تجربتى مع العفشه للافاده والاستفاده

[samirsaid1]

المشاركة الأصلية كتبت بواسطة mhemeda السلام عليكم حضرتك مساعدين مونرو ممتازين او البوجي الالماني

أخيرا لقيت حد فى المنتدى بيتكلم عن المساعدين البوجى
اية رأيك فيهم هما الأفضل ولا المونرو
انا الأول كنت ناوى أجيب المونرو ريفلكس وبعدين صديق قاللى هات البوجى افضل
فهل انت جربتهم فعلا او فيه عندك معلومات عنهم

وشكرا

[mhemeda]

السلام عليكم حضرتك انا جربتهم فعلا في عربيه جوز اختي كورسا 97 و شغالين ماشاء الله

[samirsaid1]

المشاركة الأصلية كتبت بواسطة m66fahmy السلام عليكم اولا اقبلونى معكم عضو جديد فى المنتدى ويشرفنى الانضمام ليكم .. انا معايا نوبيرا 2005 من الزيرو 131000 كيلو من شهر حبيت اغير عفشه لأول مره ( عدا طبعا المقصات تم تغييرهم مسبقا بـ SAMUONG تقريبا على ما اتذكر ومره تانيه تم تغيير جلب مقصات فقط ) غيرت مساعدين ( جبت ماندو كورى ) وكوبايتين وبطاحتين غيرت 2 بارة دركسيون 4 جلب مقصات ( نوع جيد نازل تايلاندى فى ورقه ذهبى صفراء ) انا بأتعامل مع ميكانيكى محترم وبيشتغل بنفس طريقة التوكيل وبنفس الادوات تانى يوم جلب المقصات اتقطعت .. لفيت السوق واحترت ايه اللى ممكن اعمله رجعت عملت سيرش عالنت لقيت الاخوه الافاضل فى المنتدى بيقولوا ان الحل الامثل مقصات كامله الأسبانى .. نزلت فورا اشتريت 2 ب 450 جنيه واعتقد هما كانوا ارخص من كده ولكن كل قطع الغيار تمنها زاد نظرا للاحداث وانا بغيرهم غيرت كمان كاوتشتين ميزان ثابت و2 تيش ميزان ... ماشى الغريب ان العربيه اتحكمت تمام وطبعا واضح ان المقصات الاسبانى دى حاجه كويسه ولكن فوجئت بأن العفشه ناشفه وفيه خبطه فى الجانب اليمين وبعد محاولات لمده اسبوع متواصل اجتمعت الاراء من كذا ورشه ومنهم فرع التوكيل وكذلك 2 مركز ظبط زوايا ... ان العيب من المساعدين وان بيهم عيب صناعه وبعد مداوالات مع التاجر اللى اشتريت منه مرورا بتاجر الجمله ووصولا الى المستورد ... وافق المستورد على مضض ان يبدلهم باتنين تانيين وادفع نص التمن للأسف عملت سيرش تانى بس متأخر على المساعدين الماندو الكورى ولقيت ان الشكوى دى متكرره منهم وواحد على المنتدى كاتب انهم كسرولو الياى لعربيه كيا برايد وطبعا انا محتار ... ولسه مخدتش اى قرار .. خايف استمر بالمساعدين دول فتره لحسن يكسروا كارتيره ولا يبوظوا المقصات وطبعا معنديش استعداد ابدلهم باتنين ماندو برضه والتاجر اللى اشتريت منه قاللى ان ممكن يبدلهم ب ماركة QYP اللى المفروض انهم يابانى طبعا بعد تحميلى بنص تمن الماندو وسداد الفرق والورشه اللى باتعامل معاها نصحتنى بمونرو ... مع انى جربت المونرو زمان فى فيات وكانوا ناشفين وانا رأيى اغيرهم باتنين فى التوكيل واخلص بس طبعا ده مش هيكون دلوقتى لأن خبطتين فى الراس توجع فى الايام الغبره دى ... ياريت مشورتكم وتحياتى محمد فهمى

انا بصراحة عاوز اظبط العفشة عندى من الامام وخايف من شكواك ان حاجة تطلع مش مظبوطة

[samirsaid1]

المشاركة الأصلية كتبت بواسطة mhemeda السلام عليكم حضرتك انا جربتهم فعلا في عربيه جوز اختي كورسا 97 و شغالين ماشاء الله

طيب كنت جايبهم منين وبكام

وبصراحة انا عاوز اجيبهم عشان المانى ودة اللى مشجعنى

بس عندة راكبين خلفى ولا امامى

وهل هما مثبتين العربية كويس لا اسمع انهم ناشفين بس حلوين

وشكرا لردك

[mhemeda]

حضرتك انا جايبهم من اسكندريه و هما راكبين امامي بقالهم سنه و كانو عاملين 700 جنيه هما فعلا ناشفين شويه بس عاملين ثبات جامد وده عن تجربه شخصيه