ايهما افضل هيونداي فيولستر ولا جولف 6

[soltanfriend]

المشاركة الأصلية كتبت بواسطة شريف حجازي يا عالم ارحمونا بقي كل شوية واحد يطلع يقولك فتيس الجولف فية مشاكل وواحد تاني يقولك الفتيس بتاع الجيتا فية مشاكل وواحد تالت يقولك فتيس الباسات فية مشاكل يعني شركة فولكس فاجن خلاص كل عربياتها اتشركت واتحدي اي حد من الي بيقولو انو يكون راكب اي عربية من الي بيعيب عليها وبيقوةل فيها مشاكل دي احنا كمان خلاص عايزين نعدل علي الالمان الي تفوقو في صناعة السيارات ونخلي العربية الكوري الي مالهاش اي ستين لازمة تبقي احسن من الالماني الي طول عمرو بيضرب بية الامثال في الجودة والمتانة وقوة التحمل والاعتمادية ارحمونا بقا زهقتونا:014FD A~117::014FDA ~117:

بص يا باشا الموضوع مش محتاج عصبية بس الحقيقة ان فيه فعلا مشكلة فى الفتيس
والد واحد صاحبى كان جايب جيتا 2009 مستعملة وفضل ماشى بيها اقل من 3 شهور وهو بشكر فيها جدا فجأة باعها وباقل من السعر اللى كان شارى بيه كمان
ولما سألت عن السبب عرفت ان كان فيها مشكلة فى الفتيس من ساعة ما جابها وكان عايز يزقها بأى شكل (مع انه كان بيشكر فيها على طول يعنى دى طبيعة الشعب المصرى لازم يشكر فى الحاجة اللى معاه وخلاص)
هاتقولى ما هو كان جايبها مستعملة (ها اقولك مانت اللى بعضمة لسانك بتقول انها اكتر عربيات بتستحمل فهاتيجى على دى ومش ها تستحمل 3 سنين شغل
بص يا باشا العربيات الالمانى زى الفل وهى بلا شك اجمل وافخم واقوى ركوبة بس للأسف اى مشكلة بسيطة فيها بتللفك حولين نفسك ودا بسبب التكنولوجيا المتقدة اللى فيها من ايام حتى الجولف 4 اللى لغاية دلوقتى نادر اما تلاقى صنايعيى يشتغل فيها (موديل 10 سنين فاتت )
اما الكورى فهو سهل الشغل فيه يعنى اديها لأى صنايعى حمار حتى لو موديل السنه ها يفهم فيها لأن كل حاجه فى الماكينة ظاهرة قدامة فهيقعد يهبل شوية وبعد كدا يوصل للمشكلة بالاضافة ان قطع الغيار فيها فى اقل من سنة بينزل منها الصينى والتيوانى اللى تقدر تمشى بيه نفسك من غير تكلفة عالية
هاتقولى مش بتستحمل ها اقولك لأ بتستحمل بنسبة 60% مثلا ويوم ما هتحب تشدها مش ها تدفع حق حاجة بايظة فى فتيس الجولف 6 مثلا اللى اسمع انه معدى ال40 الف جنيه فى التوكيل بتركيبه
وفى النهاية يبقى الحصان الرابح هو اليابانى اللى آخد كتير من قوة واعتمادية الالمانى وآخد كتير من نعومة وسلاسة ورخص قطع غيار الكورى

[فادى]

فى الفئة دى الجولف طبعا لا يعلى عليها, لكن فيه منافسين أقوياء برضو بص عليهم :
- فيات برافو, عن تجربة, رائعة فى كل شىء سرعة و ثبات و شكل ملفت و فخامة و هى أسرع من الجولف بفضل محركها المميز 1.4 تى جيت و علبة التروس لا تعانى من أى مشاكل.
- سيات ليون, موتور أقل شوية من البرافو بس العربية جميلة و ثابتة و مريحة, و تتشارك معظم مكوناتها مع الجولف (بس فيها نفس علبة التروس بتاعة الجولف).
- بيجو 308 : فرنسية مستوى جيد من الرفاهية فى هذه الفئة.

[sehsss]

الجولف طبعا أفضل بمراحل ولا تقارن بالفلويستر (إيه اللي جاب القلعة جنب البحر)

[Torn@doo]

اكيد الجولف اداء وقوة ومتانة
لكن الفيلوستر المنظر الرياضى فقط
تحياتى

[fango]

تسلمو جميعا علي ردودك وعلي ارائكم بس انا فعلا خايف من الجولف لئن بيقولو في مشكله في علبه التروس والفتيس فياريت لو حد عندو تجربه شخصيه معاها