اسوأ سياره في القياده

[eng/walaaeldeen]

المشاركة الأصلية كتبت بواسطة محمدصلاح القاضى بص يا اخ مشمش انا عاوز اقولك على حاجه من وجهة نظرى انا وقد يختلف معى بعض الاعضاء وقد يختلف الاخر وهى ان اسوء عربيه لا تقدر بماركة السياره او نوعها او سعرها او موديلها لكن حالة العربيه هى التى تبقى الاهم يعنى انا عربيتى 132 اركبها وانزل اركب الاسبرانزا مفيش فرق لان 132 مظبوطه رغم انها موديل 79 يعنى ماشيه 32 سنه و اى حد الحمد لله جربها يقول كدا وساعات اركب دايو لانوس استغفر الله العظيم حاجه زباله وممكن اركب 128 احس انى راكب زيرو برضه وهى دى بقى النظريه ورغم دا كله احب اقول ان اسوء عربيه سوقتها لحد دلوقتى لان فعلا حالتها كدا شيفروليه لانوس 2011 عداد كيلوات 300 كيلو فقط لكن العربيه فقيره جدااا من ناحية كل حاجه وللاسف منصور لم يضف لها بل سلب منها

السلام عليكم
ما انا قصدي ان كل واحد يقول النوع والسبب سواء جديد او قديم
فهناك بعض السيارات القديمه احسن من الجديد
والله المستعان

[eng/walaaeldeen]

المشاركة الأصلية كتبت بواسطة m_ss2 اعتقد ان اسوء قيادة سيارة فى العالم هى العربية بتاعتنا نظرا لما تمر به من حالة صحية شنيعة رغم محاولات الانعاش المستمرة عن طريق الصنيعة --------------------------- الجديد شديد يا عم الحج:THUMB_~1 12:

السلام عليكم
ربنا يشفيها لك وتقوم بالسلامه
والله المستعان

[eng/walaaeldeen]

المشاركة الأصلية كتبت بواسطة زينه*** واحده صاحبتى قالتلى اللادا صعبه وتقيله خالص وطلعتلها عضلات

السلام عليكم
الروسي كله محتاج مجهود
انا كان معايا نيفا ومركب لها موتور و فتيس وكرونه تويوتا 1800 سي سي كانت زي الفل بس كان الدركسيون مطلع عيني وبعتها علشان كده
والله المستعان

[eng/walaaeldeen]

السلام عليكم
البلونيز سياره واسعه لكن تجميعها ................. (اكمل مكان النقط)
اما اللادا والروسي فالروس لا يراعو الرفاهيه والكماليات (زمان) المهم تكون سياره حمارة شغل
اما بخصوص 133 السيات ده سياره معموله علشان نتعلم عليها القياده يعني حاجه مبدأيه مع احترامي لمالكيها
والله المستعان

[محمد حسن عبد الرحمن]

بسم الله الرحمن الرحيم

انا هقول لحضرتكو على أنواع السيارات اللى سوقتها وكانت رايحة فى ستين داهية.
1- تويوتا هاى أس ميكروباص بيتهيالى موديل 2006 العربية ديه كانت محتاجة عمرة وكانت عند فى الجراج اللى أنا شغال فية وكانت فى الوقت ده بحاول أتعلم السواقة فطلعت بيها لفة الصالون والتبلوة متبهدلين أخر صيحة على الموضة الأسلاك بتاعت الضفير تتكعبل فيها وأنت قاعد جو السيارة وطالعة من كل حتة الطبلوة الأرضيات السقف الزجاج الأمامى مشرخ العربية مخبوطة من كل جنب وحته وخرابيش وفوانيس مكسرة والمرايات مدلدلة الموتور له سيمفونية غريبة جدا العفشة رايحة فى ستين داهية أول ما عدت سرعة ستين كيلو متر سمعت صوات فى الكرونة والكردان ورجة غريبة بالسيارة رحت ما هدى على طول ومشغل أنتظار ورجعت ركنتها على طول وحلفت ما أطلع بيها تانى.
2- دايهاتسو دلتا وحش النصف نفس اللى قولتو سابقا مع زيادة فى أن الفرن بتاع الجكمان فية مشكلة وصوت السيارة عالى جدا جدا هو المحركات الجاز عالية ما باللك بمحرك جاز وجكمانه به خرم والفرن فية تسريب أو كانة مش موجود خالص.
3- سيارة 131 باب واحد كانت تباع سمكرى صاحبى كان فية شغل كتير وكانت للبيع على 6000 جنية وكانت من غير زجاج وباب السائق مش موجود ولا يوجد بها كراسى لكن يوجد بها موتور هههه.
4- سيات 133 كانت بروح أجيب بيها أكل وأنا قاعد بليل من غير أبواب أو زجاج والكبوت مخلوع ويوجد بها كرسى وأحد وبدورها بمفك عاده لآن المفتح بتاعها ضايع.
5- لادا 1300 كانت مفيهاش فرامل ومكانش فيها دبرياج والعفشة رايحة فى داهية ومدغدغة من كل حتة وماشى بنصف الجكمان والنصف التانى مدلدل والموتور مفوت.

أخوكو محمد