أول صدمة لى فى التوكيل

[Mohamed Elhasafy]

أنا لو مكانك و قاللى علبة البيئة (الكتالايزر) فيها مشكلة و هتتكلف 750 جنية هقوله إلغيها و سلملى على البيئة!..
ده فى أوروبا بيدعموا علب البيئة مش بيخلوها بره الضمان ... عمار يا مصر!..

[mostafa mamdouh]

كل التوكيلات حرمية بدون استثناء

المشاركة الأصلية كتبت بواسطة elashkar77 انا معايا تيجو 1600 موديل 2009 اول حاجة ظهرت معايا كانت صوت تخبيط للشكمان فى بطن السيارة من تحت و كان فى تنتيشة بتظهر من اول ما اتحرك وحتى سرعة 30 ك /س ولكن مش بصفة دائمة وعلى فترات طويلة رحت التوكيل تكنو سيرفيس 2 علشان أعمل صيانة ال25 وكمان العيوب اللى ظهرت دى . وبعد 6 ساعات طلع لى المهندس يقولى ان هم غيروا الجوانات اللى مسكه الشكمان وصوت الخبط راح ولما شوفت السيارة لقيت الصوت فعلا راح وظهر صوت تانى زى ما يكون الشكمان اتخرم ولما سألته قال لى أن الصوت ده جى من علبة البيئة مكسورة ولازم تتغيروللأسف دى بره الضمان وسعرها 750 جنيها والحمد لله لما راح المخزن ملقهاش وكنت متضايق مش علشان مش موجودة لكن علشان ده عيب مكنش موجود اصلا ولما قالت للمهندس قالى لا كان موجود بس صوت الخبط كان مغطى عليه ؟؟؟؟؟؟؟؟؟؟ شوف الهبل . المهم مشيت وكان الصوت مزعج جدا والتنتيشة لسه زى ما هى موجودة وبعدين رحت لواحد بتاع شكمان قال لى اول ما سمع الصوت ده اكيد من علبة البيئة ده عيب معروف فى التيجو . وبعد الكشف اتضح ان العلبة سليمة والجوان بس هو اللى اتغير و الموضوع كله اتكلف 90 جنية يالأكراميات . والحمد لله انى ما لقتش العلبة موجودة والا كنت دفعت 750 غير المصنعية طبعا . (أسف للإطالة بس حبيت اشارك يمكن افيد حد تانى وعندى حاجة تانى بس هعملها فى موضوع جديد )

نصيحة ماحدش يشتري عربيات لمدة سنة خلي بتوع التوكيلات يشربوا العربيات اللي عندهم لغاية مايتعلموا الادب ومايرفعوش الاسعار بمزاجهم لأن كل حاجة ليها حدود وهما تخطوا حدودهم بكتير وفسادهم فاح وان شاء الله عليهم الدور!!!!!!!!!!!!!!!

[ayman goda]

انا لي فكره فى اعمل الصيانه عموما
لاتسلم دماغك وثقتك فنيا لواحد فقط
حتى لو فى التوكيل

[osa92003]

المشاركة الأصلية كتبت بواسطة aymanlaw كنت اتمنى من حضرتك اتعاود ادراجك إلى الأخ الى هو مش أخ ولكن أخ منه ,وان تفضحه على الملاء امام جموع الناس الموجودة وتعلمه الأدب وتفهمه ان الى مشغله ظلمه وظلم نفسه ولكن عمره مايقدر يظلم من عنده حق وفلوسه حلال مثل حضرتك وناس كثيرة اخري---كان لازم ترجع وتأخذ حقك بأحترام وبشدة وقساوة لأنهم جبناء مثلهم مثل كل من يدعى إنه مصرى وهو لايستحق شرف الأنتماء لهذا البلد العظيم بشعبه الحر.

استاذ ايمن براحه شويه كل التوكيلات كده نظام العمل عندهم التغيير فقط