديرية ( يعنى انا متفق مع dego story )
• زى ما قال 75 % خطأ على الاحمر
• طب ليه الاصفر غلطه اقل ( برضه لنفس الاسباب الى قالها dego story )
• لان المفروض ان يبقى سايب مسافة امان تسمحلوا باتوقف تماما لاى موقف طارىء
• بس ظروف عشوائية تخطيط الشوارع الى ادى الى تربية الشعب على ثقافة قيادة عشوائية ادت الى طريقة السواقة لكل المصريين حتى للى عايز يسيب مسافة امان غصب عنه حيكره نفسة من الزمامير و الترعيش و حيتطر يهدى كل شوية علشان عربيات تانية حتدخل فى مسافة الامان فحيتطر يعمل واحدة جديدة و هكذا لغاية لما يرجع مطرح ما طلع ( يعن لو كان طالع من عند البيت حيرجعلو تانى ) و على فكرة انا باحاول اسيب مسافة امان بس صعب جدا و حتى الى فاكر انه سيابها فهى برضه لسة شوية
• و زى ما قال dego مكنش ينفع المناورة و انا لو مكانه مكنتش حناور ( مفيش فرصة تبص فى مرايات و متضمنش تعمل كارثة اكبر )
• و برضه طالما علامات الزحف 10 متر يبقى كان بينهم على الاقل ( تقديريا ) 10 + 10 كانت الحمراء غير مرئية + 10 ( لو كان رد فعله طبيعى ) عقبال ما العين شافت صورة العربية الحمراء متوقفه و بعدين المخ ترجم الصورة و فهم انها مصيبة و بعدين المخ خد القرار و بعدين ادى الامر للرجل و بعدين الرجل اترفعت من على البنزين و اتحركت المسافة للفرامل و بعدين الرجل داست فرامل = يعنى على الاقل كانوا 30 متر
• و طالما العربية زحفت يعنى الفرامل بالوضع ده مش حتجيب النتيجة المرجوة - عكس ال ABS - ( العربية بتتزحلق يعنى محافظة على سرعتها او بتهدى بس مش زى لو العجل متزحلقش ) غير ان العربية فى الوضع ده مش حتستجيب لاى محاولة للمناورة ( بفرض انه كان فعلا حاول يحود )

فانا راى و الله اعلم و يسامحنى ( لو انا غلطان ) ان الاحمر غلطان بنسبة لا تقل عن 75 و الاصفر لا تزيد عن 25
و بما ان المرور خد قراره ان الاصفر غلطان كلية فيبقى الشركة تشيل مع الموظف بالنسب دى

[lancer.style]

انا من رائى الشخصى

ان الاتنين غلطنين



اولا السيارة الحمراء

لانة شكلة كدة مش مدى اشارة

و كمان ماشى فى الحارة الوسط و هو بينة و بين الملف يدوب المفروض يمشى فى اليمين علشان يلف يمين

و كمان هو شايف عربية جاية على يمينة و عايز يخش

انة وقف فى صلاح سالم و الساعة 2 الفجر يعنى الطريق فاضى و كلة بيشد حيلة شوية



اما الموظف بقى فاخطائة قليلة شوية


انة مهداش لما شاف العربية مدية اشارة

انة مهداش لما شاف لمبة الفرامل منورة

انة مخدش غرزة خطف و كان ارتاح



او كان خد طريق غير صلاح سالم و ريح نفسة

[احمد على 1999]

المشاركة الأصلية كتبت بواسطة lancer.style او كان خد طريق غير صلاح سالم و ريح نفسة

روشة الحتة دى

[omardivel2005]

يا جماعة أزاى بس الاصفر غلطان دة نسبة خطائة لا تتعدى 10% عشان الاحمر كان متردد بين حاجتين زى ما انا قلت هوة كان هيخدها من قدام اول عربية ورجع فى كلامة وزى ما الرسم موضح كان فى عربية تانية على اليمين برضو فهدى خالص وألا الفتحة كانت هتعدية فكانت النتيجة ان الاحمر لما كبس ممكن الاصفر افتكرة خلاص هياخد الغرزة عشان كدة دخل فية الكلام دة كلو فى ثوانى طبعا عشان الطريق بيكون مفتوح باليل وكل الناس دايسة

[@واحد من الناس@]

طبقا لقوانين المرور اللتي وضعها الشعب المصري لنفسه الطريق ملكيه خاصة بي أسير به كما أشاء ويجب على الجميع مفاداتي فالإثناين خاطئين
أولا السيارة الحمراء دوليا ممنوع منعا باتا وقوف سيارة توقفا تاما في حرم الطريق وإنما على جانبي الطريق يعني يعدي الخط الأصفر ويقف ده لو فيه أصلا فيبقي الأحمر غلطان بنسبة 100% لحد دلوقتي
ثانيا السيارة الصفراء دوليا الباشا كان بيجري بسرعة تجاوزت السرعة المقررة على الطريق فهو المسؤل عن أخطاءه يبقي غلطان بنسبة 100%
يعني مناصفة 50% حمراء 50% صفراء
ده في الدول المحترمة (في أوروبا والدول المتقدمة )

أما بالنسبة لمصر فالأمر يختلف تماما
أولا الحمراء خاطئة بنسبة 90% لأن طبقا للقانون المصري اللي قولته في الأول فلو الأصفر مخبطوش غيره هيخبطوا لأن زي مقولتم كله بيبقي طاير بلليل فكده كده حد هيخبطه لأنه وقف فجأة
ثانيا الأصفر غلطته إنه إتبع القانون اللي الشعب المصري وضعه ومشي بسرعة بس معلش كان لازم يعمل كده لأن الكل بيجري وشادد حيلة فهو مش عايز يتقالعليه مبعرفش يسوق لأن عندنا في المصر المحترف هو اللي بكسر القوانين وبيضرب بالقانون عرض الحائط