ما هى الدايو زاز ؟؟؟ و ماهى ميزاتها و عيوبها

[miam0502788391]

ابعد ابعد ابعد
العربية دى مع دكتور زميل
اولا شكلها بشع التصميم غاية فى الغباء
معظم قطع الغيار ليس لها وجود وهتضطر توفق قطع غيار ليها من ماركات تانية
وبعدين لو على الركنة فيه بدائل اخرى زى ما الاستاذ سامح ذكر لك
او من رأى تزود الفين ولا تلاتة وتشترى ماروتى قطع غيار رخيصة ومتوفرة واقتصادية فى البنزين وتعرف تبيعها بعد كده

[koashraf]

المشاركة الأصلية كتبت بواسطة sh_masry و الموضوع و ما فيه انا عايز اجيب عربيه لمراتى تكون رخيصه لأننا فى الأخر مش هانستخدمها عربيه و هانستخدمها حديده بموتور علشان ابقى احجز مكان الركن بتاعى بعربيتها لما اطلع بعربيتى ههههههه لأن البارك عندنا مطوال و كله بيركن قدام علشان ماحدش يقف و يسد خروج عربيته و لو طلعت من المكان برجع ادوخ على مالاقى مكان تانى فكده ممكن اوقف العربيتين ورا بعض و عربيتى الأول بحيث انى اخرج بعربيتى و اطلع التانيه قدام و لما ارجع ازق التانيه ورا و ادخل بعربيتى و بكده يبقى حاجز مكان فى الشارع 24 ساعه و ب 14 الف جنيه بس - يـــــــــــا بـــــــــــــــلاش - هههههههههههههه

هو تفكير مدقدق فعلا يعنى..... طيب ماتشوف ركنه فى جراج احسن من كده.
المهم الزاز دى عربيه روسى مالهاش قطع غيار ولااعادة بيع يعنى فعلاًحديده بموتور

[maka]

http://www.masrmotors.com/vb/showthread.php?t=15549

[kae]

بص يا سيدي الفاضل , أنا كان معايا نفس العربية دي
مزتها : حديد مصفح زي اللادا ويمكن أجمد , ده أهم ميزة فيها
1200 CC يعني أكيد أحسن من الماروتي وغيره
الماتور ديوو وكويس لكن مش بتاع شد وحرق لكن سافر زي ما أنت عاوز
بص هي عربية متواضعة نسبيا بس تقدر تقول عاوزة واحد ميكونشي ناوي يغير قريب, حاجة كمان مفيش بور بس الدركسيون مش تقيل قوي

المشاكل
1- قطع الغيار موجودة في محل في شارع دمشق في القاهرة وفي كذا حاجة من اللادا وال ستروين بيتوافق عليها
2- مفيش تكييف
3- اعادة بيع صعبة
4- غيرت سير بعد 35 ألف
5- صيانة كهربة علشان الانذار كان رخم
6- غيرت ترومبت بنزين بعد 6 سنين

بص أنا وجهة نظري الحالة والسعر هم الفيصل

[sh_masry]

بجد شكرا لكل اللى رد .... و فى الغالب هاصرف نظر عنها و هادور على 128 او 127 تكون كويسه لأنى برده فى الغالب انا اللى هاستخدمها و اريح عربيتى
و اللى ادامه عربيه فى حدود ال 13 الف ياريت يقولى .... بس الأفضل انها تكون فى الأسكندريه لأنى مقيم فى الأسكندريه دلوقتى و لفتره اعتقد طويله .