ارشيف احداث عام 2008

[hazem_khidr]

اوك يا باشا معاك
بس برضه فيه رقابه علي الاقل لو فيه نسبه دهون من امعاء الخنزير
كانت ظهرت في اي تحليل لاي زجاجه مش للماده الخام بس

[درش]

لاتفوتكم تعليقات المصريين في الأسفل..




ومحتوي الخبر الطريف يقول:



القاهرة - هذا الفأر ليس مصرياً .. بهذه العبارة التي تحمل نفيا قاطعا، رفض اللواء عبدالفتاح بدران نائب رئيس شركة ميناء القاهرة الجوي، اتهامات شركة الخطوط الجوية السعودية بأن ميناء القاهرة الجوي هو الجهة المسؤولة عن الفأر الذي تم اكتشافه علي إحدي طائراتها الجامبو خلال رحلتها يوم الجمعة الماضي من القاهرة إلي جدة، والتي حملت رقم 302، موضحا أنه لا يمكن بأي حال من الأحوال أن يكون هذا الفأر مصرياً.



وقال بدران من الصعب، بل ومن المستحيل أن يستطيع أي فأر الصعود أو التسلل لأي طائرة موجودة علي كوبري التحميل بالمطار ) وهي المنطقة التي كانت تقف فيها الطائرة السعودية (، لأنها منطقة حركة الركاب، لذا فإن مطار القاهرة غير مسؤول عن هذا الفأر وعن الخسائر التي سببها للخطوط السعودية] حسبما ذكرت جريده المصري اليوم[ .



ومن جانبه، أكد الدكتور سامي البساطي، رئيس الجمعية المصرية لعلم الحيوان، أنه لتحديد الجهة المسؤولة عن الخسائر لابد من تحديد جنسية الفأر، وهذا يتم من خلال معرفة السلالة التي ينتمي إليها .



وقال البساطي: من المحتمل أن يكون الفأر سعوديا أو من أي دولة أخري، وقد يكون موجوداً علي الطائرة منذ 15 يوما دون أن يكتشفه أحد، ولمعرفة ذلك يمكن فحص الفأر من خلال المواصفات البيئية التي اكتسبها من البيئة التي يعيش فيها.



وكان فأر قد أثار الذعر علي رحلة الخطوط الجوية السعودية رقم 302قبل إقلاعها بربع ساعة، عندما صرخت راكبة بعد أن اكتشفت أن فأرا يسير علي جسد ابنها الذي يجلس بجوارها، الأمر الذي تسبب في وقف تشغيل الطائرة لأكثر من 24 ساعة، وإلغاء رحلتها وعودتها من علي ممر الإقلاع وعلي متنها 368 راكباً، وحدوث خسائر للشركة- التي اتهمت سلطات مطار القاهرة بالإهمال والتسبب في هذه الخسائر- بلغت نحو 3 ملايين جنيه لقيام الشركة باستدعاء طائرة أخري .



لكن الاظرف كانت تعليقات المصريين علي الخبر ومنها :



1- حتى الفيران عايزة تهاجر وتسيب البلد .



- الفار مصرى ابن مصرى ،بس زى حالة كتير من المصرين زهقوا من وضع البلد فكر يسافر يلقط رزقة فى السعودية، الله يعينة عندة اسرة وعياااااااااااال مش لاقى يأكلهم





2 - الفار ده جامد قوى .



3 - يا جماعه انا الى عرفتوا عن الفار ده انه ابوه سعودى وامه مصريه وبعدين الفار المصرى اخره يوم ميكون فار صايع قوى كبيره يطلع ماسوره مجارى ده لو قلبه ميت



4- اهم حاجة اوراق الفار سليمة ولا لا ؟



5 - مش يمكن الفار دة كان بيفكر يسافر على ايطاليا بس خاف ليموت والمفتى يقول علية مش شهيد فقال اركب طيارة احسن , و ا سافر على بلد عربى وربنا يفتحها فى وشى واسيب البلد دى , ويمكن ارجع بعد 50 سنة والاقى السيد الرئيس زى ما هوة اسلم علية وارجع على هناك تانى .



6 - يا بخت الفار دة والله العظيم انا بحسدة انه فكر يسافر السعودية , بس كان من الافضل بالنسبه للعملة انه يسافر الكويت او الامارات .



7- حتى الفئران عايزة تهاجر كتنا نيلة فى حظنا الهباب والنبى لو تعرف يا سيد فار تجبلى عقد عمل ابعت لى .



8 - مالهاش حل, انا رأيي يسيبوه لغاية ماتش مصر مع السعوديه.. ويقولوله يومها ان مصر كسبت ونشوف رد فعله.. لو فرح يبقي مصري.. ولو اتضايق يبقي برضه مصري بس نفسه حسن شحاته يمشي...

