أحترس من التاكسى الأبيض الجديد

[ahmed1981]

المشاركة الأصلية كتبت بواسطة خالدخليفة وبداية نقدم تعريفا بنظام التاكسى الأبيض الجديد عند بداية كسر العداد يبدأ من 2.5 جنيه ثم كل كيلو يعد ربع جنيه

أكيد قصدك يعد جنيه وربع عن كل كيلو بعد البنديرة وليس ربع جنيه

[ahmed1981]

المشاركة الأصلية كتبت بواسطة خالدخليفة ولاعلاقة له بالسرعة ابدا مهما زادت سرعته او قلت ولذلك ال 80 كيلو متر حسابها كالأتى 2.5 + (80*25 قرش) =22.5 جنيه

لو كده محدش هيركب أتوبيسات وكله على الأبيض

المعادلة بعد التعديل
2.5 + (80*125 قرش) =102.5 جنيه
فرقت عن الحساب الخاطيء 80 جنيه

[AbOnOrA]

كلام سليم 100% وانا بعانى من الموضوع ده بقالى فترة علشان عربيتى بتترش وكل مشاويرى تكسيات فباخد التاكسى الابيض بس اول ما بركب بتفق معاه على خط السير لانى حافظ الطرق كويس ويمكن عارف الكيلومترات كمان بس سعات بيبقى كده كده الدنيا زحمة فى كل حتة يعنى مثلا من يومين اخدت تاكسى من الزيتون لاخر عباس دفعت عشرين جنية وانا راجع اخدت تاكسى ابيض واسود نفس المسافة دفعت 15 جنية والراجل كان مظأطط
بس متنساش ان التاكسى الابيض انظف بردو فى القعدة واريح بدل ما اركب ابيض واسود والعداد يكسر رجلى (بيبقو حاطينة بارز فى اتجاة اللى قاعد جمبة ) او اصدع من صوت ونة الفتيس او الكرونة

[خالدخليفة]

المشاركة الأصلية كتبت بواسطة ahmed1981 أكيد قصدك يعد جنيه وربع عن كل كيلو بعد البنديرة وليس ربع جنيه

المشاركة الأصلية كتبت بواسطة ahmed1981 لو كده محدش هيركب أتوبيسات وكله على الأبيض المعادلة بعد التعديل 2.5 + (80*125 قرش) =102.5 جنيه فرقت عن الحساب الخاطيء 80 جنيه

هى فعلا ربع جنيه عن كل كيلو مش جنيه وربع
انا بتكلم عن التاكسى الأبيض مش الليموزين اللى بتأجره من شركات السياحة وده بدون عداد اصلا ده باليوم

ثم ايه علاقة كلامنا بالاتوبيس
اتخن اتوبيس فى مصر تذكرته بجنيه ونص
الا اذا كنت بتهزر بقى

[خالدخليفة]

المشاركة الأصلية كتبت بواسطة AboNoRa كلام سليم 100% وانا بعانى من الموضوع ده بقالى فترة علشان عربيتى بتترش وكل مشاويرى تكسيات فباخد التاكسى الابيض بس اول ما بركب بتفق معاه على خط السير لانى حافظ الطرق كويس ويمكن عارف الكيلومترات كمان بس سعات بيبقى كده كده الدنيا زحمة فى كل حتة يعنى مثلا من يومين اخدت تاكسى من الزيتون لاخر عباس دفعت عشرين جنية وانا راجع اخدت تاكسى ابيض واسود نفس المسافة دفعت 15 جنية والراجل كان مظأطط بس متنساش ان التاكسى الابيض انظف بردو فى القعدة واريح بدل ما اركب ابيض واسود والعداد يكسر رجلى (بيبقو حاطينة بارز فى اتجاة اللى قاعد جمبة ) او اصدع من صوت ونة الفتيس او الكرونة

كلامك فعلا مظبوط فى جزئية العداد وونة الفتيس والكرونة لكن فى ابيض واسود جديد برضه
واذكر مرة ان سلك العداد كان متشحم ولما جيت اقعد بوظ البنطلون من الشحم ولذلك بحاول انقى تاكسى نضيف نسبيا