هشتري عربية سوزوكي سويفت 1996 ب 35 ايه رايكم في السعر و العربية

[king speed]

اشتري هيونداي اكسل احسن او اكسنت موديل 99 او كيا برايد احسن بكتير من سوزوكي سوفت

[taklaloveu]

لالالالالالالالالالالالال الالا .. اولا السويفت لو زيرو ماتشتريهاش ابدا ب 35 الف انا كان قدامى من سنه كدا سوزوكى سويفت مو 94 ودى اليابانى وكانت فابركيه برا وجوا .. وكانت جديده فعلا وسليمه تكيف شغال ونضيفه اوى من جوا ومن برا وكان صاحبها بيتكلم ف 32 وكان ممكن تخلص ع 31 وانا مش رضيت .. وواحد زميلى معاه واحده برضوا نضيفه .. بيتكلم ف 27 الف
الخلاصه السويفت بتعمل من 26 ل بالكتير اوى 30 ..
غير كدا انا لا افضل العربيه دى .. والإكسل افضل منها طبعا لكن ..
حضرتك بتقول بعد ست شهور او سنه انشالله هتجيب زيرو .. لو تقدر تصبر المده دى وتجيب زيروا ع طوول يكون افضل .. المستعمل دا وجع قلب ومصاريف كتيره مستخبيه .. ولو هتجيب عربيه مستعمله نضيفه هتبقى غاليه اوى ومش هتعرف تبيعها بالسعر الل انت اشتريتها بيه .. انا اشتريت اكسنت 1500 cc مستعمله طلعت روحى وصرفت عليها بتاع 4 الاف والحمدلله بعتها زى ماشتريتها .. وبإذن ربنا هجيب عربيه فيرنا زيرو خلال اسبوعين ..
"اسف للتطويل عليك "
لكن نصيحتى ليك لو تقدر تجيب زيرو هات ومش تتأخر .. واشترى دماغك وابعد عن المستعمل وقرفه ..

[jojojojojo]

المشاركة الأصلية كتبت بواسطة Ahmed AlGamal انا روحت معرض سارات و سالته على عربية نضيفة مستعملة قدامه فقالي على : سوزوكي سويفت 1996 و قاللي ان حالتها ممتازة و مش هحتاج اغيرلها زيت حتى ... انا لسه ما شوفتهاش .. و قاللي ان صاحبها ماسك على 35 الف مبدأيا ايه رايكم في العربية نفسها و الموديل ده .. هل العربية كويسة ولا وحشة هل سعرها كويس بافتراض ان حالتها كويسة زي ما بيقول حلوة السوزوكي سويفت ولا استنى شوية لما الاقي حاجة تاني ... انا كان في دماغي اجيب هيونداي اكسل عايز اراءكم و نصايحكم و متشكر مقدما ملحوظة انا هبيعها تاني قريب يعني في حدود سنة او 6 شهور و اجيب حاجة زيرو .. فهل العربية حلوة في بيعها

اوعي تجيبها ده حرامي سويفت 96 يعني مصري اخرها لو حالتها نضيفه وتبقي غاليه كمان 25 الف والعربيه السويفت المصري سوقها تقيل في البيع والشرا غير ان عيوبها اكتر من الياباني انصحك ابعد عن المستعمل وانصحك بالجديد وع راي المثللو كان فيه الخير مكنش رماه الطير وحاجه اخيره لو فكرت في المستعمل ابعد عن التجار والمعارض

[tamer.koko]

سعرها غالي جدا
والسويفت تقيله في بيعها
هات اكسيل 1500 احسن منها بكتير

[Hisham.Elgazzar]

المشاركة الأصلية كتبت بواسطة Ahmed AlGamal انا روحت معرض سارات و سالته على عربية نضيفة مستعملة قدامه فقالي على : سوزوكي سويفت 1996 و قاللي ان حالتها ممتازة و مش هحتاج اغيرلها زيت حتى ... انا لسه ما شوفتهاش .. و قاللي ان صاحبها ماسك على 35 الف مبدأيا ايه رايكم في العربية نفسها و الموديل ده .. هل العربية كويسة ولا وحشة هل سعرها كويس بافتراض ان حالتها كويسة زي ما بيقول حلوة السوزوكي سويفت ولا استنى شوية لما الاقي حاجة تاني ... انا كان في دماغي اجيب هيونداي اكسل عايز اراءكم و نصايحكم و متشكر مقدما ملحوظة انا هبيعها تاني قريب يعني في حدود سنة او 6 شهور و اجيب حاجة زيرو .. فهل العربية حلوة في بيعها

إشترى أكسنت بالسعر ده
لو بتفكر تبيع
و إحذر السوزوكى السويفت
النصيحة لله