اشترى اى فلتر مياة تانك ولا اكوا تك ولا جنرال وكام شمعه

[sad-bird]

المشاركة الأصلية كتبت بواسطة فاطومه المصريه دة فلتر تانك الثلاث مراحل والمرحلتين والمرحله الواحده " تانك " تقدر تلقى عليهم نظرة سريعه بس شخصيا افضل الثلاث مراحل

تسلم ايدك يا فطومة
بس انا كان سؤالي واضح للاستاذ مهدي هو عمل موضوع وسابه معلق طيب كان يقصد ايه

اما عن نفسي فاحنا عندنا فلترين
الأول 3 مراحل وده كويس في فترة معينة المياه عندنا بيكون طعممها مش حلو واوقات تانية المياه بيكون طعمها حلو ونقيه لكن كده كده بنسحب ميه من الفلتر

التاني دي فكرة اتعلمتها من خالي زمان لما كان في الجيش وطبقتها وانا في الجيش وبعد لما خرجت استعملتها برضه وهيا (الزير ) بنجيب زي فخار ونحط تحت منه حاجة ناخد فيها المياه وعليها غطاء وفيه قمع فيه قطعه قطن المياة تترشح من الزير اللي هو بيساوي المرحلة الأولى والتانية في الفلتر وتنزل في القمع القطن الطبي بيمتص اي روائح او زوائد بالاضافة ان اصلا وجود المياه لفترة خارج ضغط المواسير بيخرج نسبة كبيرة جدااااااااااااااااااااااا ااا من الكلور وعلى فكرة احنا في مصر بنستعمل في تنقيه لامياه الشبة مش الكلور لان الكلور غالي
ولو المياه قطعت او فيه صيانه وهتقعد فترة المياه في الزير ولا بتعفن ولا بيحصلها حاجة علشان فيه تهوية من والي الداخل من خلال الفخار يعني نقدر نشرب منها وقت ما نحب وكأنه خزان مياه للشرب ( طبعا الكلام ده في حاله ان المياه اصلا نضيف مش مياه عكره )

المشاركة الأصلية كتبت بواسطة corsair طيب الافضل فيهم ايه يا فطومه وبعدين هل فعلا ليهم لازمه ولا ده كلام في الهوا

اهو هو ده سؤالي

المشاركة الأصلية كتبت بواسطة احمد بدر1978 مفيش حاجة تنفع فى المية النظيفة بتاعتنا دى

وده النص التاني من سؤالي

[mahdyez]

المشاركة الأصلية كتبت بواسطة sad-bird تسلم ايدك يا فطومة بس انا كان سؤالي واضح للاستاذ مهدي هو عمل موضوع وسابه معلق طيب كان يقصد ايه

انا مش فاهم تقصد ايه
انا ماسبتش الموضوع متعلق لانه اولا و اخيرا بيرجع الى صاحب الموضوع من حيث الموضوعيه ولا لأ
ثانيا : لانى روحت كارفور وهايبر
ولقيت نفس الصورة اللى جايباها الاستاذه فاطومه
مكتوب علي الفلتر تانك ونفس الفلتر جينرال
فانا احترت بين الاثنين هل هما الاثنين واحد من نفس الشركه ونفس المواصفات ولا فى اختلاف
وشكرا لكم جميعا ولكل من ساهم فى اعطاء النصيحه

[sad-bird]

المشاركة الأصلية كتبت بواسطة mahdyez اشترى اى فلتر مياة تانك ولا اكوا تك ولا جنرال وكام شمعه 1 ولا 2 ولا 3 ولا مش فارقه والنتيجه واحده<!-- google_ad_section_end -->

يا استاذ مهدي حضرتك قلت "" اشترى اى فلتر مياة تانك ولا اكوا تك ولا جنرال وكام شمعه1 ولا 2 ولا 3 ولا مش فارقه والنتيجه واحده"""
طيب ايه هيا النتييييييييييييييييييجة
واحنا سألنا السؤال ده فوق
ايه النتيجة الواحده
هل هي ان الفلاتر زي بعض في التنقية
هل هي ان المياة بتاعتنا سيئة ومينفعش معاها فلاتر ولا واحد ولا اتنين ولا تلاته مراحل فنجرب مثلا خمسة مراحل او 7 مراحل بال UV
هل ان المياه مينفعش حاجة معها اصلا فنعتمد على المياه المعدنية وشركات تنقية المياه

