المشاركة الأصلية كتبت بواسطة kimoo52
اتمنى من كل المشاركين ان يفيدونى انا محتار بينهم وعاوز اجيب عربيه الايام دى وانا هقولكم من وجهة نظرى ميزه وعيب لكل سياره
1- فانتازيا ( قوة 105 حصان قليل على السياره وشكلها مش هوه قلى يكون بالسعر ده اما ميزتها انها موتور فولكس فاجن وقطع غياره اقل من الفولكس شويه )
2- الكورلا ( استهبال فى السعر على اساس انها شركه مشهوره وبتستغل ده ومفيش تطوير خارجى او داخلى يكون على قد السعر ده وميزتها اما تيجى تبيع هاتعرف تخلص منها بسرعه وسعرها هايكون فيها بالنسبه للمده المستخدمه )
3- رينو فلونس ( بصراحه انا مليش خبره بالفرنساوى بحس انه فافى شويه مش عارف صح ولا لا بس انا متابع العربيه دى فى المعارض من بره وجوه تحفه فى التصميم وعاليه عن الارض وخامات وابشن كتير تلاقيه فى الجيتا هاى لاين قلى ب 210 الف وعيبها من نظرى انا هو فى سعر اعادة البيع ولحد اما تلقيلها زبون وتانى حاجه قوة 105 حصان )
4- مازدا 3 ( تصميم خارجى وداخلى انيق ومش عارف موضوع الانتشار للسياره هايكون عيب ام ميزه بحكم انا انضمت لشركة الشعب المصرى اى الافتصاديه )
-- على فكره بالنسبه لقطع الغيار انا سالت على الفلونس لقيت تيل الفرامل ب 400 جنيه والكشاف الامامى ب 1800 جنيه والخلفى 920 يعنى مش غاليه بالمقارنه للباقى-- وده عشان متقولوش الرينو قطع غياره غالى --- وياريت حد يفهمنى ازاى السيارات الجديده مثل الفانتازيا والجيتا والفلونس والليون وغيرها 105 حصان هوه مش كده هاتكون ضعيفه ---
دى اول مره اشترك فى منتدى فا اسف لو طولت
|
ما شاء الله عليك يا باشا ... طيب ما انت كاتب قدام كل عربية مميزاتها و عيوبها .... يبقى المفروض انت اللى تحدد ايه اكتر حاجة مناسبة بالنسبة لك ... الشكل ولا اعادة البيع و لا الثبات و لا القوة ....
عموما يا باشا لو انا مكانك هجيب الفنتازيا بلا تردد يمكن عيبها الوحيد تقلها فى الطلعة و قدام العيب ده مميزات الثبات و الامان و حاجات تانية كتير قوى .... و صدقنى عملت لكل العربات دى تست درايف فى ظروف مختلفة هتقتنع بيها جدا ....
و ربنا يوفققك لما فيه الخير
المشاركة الأصلية كتبت بواسطة Limoway
لكن أعتقد أن الكورولا أفضلهم كإختيار لسيارة تمشي بطرقات جمهورية مصر العربية.
|
اجابة غير متوقعة بالمرة منك انت بالذات يا باشا ....
27-01-2011, 04:07 AM
رد: فانتازيا - كورلا - رينو فلونس -مازدا 3 (هاى لاين كله )
