أحترس من محور 26 يوليو

[hatem_eg]

هو موضوع انهم حطوها في المنتصف وشالوها من الجانبين أعتقد بس انا ما شفتهمش لسه ، انه في كاميرات رادار من الناحيتين مزوج، يعني ليها فتحتين للعدسة واحده قدام للي جاي وحيكون طبعا صندوق الرادار كله مايل على الطريق بحيث انها حتكون في نفس الوقت مايله بنفس الزاوية بالنسبة للي جاي بردو وتكون متركب فيها عدسة تانية ليهم ، وعشان كده حطوها في وسط الطريق بوكس رادار للناحيتين وخلاص ، وعلى فكره الحركة اللي اتعملت دي قرعه موت ،علشان يصطادو الناس اللي ماشين بسرعه ، عشان لما تكون الكاميرا مديه الطريق ضهرها زي الوضع القديم فسهل جدااااا انك طبعا قبل ما تحصلها حتكون هديت العشرين والا التلاتين كيلو اللي فوق السرعه وخلص الموضوع ،،، انما وريني بقا شطارتك لما فجئة تلاقيها في وشك ، الا بقا لو حفظت اماكنهم
ملحوظة : سمعت مره انه نزلت في احدى الصحف الخليجية مواطن يرفع حركة الأصبع امام كاميرة الرادار ( واتلقطت صورته كده ) ههههههههه لما لقيها خربانه خربانه .

وغالبا اذا ما كنش اكيد اللي اتفكو دول حيتحطو في المنطقة ما بين نزلة الصحراوي من المحور لحد بوابة الرسوم.

بس تفتكرو انهم عملوهم ابيض وخطين حمر ليه ؟ والا عاوزين يرمزو للزمالك بحاجه ؟

انتم لية مش مصدقين ان الرادار مالوش غير فتحة واحدة بس للتصوير منها
يعني هو بيصور ناحية واحدة بس
النهاردة ركزت اكتر وانا جاي على 6 اكتوبر حتلاقم الاتي(الترقيم بداية من ميدان لبنان باتجاة اكتوبر)
الرادارات 1 -2 -3 - 5 عدسات التصوير بتاعتهم مركزة على الاتجاة الى اكتوبر
الرادارات 4 - 6 فقط عدسات التصوير بتاعتهم مركزة على الاتجاة القادم من اكتوبر

اما بالنسبة لموضوع الزمالك دا ممكن حاجتين
1 - اي اذي دايما بيجي من نادي الزمالك والرادار اذي طبعا
2 - احتفالا بمئوية الزمالك
ههههههههههههههههههههههههه ههههههههههههههههههههههههه ههه

[hatem_eg]

المشاركة الأصلية كتبت بواسطة walidelwahsh انتم لية مش مصدقين ان الرادار مالوش غير فتحة واحدة بس للتصوير منها يعني هو بيصور ناحية واحدة بس ..... لا هو الموضوع ده متأكد منه علشان كنت في دولة في الخليج من فتره قبل موضوع تجديدات المحور اللي حصلت من كام سنه دي ،، وكانت كل الطرق السريعه في البلد دي متركب عليها رادارات مزوج زي ما قلت عشان تلقط اللي جاي من الناحيتين وكان في رادارات متركبة عند بعض الاشارات الضوئية عليها من نفس النوع اللي على المحور هنا ، بتلقط من جهه واحده بس ، عموما انا ما شفتش الرادار المزوج ده هنا خالص غير بس ابو عدسة واحده زي اللي في المحور او اللي في الدائري بس انا اتوقع طالما جهزو الاعمدة بتاعتها في المنتصف ده يبقا اكيد حيعملو الطريقة اللي بقول عليها دي، عشان كده تحقق طلبهم بنسبة اكبر بكتير واللي هي الواحد ما يلحقش يهدي تكون الكاميرا قفشته، والا ما كانوش شالو الي على الجانبين لو الموضوع انها قريبه من الارض ، مش منطق اوي يعني او كانو ركبوها على اعمده اطول شويه ، ويا خبر بفلوس ، وعموما يا رب ما يتركب خالص خلي الواحد يمشي براحته اما بالنسبة لموضوع الزمالك دا ممكن حاجتين 1 - اي اذي دايما بيجي من نادي الزمالك والرادار اذي طبعا 2 - احتفالا بمئوية الزمالك ههههههههههههههههههههههههه ههههههههههههههههههههههههه ههه

[خالدخليفة]

اليوم لاحظت ان الرادارات على محور 26 يوليو اعتقد انها زادت عن 6 لان المسافات بينها قربت شوية لكن للحق معديتهومش
لكن ملحوظة الزاوية 45 دة خليت بالى منها وفوجئت ان فى كاميرات عدلة ( يعنى مش مايلة )
وده معناه انها بتصور فى الاتجاهين
وملحوظة اخرى ان الكاميرا لها فتحتين فى الامام ومثلهم فى الخلف
وده معناه انهم فى اى لحظة يقدرو يغيرو وضع الكاميرات او يخلوها تصور رايح جاى
ولكن بعد م يدوك ايحاء بوضع معين للكاميرات ثم يغيروه فجأة
والا ماقيمة نقلها الى منتصف الطريق
العجيب انى لاحظت انى فى ناس كتير مش فاهمين الموضوع
وطبعا بضطر اخرج دراعى من الشباك وادى انتظار لتهدئة سرعة السيارات القادمة

[hatem_eg]

المشاركة الأصلية كتبت بواسطة خالدخليفة اليوم لاحظت ان الرادارات على محور 26 يوليو اعتقد انها زادت عن 6 لان المسافات بينها قربت شوية لكن للحق معديتهومش لكن ملحوظة الزاوية 45 دة خليت بالى منها وفوجئت ان فى كاميرات عدلة ( يعنى مش مايلة ) <<<<< مش مايله عشان تجيب مسافه ابعد وطلقت من بعيد يعني وده معناه انها بتصور فى الاتجاهين وملحوظة اخرى ان الكاميرا لها فتحتين فى الامام ومثلهم فى الخلف وده معناه انهم فى اى لحظة يقدرو يغيرو وضع الكاميرات او يخلوها تصور رايح جاى <<<< يا باشا مش محتاجه تغيير وضع ،، ماهي في الاتجاهين يعني دلوقتي طبيعي بيشتغلو مع بعض ، كانهم كاميرتين ( باك تو باك ) ، وكل واحده مالهاش دعوه باللي في ضهرها ، من جوه البوكس منفصلين مالهمش دعوه ببعض. ولكن بعد م يدوك ايحاء بوضع معين للكاميرات ثم يغيروه فجأة والا ماقيمة نقلها الى منتصف الطريق <<< بالظبط عشان تشتغل رايح جاي في الاتجاهين العجيب انى لاحظت انى فى ناس كتير مش فاهمين الموضوع وطبعا بضطر اخرج دراعى من الشباك وادى انتظار لتهدئة سرعة السيارات القادمة

اهو اللي بيطلع دراعه ده لو اتلقط كده حتبقا ليلته كوبيه ههههههههه ، زي اللي بيعمل رعاش للناس اللي داخله على الرادار ايام زمان لو اتمسك بيخالفوه حتى لو مش مخالف السرعه
وربنا يجعل سرعتنا حنينه على الرادار ، تقبلو تحياتي ،،