المشاركة الأصلية كتبت بواسطة mahdyez انا مش فاهم تقصد ايه انا ماسبتش الموضوع متعلق لانه اولا و اخيرا بيرجع الى صاحب الموضوع من حيث الموضوعيه ولا لأ ثانيا : لانى روحت كارفور وهايبر ولقيت نفس الصورة اللى جايباها الاستاذه فاطومه مكتوب علي الفلتر تانك ونفس الفلتر جينرال فانا احترت بين الاثنين هل هما الاثنين واحد من نفس الشركه ونفس المواصفات ولا فى اختلاف وشكرا لكم جميعا ولكل من ساهم فى اعطاء النصيحه

كده حضرتك وضحت الصورة
انت بتسأل على الفلاتر هل زي بعض والا فيه فرق بينهم وتجربه كل واحد الشخصية فيهم

وانا عن نفسي اقولك اللي اعرفه
على حسب طبيعة المياه عندك
لو المياه عندك بتيجي صافيه لونها شفاف مفيش ريحة غير الكلور يبقى ممكن فلتر اتنين معة او واحد شمعة وممكن مش تستمعل فلتر اصلا لانك مجرد انك تحط المياة في اي حاجة وتسيبها مكشوفة نص ساعه ريحة الكلوة هتطلع منها وقلنا انه مش كلور لان الكلور غالي وشكره المياة بتستعمل شبه
لو المياة عندك بيجي فيها لون عكر او رواسب نتيجية عمليات صيانه كتير او لان المواسير قديمة وفيها صدأ يبقى فلتر 3 مراحل
لو المياة بتيجي عندك سيئةجدا ولا لون ولا طعم ولا رائحة كله سيء في الحالة دي بتلجأ لحل من اتنين
اما جراكن المياه من شركات تنقية المياه ودي في كل حي تقريبا بقى بيتعمل المشروع ده والجركن 20 لتر تقريب ب 3 جنية
الحل التاني فلتر 5 او 6 او 7 مراحل وده انا سمعت فيه رأيين
الرأي الاول بيقول ان الفلتر ده بيشيل الاملاح من المياه خاااااااااااااااااااااالص وده غلط لان الجسم محتاج املاح معينه ولو نقصت من المياه بيحصل مشاكل صحيه
الرأي التاني بيقول انها كويسة وانها اخفف ضررا صحيا على الجسم حتى لو بتشيل الاملاح خالص
والحل
انك تاخد عينه من المياه بتاعت البيت توديها معمل تحاليل وتشوف مدى صلاحية المياه للشرب وهما عندهم المعايير بتاعتها
لو لقيت النسب عاليه جدا
يبقى توكل على الله وهات ابتداء من خمس مراحل
لو لقيت النسب متوسطة او بسيطة هات فلتر 3 مراحل


اما عن الشركات فاعتقد ان اغلبيه الشركات زي بعض لا الفلاتر دلوقتي ماشية مقاساتها ستاندرد فاي قطع غيار ( الشمعات ) تركب على اي حاجة كنا زمان بنسأل على الشركات علشان نشوف مين منهم بيوفر قطع الغيار
وكان فيه فلتر انجليزي كان تحفة بصراحة
بس كان القلب بتاعه سيراميك وده مكناش بنلاقي له شمعات وكنا بنبعت نجيبها من السعودية
اعتقد ده هو اللي تسأل عليه اذا متوفر حاجته توكل على الله وهاته واعمل حسابك تجيب شوية قطع غيار معاه علشان مش تلف كتير عليها قدام






اتمنى اني اكون فهمت كلامك صح وجاوبت صح

[mahdyez]

جزاك الله كل خير يااستاذ sad - bird
مع ان الاسم الداخل به المنتدى مش ماشى معاك ممكن اتعرف بالاسم
وانت شغال فين

[sad-bird]

المشاركة الأصلية كتبت بواسطة mahdyez جزاك الله كل خير يااستاذ sad - bird جزانا الله واياكم خيرا اتمنى اني اكون فهمت صح وجاوبت صح يا تري نجت في الامتحان والاااااااااااااااااااااا ااااا مع ان الاسم الداخل به المنتدى مش ماشى معاك ممكن اتعرف بالاسم وانت شغال فين

مش ماشي معايا ليه ؟؟؟؟؟؟؟؟



دي صفة ملازماني بقالها اكتر من 10 سنين
عموما الاسم محمد
وشغال اخصائي تربية خاصة

وده التوبيك بتاعي ممكن تعرف منه اكتر
http://www.masrmotors.com/vb/showthread.php?t=33047