ارجو ممن عندهم لادا2107 او متخصصون فيها معرفه ثباتها بعد 100ك

[MOSTAFA SALLAM]

فكك من الكلام اللى بيتقال هى عيبها الدركسيون بتعها تقيل فى الركن لكن و هى ماشية زيها زى اى عربية
و الكنبة الحفلية بتاعتها مريحة و واااااااسعة و كرسى السائق مريح .
البيضة بتقع بسبب الاهمال .
بالنسبة للثبات اى عربية بعد 100كم ثباتها بيقل بشكل ملحوظ حتى الانوس جرب تجيب بيها كدة 120 و دوس فرامل مش هتلاقى فرامل حضرتك .
رأيى هات الادا اتعلم عليها و اهى تقضى العرض و لما فلوسك تكمل بيع و هات الانوس ...

[ايمن رجب سليمان]

مين قال الكلام الفارغ ده؟
اللادا من اثبت السيارات على السرعة العالية وكمان من أأمن السيارات
كل الموضوع ان عندك بدل العفشة اثنين
حضرتك فى اللادا بدل المقص اثنبن فى اليمين واثنين فى الشمال
وبدل البيضة اثنين فى اليمين واثنين فى الشمال
وبدل الجلبتين اربعة يمين واربعة شمال
معنى الكلام انك حتبذل مجهود مضاعف فى العفشة
قصاد كده انت باتاخد الامان
لان بدل ما يبقى عندك مقص واحد مريوط فى العربية بمسمار واحد لو اتكسر تلاقى الدشمة بالعجلة طارت عندك مقصين مربوطين باربع مسامير
ضبط العفشة كويش
ركب بيض بلغارى او المانى
علبة دركسيون ومناول بلى
ركب بارات ايطالى
ركب جلب المانى
ركب كاوتش عريض حتى من غير جنوط ( انا مركب مقاس اكبر 185/70 13 بدل 175/70 13)
اضبط زوايا صح (انا باظبط عند جرجس صالح فى المنيل ب 50ج)
الكامبر والتو اصفار
والكاستر من 3 الى 4 درجة
وسافر على 150 وانت مش قلقان
وكمان فرامل اللادا محترمة جدا ما شاء الله مش زى اللانوس ولا الفيرنا لو جريت ما تلاقيش فرامل

[abokoko]

المشاركة الأصلية كتبت بواسطة ايمن رجب سليمان مين قال الكلام الفارغ ده؟ اللادا من اثبت السيارات على السرعة العالية وكمان من أأمن السيارات كل الموضوع ان عندك بدل العفشة اثنين حضرتك فى اللادا بدل المقص اثنبن فى اليمين واثنين فى الشمال وبدل البيضة اثنين فى اليمين واثنين فى الشمال وبدل الجلبتين اربعة يمين واربعة شمال معنى الكلام انك حتبذل مجهود مضاعف فى العفشة قصاد كده انت باتاخد الامان لان بدل ما يبقى عندك مقص واحد مريوط فى العربية بمسمار واحد لو اتكسر تلاقى الدشمة بالعجلة طارت عندك مقصين مربوطين باربع مسامير ضبط العفشة كويش ركب بيض بلغارى او المانى علبة دركسيون ومناول بلى ركب بارات ايطالى ركب جلب المانى ركب كاوتش عريض حتى من غير جنوط ( انا مركب مقاس اكبر 185/70 13 بدل 175/70 13) ينفع على نفس الجنط الحديد ولا الجنط يتغير اضبط زوايا صح (انا باظبط عند جرجس صالح فى المنيل ب 50ج) الكامبر والتو اصفار والكاستر من 3 الى 4 درجة وسافر على 150 وانت مش قلقان وكمان فرامل اللادا محترمة جدا ما شاء الله مش زى اللانوس ولا الفيرنا لو جريت ما تلاقيش فرامل

كمان سؤال
لو فتحة الجلب فى المقص وسعت
ايه الاضرار فى حالة تركها ( غير صوت التزييق )

[ايمن رجب سليمان]

طبعا ينفع على نفس الجنط والافضل انك ما تغيرش الجنوط لانها داخلة فى معادلات الوزن والسرعة والفرامل مع العربية ولو فكرت تغير جنط شوف جنوط لها نفس الوزن
الجلب لو وسعت حيحصل مشاكل كبيرة فى اتزان العربية على السرعة العالية وكمان العجل حيقلب من تحت لبره