|
لادا LADA لادا الروسية LADA احدى شركات اوتوفاز AvtoVAZ الروسية بدات فى السبعينيات بتجميع سيارات فيات 124 واستمرت فى تقديمها بشكل اقتصادى لعشرات السنين تمشيا مع الفكر الشيوعى الروسى الا انها الان تسعى للمنافسة والتجديد بعد شراكتها مع مجموعة رينو - نيسان |
|
أدوات الموضوع |
#6
|
||||
|
||||
رد: انا لله و انا اليه راجعون ... العربية جابت جوان سلندر
الحمدلله على سلامتك
الحمدلله على وصولك واسرتك سالماً يسر الله امرك ويسر الله لك امر إصلاح سيارتك على اكمل وجه
__________________
|
#7
|
|||
|
|||
رد: انا لله و انا اليه راجعون ... العربية جابت جوان سلندر
و الله يا جماعة مش عارف أشكركم إزاى
جمايلكم علينا مش هنعرف نرد و لو جزء بسيط منها جزاكم الله كل الخير كنت عاوز بس أسأل على حاجه أنا دلوقتى مضطر أقطر العربية لحد الميكانيكى و لازم هنعدى فى الطريق على كبارى الراجل إللى هيقطرنى ده أربط بينى و بينه إيه علشان الشد و النخع إللى بيحصل, و أربط فى أى جزء بالضبط من عربيته و عربيتى علشان نتجنب أزى الناس. فى واحد قالى قطر سكه حديد (ماسورة و ليها خطاف من الناحيتين علشان تفضل المسافه ثابته بين العربيتين) و واحد تانى قال جيب كاوتش قديم و إخرم المداس بتاعه خرمين أدام بعض و عدى فيهم الحبل بحيث يفضل الكاوتش متعلق عالحبل بينكم و يبقى طرى عالعربيتين. مش عارف ايه الصح, لأن المسافه كبيرة شوية : من المعادى للوراق. و طبعاً الأفضل نمشى بعد الفجر علشان الزحمة. محتاج نصايحكم
__________________
|
#8
|
||||
|
||||
رد: انا لله و انا اليه راجعون ... العربية جابت جوان سلندر
لا بلاش موضوع قطر السكة الحديد دة لانة بيبهدل العربيتين
خليك اما فى واير صلب ابو خطاف او حبل ميقلش طولة عن 3 م بين العربيتنين
__________________
يااااااااااااا رب إرحمنا بقدرتك علينا |
#9
|
||||
|
||||
رد: انا لله و انا اليه راجعون ... العربية جابت جوان سلندر
زى ما قال مستر استرا ....موضوع الماسورة الثابتة مش مستحب ... و الناس بتعمله فى عربيات النقل علشان الوزن الكبير للعربيتين
حلوة فكرة اكاوتش القديم ... و من الممكن ان حضرتك تربطه فى منتصف الحبل ... علشان الشد يكون من خلاله ... فيكون عامل زى السوستة ممكن حضرتك تستخدم واير حديد ... و من الممكن تستخدم قايش زى القماش ... بيكون انعم فى الشد شوية من الواير الحديد فيه ناس بتستخدم حبل بلاستيك .. ( سلبة ) و يعمله 3 او 4 لفات علشان يستحمل .. و فى نفس الوقت حنين فى السحب حاول حضرتك تربط الواير عندك فى حتة لا تأثر على العربية ... بمعنى .. بلاش المقص ... و بلاش الكصدام .. ساعات بيكون فيه حلقة صغيرة تحت الاكصدام .. دى مناسبة جدا العربية الى حتجرك ... لازم تكون قوية شوية ... يعنى بلاش تكون شاهين مثلا ... الافضل انها تكون ديزل كمان ... دبابة او جامبو ... و دول مفيش فيهم مشاكل انك تربط فى اى حتة فى ظهر العربية
__________________
|
#10
|
||||
|
||||
رد: انا لله و انا اليه راجعون ... العربية جابت جوان سلندر
الف حمد لله على سلامتك قدر الله وما شاء فعل ان شاء الله بسيطة تفائل خيرا بالنسبة لمكان الربط عند حضرتك فى العربية هيكون عند الأستبليزر اربط فيه وتطمن الأستبليزر هى حتة الحديد المتنية والموجودة اسفل حوض السيارة وهى مثبتة بـ 8 صوميل 13 2 فى المقص الشمال و2 فى المقص اليمين و 4 فى جسم السيارة من تحت اربط فيهم ومتقلقش بالنسبة للعربية اللى هتقطرك لو واحد هتجيبه بعربية ملاكى ولنفترض لادا هيربط فى الدفرنس بس اهم حاجة مكان الربط يكون بعيد عن مسورة الفرامل والمشترك بتاع الفرامل لو عربية نقل هيبقى فى كذا مكان الشاسية الأكصدام لو معمول عمولة مش شغل تجارى او فى الدفرنس او فى الصندوق لو شخص عزيز عليك ومعه عربية ملاكى بلاش خليك فى عربية نقل احسن.
ان شاء الله بسيطة. وحمد لله على سلامتك أهم شئ انك وصلت بيتك بالسلامة. الادا دبابة حربية متنكرة فى شكل سيارة. أخوك محمد
__________________
|
|
|