|
جاك JAC جاك JAC تأسست عام 99 و متخصصة فى صناعة السيارات التجارية و الميكروباص و قد حققت انتشار دولى فى هذا المجال و قدمت سيارات ركوب مؤخرا بتصميمات إيطالية تنبئ بمستقبل مبهر لتلك السيارة |
|
أدوات الموضوع |
#1
|
|||
|
|||
نصيب الحمد الله...
اقول بقى ياجماعةعن اللى حصل معايا فى التوكيل ..
جبت العربية من القاهرة رغم انى من الاسكندرية حقول بعدين لية ولكن المهم اللى حصل جبتها يوم الاحد وفى نفس اليوم رجعت الى الاسكندرية ماشى 80 -90 يدوب بجيب الـ100 ويوم الاثنين قومت الصبح روحت المرور والله الناس طول ما انا فى المروراللى رايح واللى جاى يبص ؤيسأل المهم على الساعة 2 وبعد عناء حصلت على الرخصة الحمد لله فجيت اعلق النمر قلى الراجل بتاع مخزن اللوحات روح هات العربية هنا قولت ماشى ورحت وفعلا جبت العربية ووقفتها امام مخزن اللوحات وعلق النمر الجديدة تمام لحد كدة الحمد لله ولكن المفاجأة انى اقول ماركبت العربية وبدورها مدرتش خالص بقيت حتجن هو فية اية حصل اية بعض الناس اللى كانوا وقفين وطبعا مركزين معايا اتجمعوا فى اية يا استاذ قلت مش عارف بس بما انى كان معايا قبل الجاك اوكتافيا وانتوا عارفين فتحت الكبوت قولت يمكن بطاريا او كبل او دينموا المهم كلمت بتوع الصيانة وقولت باللفظ الحقونى العربية لسة معلقة نمر ومبدرش اعمل اية قالولى مفيش حد فاضى منالمهندسين كانجالك حاول شغلها وتعالى الصراحة فى ناس حولت تفتى وقالت اعمل وصلة منعربية الى اخرى بس دة مينفعش لانى واثق انها مكنتش بطاريا نايمةلان الكاسيت والنور كان شغال كويس جدا المهم زقونى ودارت وطيران على التوكيل رغم ان العربيةكانت لسة عملة 250 كيلوبس مسك المهندس العربية وبطلها ودورها مدرتش جاة يعمل كدا مرة تانية مدرتش فعالطول قال المارش اتحرق تصدقوا عربية زيورا المارش يتحرق من اول يوم بقيت مش عارف اتكلم بصلى وقال حالة فى الالف وجت معاك ولا تقلك والله يجماعة مبقيت عارف اتكلم فى حالة زهول من اللى حصل بس الشهادة لله اخذوا العربية وساعتين ونص قاعد مستنى واذا بالمهندس قال استاذ احمد قلت نعم اتفضل بصيت لقيت المرش القديم معاة وقال غيرناة وعلى حساب الشركة ومعلكش اى حاجة اتشهدت وفرحت وطلع جرب العربية بنفسة وقال الحمد لله تمام الف مبروك عليك (خدت العين) ادى اللى حصل معايا مع التوكيل..... التعديل الأخير تم بواسطة mr/ahmed ; 27-01-2011 الساعة 04:57 AM |
#2
|
|||
|
|||
رد: نصيب الحمد الله...
الحمد لله إنها جت على قد كده ولسه يا ما هنشوف فى البلد دى عجايب
__________________
✓ مـثل صيـنـي يقول : " إذا مــات الـسـيـد فـأقـتــل حـتـى كـلبــه لأنــه لــن يــكـون وفيـا لـغير سـيـده الأول " تحياتي @ واحد من الناس @ |
#3
|
||||
|
||||
رد: نصيب الحمد الله...
أولا الف مبروك عالعربية الجديدة
ثانياً أحب أقوللك ان المارش فعلا اخد العين.. والحمدلله ان التوكيل غيرهولك بالضمان... ---------------------------------------------------
__________________
مــحـمــــد الـــمــسـعـــودى Microsoft Certified Professional MCP ID#6357858 Certified Since 2008
|
#4
|
|||
|
|||
رد: نصيب الحمد الله...
ديه عين يا استاذ احمد وربنا يسترها عليك وعلينا
طب تصدق بالله كنت جايب الفيرنا عندي لسه جديدة زيرو وروحت جبت والدتي من الشغل وزمايلها قعدو يبصو علي العربية وساعتها صدقت المثل اللي قال الكحكه في ايد الياتيم عجبه ولسه متحركتش 200 متر من مقر شغلها ولقيت الارض انهارت من تحت العربية وبوز العربية نزل بالكامل في الحفرة ولحقت علي اخر لحظه شديت الهاند قبل ما العربية تنزل كلها وربنا سترها وكان جنب الحفرة ورشة ميكانيكا والناس نزلت معايا في الحفرة وشيلنا العربية طلعناها منها الموقف لوحده بس ممكن يموت صاحبه |
#5
|
||||
|
||||
رد: نصيب الحمد الله...
ألف ألف ألف مبروك على سلامة العربية . دي العين فلقت الحجر . ربنا يسلملك طريقك ويكفيك شر عيون الناس . على العموم انا العين بقي جت في العربية على سقفها قالب طوب نزل على سقف العربية .
__________________
Saif El Deen |
|
|