ارشيف الاستراحة 2009

[AbOnOrA]

يا اوسكار المقارنة اللى استاذ حازم يقصدها هى نفسها اللى انت تقصدها باختيار العنوان المثير ده علشان الناس تقبل على الموضوع والا كنت سميته اى حاجة تانية بس انت اخترت الاسم كنوع من الاسقاط على ان اليوم ده طول عمره بيفكرنا بالنصر لكن هزيمة المنتخب خلى الشعور الناس يتحول للهزيمة
عنوان فيه فكره منكرش لكن اعتقد ان الواضح لى وليك ان العنوان كان صادم كمان لدرجة خلت الحوار يخرج من هزيمة المنتخب ونفضل نجادل فى العنوان بس
انا دلوقتى عايز اعرف حضرتك يهمك العنوان ولا الموضوع ؟
لان لو يهمك الموضوع فهو كده بسبب العنوان الصادم بيخرج عن اصل الموضوع لانتقاد العنوان نفسة وافق حضرتك لم يتسع لتقبل وجهه نظر الاخر والناس من حقها تقول رائيها
وبكده الموضوع مش هيبقى موضوع والادارة ستضطر لغلقة لانهاء الجدل الدائر بدون فائدة والمستمر خارج اطار الموضوع

اما لو يهمك العنوان فصدقنى بحكم خبرتى المتواضعة فى عالم المواقع الحوارية مش دايما العنوان الجيد بيبقى دلالة على موضوع جيد بالعكس اللى بيعطى قيمة حقيقيه للموضوع هو مهاره وكياسة صاحب الطرح فى إدارة الحوار

اما اذا يهمك الناس وتقدير الرجال فانصحك تزيل الخلاف بينك وبين عضو سبق وان شكرك فى مشاركاتك فى نفس الموضوع ويتحاور معاك بكل تقدير واحترام بل لم يضيق افقه او صدره من كلماتك التى تحتوى انتقاد شخصى له ايضاً
وصدقنى مستحيل كل الناس تتفق على رائيك لكن اسهل تكسب حب الناس وتقديرهم واحترامهم

ارجو الا يضيق صدرك من رائى الشخصى ولك مطلق الحرية فى التقدير والاختيار بين الناس والعنوان والموضوع

[abdoon16]

يا رجالة انا شايف انه سوء تفاهم فيه ناس ردت علي الباشمهندس اوسكار ردود انا شايف انها تقيلة حبتين والراجل اضطر يدافع عن موضوعة وده مفهاش حاحة بس يا جماعة ارجو ان الموضوع ميتفهمش غلط انا اعرف الباشمهندس اسامة معرفة شخصية وهو من الشخصيات المحترمة جدا وهو اكيد كان يقصد الكلام علي المنتخب واظن هو وضح ده ويا ريت يكون الموضوع مفهوش اي لبس ان شاء الله وف النهاية اشكر جميع من شارك ف الموضوع.

[AHMEDCAR]

المشاركة الأصلية كتبت بواسطة mr/medo على فكرة انت كدا هتزعلنى يا استاذ احمد . هو مين دا اللى ملوش فى السياسة . يا استاذ احمد الدكتور البرادعى خريج حقوق القاهرة ، يعنى رجل قانون ، وهو ايضا محام يعنى زميل يا استاذ احمد . يبقى ازاى بقى ملوش فى السياسة ، دا بيرأس منظمة سياسية من الدرجه الاولى . عامة متخفش هو فى الغالب مش هيوافق لانه عاقل ومش ممكن يحط نفسه فى حرب غير متكافئة القوى وغير شريفه اطلاقا .

