العودة   مصر موتورز مجتمع السيارات > السيارات الأوروبية > فيات FIAT > FIAT Siena


إضافة رد
 
أدوات الموضوع
  #1  
قديم 24-06-2014, 09:03 AM
AAAH AAAH غير متواجد حالياً
 
تاريخ التسجيل: Nov 2009
المشاركات: 97
AAAH is a jewel in the roughAAAH is a jewel in the roughAAAH is a jewel in the rough
افتراضي تجربتى فى السفر بفيات سيينا 2007

السلام عليكم ورحمة الله وبركاته
العربيه بتاعه صديق ليا كنا اشتريناها انا وهو من حوالى 4 شهور وهى فيات سيينا 2007 كانت عامله 80 الف كيلو وفبريكة بره وجوه والحمد لله ماكانش فيها خدش
المهم روحنا بيها اسكندريه امبارح 23-6-2014 علشان نخلص ورق خاص به وسوقتها حوالى 300 كيلو منهم حوالى 80 كيلو جوه اسكندريه
مميزات العربية من وجهة نظرى:
1- واسعه جدا من جوه ما شاء الله
2- تابلوه وعدادات شكلها جميل
3- قعدتها مريحة جدا
4- التكييف مابيأثرش على السحب بشكل ملحوظ
5- ثابته جداااااااااا على الارض ووصلت بيها لسرعه 150 كيلو/ساعه وثباتها ما شاء الله اكتر من رائع
6- الباور اكتر من ممتاز والطارة بتلف لفه كبيره وكل الملفات كنت باخدها على مره واحده
7- حرارة ممتازة مازادتش عن النص طول الطريق رايح جاى حتى مع تشغييل التكييف
8- فرامل تحفه وبتمسك بمجرد الضغط عليها حتى مع السرعات العاليه
9- فتيس ناعم جدا وسلس فى التنقل بين الغيارات
10- استهلاك بنزين ممتاز جدا حتى مع تشغيل التكييف (روحنا ورجعنا بنفس التانك ومشينا بيها اكتر من 550 كيلو)
11- شنطتها كبيره جدا (بحر) ومش مأثره على الكنبه اللى ورا زى الموديلات القديمه من السيينا
عيوب العربية من وجهة نظرى :
1- سحب العربيه فى الاول والتانى ضايع وبداية السحب من التالت يعنى الاول يادوب بيحرك العربيه بالعافيه ولازم تدى التانى بعده مباشره والتانى مافيهوش عزم خالص فلازم تدى التالت علشان العربيه تسحب وكل ده ورا بعضه بطريقه مرهقه وغريبه فى نفس الوقت ماشوفتهاش فى اى عربيه تانيه
يعنى انا لو بعدى مطب اديها الاولانى قبل المطب والتانى وانا على المطب والتالت بعد ما انزل من على المطب على طول (ومش عيب سواقه والله) لانى جربت اكمل على التانى بعد المطب بس العزم والسحب ضعيف جدا وبيخلى اللى ورايا يزهق على ما العربيه تاخد سرعتها
2- تكييفها متوسط يكاد يكون ضعيف حتى على اعلى سرعه فيه
هو شغال واحسن من الحر طبعا بس كفائته لا ترقى لتكييف اليابانى او الالمانى او حتى الكورى

غير كده العربيه ممتازة بالنظر لسعرها والاوبشنز اللى فيها
وربنا يباركله فيها ويديه خيرها ويمنع عنه شرها
__________________

على عبد الفتاح
أبو أحمد
رد مع اقتباس
  #2  
قديم 08-02-2015, 01:36 AM
الصورة الرمزية Ahmed Tarek 00
Ahmed Tarek 00 Ahmed Tarek 00 غير متواجد حالياً
من انا؟: عبدالله
التخصص العملى: طبيب
هواياتي: السباحة
 
تاريخ التسجيل: Feb 2015
الموقع: الدقي
المشاركات: 44
Ahmed Tarek 00 is on a distinguished road
افتراضي رد: تجربتى فى السفر بفيات سيينا 2007

ربنا يبارك
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 12:48 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017