|
#1
16-09-2010, 12:34 PM
|
||||
|
||||
اغير زيت الفتيس الاوتوماتك و لا لأ ؟و شوية اسئله كمان
السلام عليكم و رحمة الله و بركاته
انا اشتريت و الحمد لله كريستاله 1998 1300 اوتوماتك تفتكروا لازم اغير لها زيت الفتيس و لا لأ لأني بالاحظ الآتي : العربيه اول النهار لازم تسخن جامد قبل ما تتحرك و بعدين لازم الحركة تبتدي بطيئة و بعدين بتسرع لوحديها و فجأة و بعدين معظم النهار بتبقى عادية بنسبة كبيرة بس لو ركنتها تاني مده لازم اسخنها برضه و لما بادوس ع البنزين فجأه اول النهار ممكن تبطل كان البيكات في الكربراتير مسدوده و بالاحظ انه في حالة وضع الفتيس على ال دي العربية بتنتش بقوة بعد وضع الفتيس ب ثانيه مش في نفس اللحظه كان العربيه عايزه تنط لاكن لما باحط الفتيس على الوضع ار بتتحرك بسلاسه للخلف بدون الرجه السابق ذكرها فهل العربية فيها كربراتير محتاج يتسلك و لا زيت الفتيس يتغير اصل انا عندي مكنه في الشغل مكبس هيدرولك لازم طلمبة الهايدرولك تشتغل شويه الصبح بكسل شوية و بعدين تبتدي تجمع قوتها باحس انه العربية بتعمل كده و لما رحت للبنزينه غيرت زيت الموتور لكن زيت الفتيس ما رضيوش يغيروه قالوا انه كامل و مش محتاج تغيير و قالوا محدش بيغير زيت الموتور بس امبارح واحد جاري نصحني بتغييره عشان العربية تفوق و تبقى احسن و سؤال كمان لو سمحتم في زيت اسمه ريسورس العلبه من كارفور بعرض بسعر 80 جنيه الزيت ده المفروض بيسد التآكل البسيط في البساتم جبت واحده بس محطيتهاش مع الزيت احطها و لا لأ ؟ و لما قست الزيت بعد ما غيرته لاقيته زياده عن العلامه الي فوق بحوالي 2 سنتيمتر في مشكله من كده و لا لأ ؟ و شكرآ لحضراتكم 
|
|
#2
16-09-2010, 01:48 PM
|
||||
|
||||
|
رد: اغير زيت الفتيس الاوتوماتك و لا لأ ؟و شوية اسئله كمان
وعليكم السلام ورحمة الله وبركاته
اولا مبروك عليك الكريستالة وربنا يملاهالك بركة ويكفيك شرها ثانيا انا شاري كريستالة قريب زي حضرتك وعايز افيدك باللي اقدر عليه موضوع زيت الفتيس من خلال اراء الخبراء اللي معانا في المنتدي بيقولو بيتغير كل 40 او 50 الف كيلو وبما ان حضرتك لسه شاريها قريب يبقي اعتقد احتياطا لازم تغيره علشان متعرفش اللي قبلك كان غيره ولا لأ وخلي بال حضرتك ان في حد قاللي ان في مشكلة في بعض عربيات الكريستاله عند تغيير زيت الفتيس ان مبيكونش في طبه من اسفل لتغيير الزيت وده بيخلي بنزينات كتيره تقولك الزيت كويس ومش عايز يتغير فلازم تشوف موضوع الطبه ولو مش موجودة اعتقد في بنزينات ومراكز صيانة بيكون عنده جهاز شفط بتشفط الزيت وتحط الزيت الجديد بس المعلومة دي مش مؤكدة ياريت اهل الخبرة يصححولنا المعلومة دي اما هل للموضوع ده علاقة بفوقان العربيه ولا لأ مقدرش افيدك صراحه ولكن ممكن تخلي ميكانيكي ينظف الكربراتير ويظبطلك كهربة العربية وباقي المشاكل معرفش عنها حاجة معلش يعني حبيت اساعدك قدر المستطاع وياريت اهل الخبرة يفيدونا برأيهم
|
|
#3
16-09-2010, 02:00 PM
|
||||
|
||||
رد: اغير زيت الفتيس الاوتوماتك و لا لأ ؟و شوية اسئله كمان
الله يجازيك كل خير
|
|
#4
16-09-2010, 03:22 PM
|
||||
|
||||
|
رد: اغير زيت الفتيس الاوتوماتك و لا لأ ؟و شوية اسئله كمان
اولا الف مبروك على العربية وربنا يبتركلك فيها ...
وبعدين الفتيس نقلاته معاك اخبارها ايه لو كويسة ومفيهاش مشاكل يبقى الفتيس الحمد لله كويس .. لكن انصحك انك تغيرله زيت علشات تحافظ عليه .. وموضوع النطه بتاعه الفتيس دى حاجة عادية وكويسة (دليل على ان الفتيس لسه بصحته) اما موضوع التبطيل مع البروده ده اكيد مشكله فى الكربراتير او الكهرباء وارجح ان الكربراتير مسدود ... وديها لميكانيكى وخليه يكشف عليها وان شاء الله تبقى حاجة بسيطه ... وابقى طمنا ...
|
|
#5
16-09-2010, 04:01 PM
|
||||
|
||||
|
رد: اغير زيت الفتيس الاوتوماتك و لا لأ ؟و شوية اسئله كمان
بالنسبه للنتشه بتاع الفتيس مش حقدر افيدك فيها و ممكن تكون قواعد الفتيس دا الاحتمال الاقرب في نظري
اما بالنسبه للتسخين الصبح دا ضبط السخان و الهوا بتاع العربيه و عباره عن مسمار في ظهر الكاربيراتير و لازم العربيه تتظبط و هيا بارده. اما نتشه العربيه فبكده الكاربيراتير عاوز يتنضف بالنسبه للريسورس مش حقدر افيدك لاني عمري ما استعملته و بعدين اعرف ان اسعاره فوق الكلام اللي بتقول عليه دا خالص و زيت الفتيس يتغير كل 40 الف كيلو
__________________
حـازم خـضـر
|
 |
|
|