ياباشا لما يرأس منظمه سياسيه غير لما يكون رئيس دول دى حاجه و دى حاجه تانيه خالص

اللى انا متاكد منه انه لو مسك مصر هايحتاج وقت ليس بقليل علشان يفهم الدنيا ماشيه ازاى و طبعا عقبال ما يفهم هايعين ناس من النظام القديم علشان يفهم منهم

و بالتالى بتوع النظام القديم هايعرفوه اللى هما عاوزين يعرفهوله

[mr/medo]

المشاركة الأصلية كتبت بواسطة AHMEDCAR ياباشا لما يرأس منظمه سياسيه غير لما يكون رئيس دول دى حاجه و دى حاجه تانيه خالص اللى انا متاكد منه انه لو مسك مصر هايحتاج وقت ليس بقليل علشان يفهم الدنيا ماشيه ازاى و طبعا عقبال ما يفهم هايعين ناس من النظام القديم علشان يفهم منهم و بالتالى بتوع النظام القديم هايعرفوه اللى هما عاوزين يعرفهوله

كلاكيت تانى مره

للمرة التانية يا استاذ احمد تاخد كلامى لنقطه غير اللى انا اقصدها .

يا استاذ احمد انا عملت تعقيب على مشاركتك لكى اصحح خطأ عند حضرتك ، لما حضرتك قولت ان الدكتور البرادعى راجل بتاع طاقة نووية وكيمياء وملوش فى السياسة .


على فكرة يا استاذ احمد اللى يقدر يرأس منظمة بالحجم دا وبالحساسية دى ويقدر ينجح فى انتخابتها اكتر من مرة و بدون منافس حقيقى تقريبا ؛ اعتقد انه يقدر يرأس دولة .

ولو طبقت منطق حضرتك يبقى واحد زى الدكتور عمر موسى ميقدرش يحكم مصر لانه برده بيرأس منظمة سياسية وبالتالى ميقدرش يحكم دولة !!!!!

تقدر تقولى ايه هيا مؤهلات اوباما ولا بيل كلينتون ولا جيمى كارتر ولا مهاتير محمد ولا فلاديمير بوتين وغيرهم وغيرهم ....الخ ، علشان يبقوا حكام دول ويحققوا نجاحات فى قيادة دولهم .




احب اسأل حضرتك سؤال : هو ايه مواصفات رئيس الدولة بالنسبة لحضرتك ؟

[الالماني]

السلام عليكم ورحمة الله وبركاته

بالطبع احدا لا يمكنه الاعتراض علي شخصية استاذ قانون دولي ناجح (وهو ليس عالم ذري كما يعتقد الكثيرون) وقيادي فذ مثل د.البرادعي تلغب علي صعوبات الجنسية والدين في المجتمع الذي انتقل اليه ليرتقي لاعلي منصب في منظمتة التي عمل بها ولكنه في النهاية ليس رجلا عسكريا (وهذه نقطة ضعف كبيرة في منطقة كالتي نحيا بها ) كما انه بعيد عن مصر منذ زمن ولا يلم بظروفها او مشاكلها لانة ببساطة خارج المطبخ المصري سواء السياسي او الاقتصادي او حتي المجتمعي منذ عام 1984 لذا فالمنصب الذي يناسبه اكثر هو منصب رئيس الوزراء الذي لا يحتاج سوي لقائد مجموعة فذ ومخطط اقتصادي ناجح ومدير عبقري واعتقد ان هذه الصفات لا يبارز عليها د.البرادعي .

كمصريين (دعونا نحلم قليلا) نتمني ان يتم الفصل ولو جزئيا بين مسئولي المسائل السياسية والاقتصادية في مصر بحيث يكون رئيس الوزراء رجل اقتصاد ينكب انكبابا علي مشاكل البلاد الداخلية ويترك السياسة لاهلها فاتمني ان يصبح اختيار رئيس الوزراء الاقتصادي الناجح بالانتخاب المباشر من الشعب ويعمل بعدها تحت امرة رئيس الجمهورية الذي ينتخب كسياسي او عسكري من قبل الشعب ويشرف علي مهام رئيس الوزراء الذي سيكون ولاؤه بطبيعة الحال للشعب الذي انتخبه اتمني ان تكون مصر اول من يطبق هذا النظام في العالم فهو غير موجود للاسف في اي دولة .

ولعل الرئيس مبارك يعدل لنا الدستور ويترك لنا ذكري جميلة كهذة قبل تركة السلطة.