|
عفشة السيارة عفشة السيارة تشمل أنظمة التعليق و التوجيه و نقل طاقة المحرك للعجلات |
|
أدوات الموضوع |
#1
|
|||
|
|||
سؤال في تعديل كل مكونات العفشه من عربيه ل عربيه تانيه
بسم الله الرحمن الرحيم مساء الخير عليكم جميعا او صباح الخير علي حسب وقت دخولك الموضوع انا كنت عايز اطرح استفسار لينا كلنا جميعا ياريت اهل الخبرة يردوا علياه فيه لانه اكيد مهم وممكن يفيد اغلب الناس الي معاها عربيات قطع غيارها مش موجوده بوفرة او بسهوله او بنتعب علي ما نلاقيها او نلاقي سعرها كويس انا معايه عربيه hyundai sonata موديل 1996 طبعا الموديل قديم ومش موجود ف مصر بكترة زي باقي موديلات هيونداي العفشه عندي انا مش مرتاح فيها حاجات كتير وبلاقيلها حاجتها بصعووووبه جدا ولو لقيت بيبقا سعرها غااااااااااالي جدا السؤال بقا علشان مطولش اكتر من كده ياتري ممكن الواحد يغير العفشه كاااااااااامله من عربيه ل عربيه تانيه مثلا يكون ليها نفس الشاسيه او الابعاد او يكون في عربيه تانيه مشتركه معاها في كل حاجه ولا لازم افك عند عفشجي واعد اوفق واظبط وكده واشوف دي تبع عربيه ايه تركبلها وكده ياتري مثلا ممكن في حالتي اركبلها عفشه النترا كامله او اكسنت كامله ولا هيبقا في مشاكل ولا ايه انا محتاج حد يفهمني يا جماعه او يرد علياه انا بشد العربيه شويه شويه وفاقت والخطوة الجايه عايز اظبط العفشه لان المساعدين ف الضياع والسست بتتطلع وتنزل مفيش اي مقاومه ف الحمل ع المساعد قرب يضرب طبعا والكبالن بتطقطق وهكذا مع العلم العربيه فيها abs نزله بيه وبيتهيقلي ان الصنايعيه البهوات لما معرفوش يصلحوا زي ما انا حاسس انه لغوة لان جربت فمرة افرمل جامل العربيه زحفت مش زي الاول عجله تمسك وتسيب وكده ياريت ياجماعه نصيحه او رد من اهل الخبرة انا زهقت بجد ومش عارف اعملها ايه ومش عايزين نبيعها علشان بس محدش يقولي بيع علشان ليها قيمه عاطفيه كبيرة عربيه والدي الله يرحمه واخويا مش عايز نبيعها ف اعتبروني بعدل عربيه بظبطها يعني وكده محتاج الاقيلها كبالن اغير ال 4 داخلي وخارجي لانهم خلاص مشوار كمان ويبقوا ف الضياع محتاج اغير 4 تيول وطنابير والماستر بايظ اغيرة هو كمان بالمرة محتاج 4 مساعدين ويايات دي الحاجات الي ظاهرة وعارف انها بالفعل بايظه ومحتاجه تغيير مش عارف بقا هتكون محتاجه تغيير مقصات غيرة مش عارف بس كده |
#2
|
||||
|
||||
رد: سؤال في تعديل كل مكونات العفشه من عربيه ل عربيه تانيه
الموضوع بسيط انت محتاج عفشجى كويس وشاطر
أما الABS الوحدة بتاعته بتتجاب إستيراد بس معنديش فكرة عن كيفية تشغيلها لأن أغلب الناس لما بتبوظ بيلغوها ويركبوا مشترك بدالها وعموما لو الفرامل اتظبطت مش هتحتاج الABS إلا لو بتستخدم الفرامل كتير او على حسب طبيعة سواقتك لكن عموما انا اعرف عفشجى وبتاع فرامل نمرة واحد وكمان عندى حل للكبالن البايظة لو ملهاش بديل أو البديل بتاعها غالى وكمان بأقل تكلفة |
#3
|
|||
|
|||
رد: سؤال في تعديل كل مكونات العفشه من عربيه ل عربيه تانيه
شكرا لك اخي العزيز علي سرعه ردك
يعني انا لو رحت ل عفشجي وفكيت العفشه او لو هو بص عليها ممكن يقدر يقولي البدايل لكل مكونات العفشه الي انا محتاجها دي من عربيه ايه مشتركه ما بينهم ولا اعمل ايه مع العلم انا في المحله مش في القاهرة |
#4
|
||||
|
||||
رد: سؤال في تعديل كل مكونات العفشه من عربيه ل عربيه تانيه
من غير ما يفك ولا أى حاجة هو بيعرف العربية عاوزة اه بتغير وأه يتجاب جديد ويقدر يلم الدور فى أضيق الحدود وتستلم عربيتك ونتا واقف لو تبقى معاه من أول اليوم هتروح بيها إن شاء الله فى نفس اليوم
|
#5
|
||||
|
||||
رد: سؤال في تعديل كل مكونات العفشه من عربيه ل عربيه تانيه
بس السؤال للى محيرنى إزاى المحلة مفيهاش صنايعية شطار زى هنا ؟؟؟
|
|
|