لو معايا 1000 جنية وعايز أعمل عدة صوت.... ينفع ؟؟

[Injection]

المشاركة الأصلية كتبت بواسطة Hamada_El_Sh3er ياباشا ألف شكر على رد حضرتك بس في حاجات بصراحة انا مش فاهمها هل الأمبلفاير ده هو الجي إم ولا ده حاجة تانية وأنا كل اللي كنت بطلبه بس إني أركب سماعتين وصب أوفر او بازوكا ومش لازم تكون فوق الألف وات انا كنت سألت واحد بتاع سماعات بس مش متأكد منه قاللي ممكن تركب سماعتين كينوود أو بايونير وصب أوفر سيمفوني اللي هوة سماعة واحدة وجي إم كبير 4 تشانل وقاللي التكلفة مش هتعدي الألف جنيه ياترى الكلام ده سليم ولا أفكر في حاجة تانية

أيوه ياباشا, الأمبليفاير amplifier هو الأسم الحقيقى للجى أم

كلام بتاع السماعات هو نفس كلامى ياباشا, بس شيل الصب السيمفونى وحط بداله صب بايونيير أو كينوود, خصوصا أن فرق السعر مش هيكون رهيب, بس فرق القدرة والصوت هيكون جبار, السيمفونى سمعته معروفة أنه للأسف مش قد كده, وكمان الصبات أقل حاجة 1000 وات, اللى يخلى حضرتك تجيب صب 800 أو 700, طب ماطقم سماعات 500 وات مثلا أحسن منه.

الموضوع بالسماعات والجى أم والصب بصندوقها هيكلف حضرتك حوالى 1000 جنيه أو أزيد شوية, بس هيبقى عندك بيز رهيب من الصب, وصوت متقسم كويس من طقم السماعات اللى راكب على الجى أم, غير أصلا السماعات اللى راكبة على الكاسيت, يعنى هتعمل شغل كويس قوى.

وممكن برده ماتجيبش سماعات خالص وتركب صب وأمبليفاير قناتين, ومعاهم السماعات اللى راكبة أصلا على الكاسيت.

أو طقم سماعات كويس فى حدود 400 أو 500 وات, وجى أم 400 أو 250 حتى وهتسمع صوت كويس جدا.

[snoop]

ارشحلك 4 سماعات 300 وات وامبليفاير ودول تقريبا فى حدود 700-800 وحتسمع صوت جااامد

[matmm]

طب انا هقوللك حاجه احلى انت ممكن تجيب الحاجة مستعملة يعنى 2 سماعة هيعملو 150 جنية مثلا و صب بيونير بلصندوق ممكن من 300 الى 400 جنية و جى ام قول هيعمل من 250 الى 500 جنية انا كدة معدتش ال 1000 جنية

[Hamada_El_Sh3er]

المشاركة الأصلية كتبت بواسطة Injection أيوه ياباشا, الأمبليفاير amplifier هو الأسم الحقيقى للجى أم كلام بتاع السماعات هو نفس كلامى ياباشا, بس شيل الصب السيمفونى وحط بداله صب بايونيير أو كينوود, خصوصا أن فرق السعر مش هيكون رهيب, بس فرق القدرة والصوت هيكون جبار, السيمفونى سمعته معروفة أنه للأسف مش قد كده, وكمان الصبات أقل حاجة 1000 وات, اللى يخلى حضرتك تجيب صب 800 أو 700, طب ماطقم سماعات 500 وات مثلا أحسن منه. الموضوع بالسماعات والجى أم والصب بصندوقها هيكلف حضرتك حوالى 1000 جنيه أو أزيد شوية, بس هيبقى عندك بيز رهيب من الصب, وصوت متقسم كويس من طقم السماعات اللى راكب على الجى أم, غير أصلا السماعات اللى راكبة على الكاسيت, يعنى هتعمل شغل كويس قوى. وممكن برده ماتجيبش سماعات خالص وتركب صب وأمبليفاير قناتين, ومعاهم السماعات اللى راكبة أصلا على الكاسيت. أو طقم سماعات كويس فى حدود 400 أو 500 وات, وجى أم 400 أو 250 حتى وهتسمع صوت كويس جدا.

كلام حضرتك سليم و 100 /100 بس انا لازم اركب سماعتين على الأقل بإستاند ورا الكنبة لأن السماعتين اللي نازلين في الفيرنا هما جولدي والواحدة منهم 60 وات
ومش بقدر أعلي صوت الكاسيت على اكتر من 10 لأني بحس إنهم هيتقطعوا
إنما بخصوص سماعات الأبواب دي مش هفكها إلا إذا كنت هركب بدال منها لأنها صوتها دائري وجميل
بس في طلب صغير من حضرتك بقى
هل الصب البايونير أو الكينوود ده بيبقى فعلاً كويس ولا اخليني في بازوكا
اكتر نقطة محيراني هي ( صب ولا بازوكا ) معلش أنا بحب البيز أوي
فعايز أسمع حاجة جامدة وفي نفس الوقت نقية
ياترى أيه الأحسن
وكمان موضوع الصب أو البازوكا هل بييجوا جاهزين بالصندوق ولا انا لازم أعمل لهم صندوق
وياترى الصندوق ده عشان يبقى كويس اعمله فين وازاي
وياريت لو تعرف حد كويس جوة القاهرة تقولي على عنوانه

[Hamada_El_Sh3er]

المشاركة الأصلية كتبت بواسطة snoop ارشحلك 4 سماعات 300 وات وامبليفاير ودول تقريبا فى حدود 700-800 وحتسمع صوت جااامد

ألف شكر لرد حضرتك بس انا سمعتهم عند واحد في العربية وحاسس إن البيز مش بيطلع منهم وهو واخد حقه
بحس ان البيز مظلوم مثلاً لو في أغنية البيز فيها عالي
يعني مش زي ماتكون مركب صب أو بازوكا