لمبة الزيت بتنور وبتطفى مع دوس البنزين

[mr_astra]

طيب ما تيجى نقطع الشك باليقين
تعالى نفك غطا الزيت
ونسيب العربية على السلانسية
ونبص من مكان غطا الزيت هلى فى زيت على الكامة من فوق ولا لا
بس مش عارف هانقدر نشوفها ولا لا لان الغطا البلاسيتك بيكون غاطس ....يا ريت تعرف تشوفها

طيب بلاش كدة
تعالى نفك حساس ضغط الزيت فى الهد واقفل مكانة بصباعك بس العربية تكون باردة وشوف الضغط على صباعك اد اية .... مجرد احساس بوجود ضغط الزيت على صباعك مش اكتر
عارف حصلت معايا فى عربية وكان فى قشرة لب سدة مكان حساس الزيت

اصل لو فى زيت بيطلع الهد واللمبة بتبربش يبقى كدة عندك سبيكة خفيفة !!!! هى العربية عاملة كام كيلو متر؟

[khaled202020]

المشاركة الأصلية كتبت بواسطة mr_astra طيب ما تيجى نقطع الشك باليقين تعالى نفك غطا الزيت ونسيب العربية على السلانسية ونبص من مكان غطا الزيت هلى فى زيت على الكامة من فوق ولا لا بس مش عارف هانقدر نشوفها ولا لا لان الغطا البلاسيتك بيكون غاطس ....يا ريت تعرف تشوفها طيب بلاش كدة تعالى نفك حساس ضغط الزيت فى الهد واقفل مكانة بصباعك بس العربية تكون باردة وشوف الضغط على صباعك اد اية .... مجرد احساس بوجود ضغط الزيت على صباعك مش اكتر عارف حصلت معايا فى عربية وكان فى قشرة لب سدة مكان حساس الزيت اصل لو فى زيت بيطلع الهد واللمبة بتبربش يبقى كدة عندك سبيكة خفيفة !!!! هى العربية عاملة كام كيلو متر؟

أولاً بشكر حضرتك جدا على اهتمامك وواضح إن حضرتك فاهم كويس بس للاسف أنا اللى مش قوى فى الميكانيكا وهحاول أنقل كلامك للفنى ،بس ياريت تقولى الخطوات اللى يعملها بالظبط يعنى يبدأ بإية ويوصل لإية،على فكرة العربية عاملة مائة ألف كيلو ومش منى أنا شاريها كده أنا مبسوقهاش أكثر من20ك فى الأسبوع ،وأتمنى نتواصل لأن الموضوع ده معقدنى والعربية حلوة قوى معايا باستثناء الموضوع ده

[osa92003]

سيبك من كل الحوارات ديه طبيعه موتور الاسبرنزا ماينفعش فيه الاراء التقليديه اطلع على مركز متخصص المتحده بالطريق الدائرى -اكشف كمبيوتر -اطمن على كل الحسحسات وبعدين هتعرف الحل

[mhamdy75]

حاول تجيب موتور فلاش عبوة ب 10 جنيه

ويتحط قبل تغيير الزيت

وانت واقف تشغل العربية سلانسيه 5 دقايق

وتغير الفلتر والزيت

هايسلك دورة الزيت كلها

[mr_astra]

المشاركة الأصلية كتبت بواسطة osa92003 سيبك من كل الحوارات ديه طبيعه موتور الاسبرنزا ماينفعش فيه الاراء التقليديه اطلع على مركز متخصص المتحده بالطريق الدائرى -اكشف كمبيوتر -اطمن على كل الحسحسات وبعدين هتعرف الحل

اى حد بيرد هنا بيكون راية استرشادى وقابل للخطا .... وكل واحد فينا بيدخل يقول حل من وجهه نظرة !!!! وجهلنا بالمشكلة ما يمنعش اننا نفكر حتى فى حل نموذجى
بس مش حسس ان كلمة سيبك من الحوارات دية تقيلة شوية؟؟؟؟
لكن بصراحة حل انة يكشف كمبيوتر مجاش فى بالنا خالص ...الله ينور عليك