ههههههههههههههههه

[ayman abdelrazek]

كان المهندس رشيد محمد رشيد وزير التجارة والصناعة ضيفا على برنامج 90 دقيقة ليتحدث عن الازمة المالية العالمية وتاثيراتها على مصر وكيف استعدت الحكومة للمواجهة ويستشرف افاق الازمة القادمة
بدأ رشيد بالاشارة الى سوء الفهم الذى حدث عند البعض عندما قالت الحكومة ان النظام الاقتصادى المصرى لن يتاثر بالازمة العالمية ، قال رشيد ان الصحيح هو ان النظام المصرفى الذى لن يتاثر بالازمة وهذا ماقلناه ، وليس لدينا مشاكل فى البنوك والودائع وكل المنظومة المالية فى مصر بخير
ليه دلوقتى بنقول مشكلة ؟ لأن قطاعات اخرى ستتاثر بالازمة وعلى راسها تحويلات المصريين بالخارج والاستيراد والاستثمار الخارجى كله سيتأثر ، لأن مفيش دولة معزوله عن العالم وسنتأثر حتى فى استهلاكنا
حاجة زى البرد اللى احنا عايشين فيه دلوقتى وسببه عاصفة خارج الحدود والازمة زى كده
اضاف الوزير : فى الصين 67 الف مصنع قفلوا فيها مليون و200 الف روحوا بيوتهم والحكومة ضخت 600 مليار دولار لانقاذ الاقتصاد الصينى

وقال رشيد رداً على سؤال عن احتمال انخفاض اسعار السيارات : سعر السيارات مربوط بالشركات وانا كوزير لا احدد الاسعار
وعموما لن يبقى وضع اسعار السيارات كما هو ولا بد ان يتأثر بانخفاض الاسعار العالمى ، عندك 30 شركة منها 16 بيجمعوا فى مصر وعندك حرية الاختيارptmnlo123per154

وعن لقائه الاخير بالتجار قال وزير التجارة والصناعة : انا قلتلهم بيعوا اللى عندكم بأى سعر ... قالوا هنخسر قلت خسارة كبيرة افضل من الكارثة والخسارة الفادحة ، كده كده هتبيع ولو عندك امل السعر يطلع مش هيطلع ، لازم تبيع والآن افضل من غدا ، خللى المستهلك يشترى واعمل عروض مغرية ولا تكابر والارصدة اللى نازلة فى السوق بتزيد والحديد بينزل وسلع كثيرة خلفه

اكمل الوزير : المنافسة هى فقط التى تجبر على الشراء والانخفاض يبدأ بالسلع الراسمالية ولو نازل تشترى بدلة او عربية ممكن تقول استنى شوية لكن السلع الاستهلاكية دورة نزول اسعارها بتاخد وقت مش هينفع تستنى لما تنزل
الية ارتفاع الاسعار غير الية انخفاضها لكن الاسعار برة مستمرة فى النزول وهذا قدر ولن نهرب منه ، ومن حق المواطن المطالبة بخفض الاسعار التى انخفضت عالميا

[islam_galal]

بصراحة كلام معقول و متزن ptmnlo123per112
بس المشكلة ان فعلا التاجر اللي بيقدم أول العروض الجريئة بيكون الأقل خسارة
التجارة شطارة بزيادة المكسب و تقليل الخسارة

المشكلة في مصر ان الاقتصاد مسير و ليس حر كما يدعون و قائم علي سيطرة كاملة للسلطة بنظم التسعير أو نظم احتكار صريحه و بالتالي نظم و قواعد التجارة الحرة مش مطبقة و خبراتنا فيها ضحلة

المرة دي الأزمة عالمية و لا زيد و لا عبيد حيعرفوا يظبطوا ناسهم ، التاجر الشاطر دلوقتي يلعب علي أقل خسارة بعمل تخفيضات خارج التوقعات و سريعه و بذلك يتخلص من المخزون و لا مكان للجبناء

[sam ram]

والله الرجل ده محترم
بس للاسف معنى كده انه مش حيطول .... و اول تغيير حيكون فيه
التجاره شطاره .... مش معناها ضحك على الدقون و ازاي اعرف اجيب القرش من جيبك
هو استغلال الازمات و تضليل الناس شطاره
الدنيا كلها الاسعار بتنزل ..... و عندنا عايزين يزودوها ...... هي دي الشطاره ؟؟!!!!!!!!!!!!!!!

احييك يا ايمن على نقلك للتصريح .....
يمكن كدا الناس تاخد بالها او تاخد موقف يجبر التجار و الوكلا على احترام عقليه المستهلك المصري