لماذا السيارات المستعملة افضل خيار في مصر؟ على عكس الراي السائد!!

[ابن الملاح]

المشاركة الأصلية كتبت بواسطة MmFFoR مميزات المستعمل في مصر: 1- سعر اقل 2- سهولة الصيانة في اي مكان خارج التوكيل 3- عدم الاضطرار الى القيادة 60 كم ذهابا و مثلهم ايابا ( لان معظم التوكيلات في ابو رواش ) و 4- تضييع يوم او يومين من العمل لعمل صيانات دورية تافهة اي ميكانيكي يقدر يعملها في ساعة زمن اخر النهار بعد ما ارجع من الشغل ( تغيير بوجيهات و فلاتر و غيار زيت او حتى تيل فرامل او اسطوانة و ديسك او سير كاتينة ) و بربع تكلفة التوكيل سواءا في المصنعيات او الخامات 5- تناكة الوكيل و اشتراطاته التي لا تنتهي - بعدم اجراء اي تعديلات ميكانيكية او معدنية او حتى كهربية في السيارة حتى و ان كانت تغيير كاسيت التي تشعرك ان السيارة ليست ملكك و انك مستلفها من واحد صاحبك 6- عدم مصداقية اغلب التوكيلات المصرية و ساعة الجد يشيل ايده يا اما يلبسك العمة و يقولك عيب استخدام يا اما يقرفك و يزهقك و يخليك تيأس ان العيب يتصلح - عن طريق الادعاء بان قطع الغيار غير متوفرة او محاولة اصلاح الجزء المعيب او تلصيمه مرارا و تكرارا حتى مرور فترة الضمان و انتهاءها - محاولة الايحاء للعميل ان العيب تهيؤات و انه لازم يشرب كوباية لبن دافية بالليل قبل ما ينام و يستغطى كويس - عمل صيانات غير ضرورية فقط لزيادة الفاتورة المستحقة 7- رعونة قائدي المركبات الاخرى و عدم احترامهم ليك و لاولويتك في الطرق عند رؤية سيارتك الزيرو 8- الحسد على ودنه 9- اكثر عرضه للسرقة لانها اكثر قيمة 10 - خسارة ما بعد البيع امر اساسي على عكس المستعمل ممكن تشتري و بعد سنة تبيع زي ما اشتريك او اعلى كمان انت و شطارتك في الشراء و البيع مستني ردود يا شباب

MmFFoR ... كلامك صحيح بنسبه كبيره جداً

[magdy_c_c]

الله
ده باردوا الكديد كدييييييييييييييد
ههههههههههه
:TH E_PR~18:

[Moha28]

العربيات الكديدة اسعارها غاليه ناس عايين حتى لقمة العيش مايقدروش يوفروها

عاوز يشترو عربيات كديدة لنا الله اسعار البنزين غليت واسعار العربيات غليت

[svneleven]

يا جماعة الموضوع ان كل واحد ليه تفكيره. المشكلة الأساسية في العربية الجديدة هي الخسارة المادية. لكن لو هتركب الزيرو لمدة 5 سنين مثلا هتلاقي الخسارة بسيطة. لكن لو أنا هلاقي كسر زيرو ما فيهاش غلطة هشتريها طبعا و مش هجيب زيرو لأن صاحبها هو اللي هيشيل خسارة الزيرو و أنا هبيعها بعد كدة بخسارة بسيطة خالص. لكن صعب جدا تشتري أي مستعمل و يكون نضيف بالذات اليومين دوول. موضوع القدرة المادية انها بتحدد أنك تشتري مستعمل و الا لأ مش صح علي طول. لأن فيه واحد ممكن يشتري بي ام مستعمل ب160 ألف و لا يشتريش الانترا و لا كورولا زيرو. فالموضوع انك تشتري زيرو و الا مستعمل يعتمد علي كوكتيل من الامكانيات الماديه و طريقة التفكير.

[senior105]

طبعا كلام حضرتك مظبوط بس المستعمل بردو له حدود يعنى تبقى بحاله جيده والا هتكره نفسك وكماااااان معلومه لازم تتقال ان المصرى بيعامل على انه غنى مش متوسط يعنى حضرتك بتدفع تمن العربيه مرتين ونصف اما السعودى او الكويتى فيادوب بيدفع تمن العربيه وعليه شويه فكه و شكرا