تعديل فيات 126 لاوتوماتيك ... وبعض المشاكل ...

[eslamafify]

المشاركة الأصلية كتبت بواسطة cars admire R OSE4U

المشاركة الأصلية كتبت بواسطة atgps مبدئيا، لايمكن تركيب موتور بعكس دوران الموتور الأصلى للفتيس الاوتوماتيك، لأن تصميم الفيتيس الاوتوماتيك يعتمد على اتجاة دوران أساسى لايمكن عكسه.

الف شكر لرد حضرتك بس ممكن توضحلنا ليه

وهل ده على كل انواع الفتيسات الاوتوماتيك؟

المشاركة الأصلية كتبت بواسطة ramy safwt بشمهندس رامى منور الموضوع بص انا مش فاهم ليه انت متمسك بال 26 و اللى هتصرفه عليها انا ساعت ما فكرت فى الموضوع كنت ببيع ريتمو وده كان اقصى امكانياتى انى اركب عربية بتمنها وتكون متظبطة فمن خلال البحث معرفش ارتبط بالعربية دى اوى كده ليه خاصتا بعد ما اشتريتها انا كت بقول لـ cars admire انها عملالى عمل انا حاليا والحمد لله امكانياتى احسن من كده بكتير ممكن لو الموضوع ده مشيش يبقى m40 او هوندا سيفك تسعينات او اريح دماغى خالص واحط تمنها مقدم واركب زيرو بس انا مستبعد العربية دى من القصة انا كنت حابب اعملها كده واخليها معايا على طول جنب اى عربية تانية وما ززالت نفسى اعملها لكن عشان تعمل موضوع زى فأنت محتاج تلغى الكونترول بتاع الاوتوماتك و تعمله كارت تحكم مخصوص وده اعمله ازاى او فين؟ عشان تركب فتيس امامى بالخلف فده قصة غريبة الصراحة بس دية ليها حلين انا مكنتش عايز امامى بس مضطر عشان ملقتش فتيس خلفى وموجود لسه غير الاودى هل ده ينفع معاه موضوع كارت التحكم ده بردو ولا ايه؟ الحل الاول انت تاخد الفتيس الامامى تحطه قدام و توصل بيه و بين الموتور بالخلف بقنطرة و ده معناه مش كيون عندك مساحة للشنطة لكن هيكون معاك عزم و ثبات معقول بس ده ازاى هوصله ياباشا وهو فتيس جانبى يعنى الكردان مش هيدخل فيه لان مكان ارتباطه بالفلام فى الجنب مش زى الفتيسات الخلفى الحل الثانى انك تركب ريفيرس جير بوكس 1:1 قبل الكبالن يعنى الريفيرس ده هيركب قبل الكوبلن الداخلى على الفتيس و الكوبلن الداخلى هيركب فيه هو شخصيا و طبعا ده فى الناحيتين اول مرة اسمع عن الحاجات دى ممكن لينكات او صور او توضحلى الكلام ده لان ممكن يحللى مشاكل كتيرة السؤال اللى عاوز افهمه ايه الحسابات العلمية اللى اتبنى عليها نقل فتيس جر امامى ليقوم بوظيفة دفع خلفى؟؟ الصراحة مفيش حسابات علمية النظرى كده بس ان ال 126 خفيفة جدا ومش هتبقى حمل على اى موتور او فتيس بتاع عربية اكبر منها ولا راى حضرتك ايه انا فاتح الموضوع عشان استفيد من خبرات حضراتكم وكلامى متوقف على فهمى بس وده لو كان كافى كان زمانى بنفز فانا محتاج نصايحكم مش هرمى نفسى فى حاجة مش فاهما الا لما افهمها كويس

المشاركة الأصلية كتبت بواسطة amr elsisi 1 انا مش عارف اقول لك اية خايف تزعل مني عامتا ربنا يعينك

يا باشا راى حضرتك مهم جدا ليا
اكيد انا مش ابو العربية دى ولا قريبها
فاكيد عمرى مهزعل من اى راى بالعكس هستفيد

انا الناس الى حواليا منهم كتير انتقد الفكرة (لمجرد مبدا التعديل) فكل واحد له منظوره وانا الى يهمنى الراى الى عن فهم مش تخيلات او الكلام بتاع انت فاكر نفسك برا وبلدك مفيهاش الكلام ده والكلام المحبط ده وعادى انا بكون راى بالاستفادة بخبرات غيرى الى فاهم اكتر منى
وعارف ان الصنيعية يشلو ودماغهم على ادهم ( الا القليل جدا جدا جدا منهم )
بس انا مستعد للقرف ده ومستعد اشتغل بايدى عادى جدا
ياما العربيات مرمطتنا ونزلتنا تحتها فى الشوارع مضطريين كمان مش بمزاجنا

فانت خد راحتك خالص

[ramy safwt]

هات هوندا سيفيك تسعيناتى اصدار EXاو Si موتورها 1600 ما شاء الله عزم 125 حصان دية تتعدل مرتاح جدا و يبان فيها القرش و الوقت


الكارت اللى بقولك عليه مش موجود ده بيتصمم و يتعمل على نوع الفتيس بناء على معرفة قيم ملفات السيلونيد و انواع الحساسات و الاوت بوت بتاع العصايا لأنها الكترونى

الريفيرس جير بوكس مش بيتباع ده بيتصمم على مقاسك و يتخرط بيكون عبارة عن بارين فيهم ترسين دورين قطرهم متساوى و طالع منهم بار بيمسك مكان بار الكوبلن الداخلى او قرص يتربط مكان الكوبلن الداخلى انا معرفش وضعك ايه و الناحية التانية بيكون في مكان يركب عليه الكوبلن الداخلى و يكمل على الاكسيل كله

[محمد فيصل]

إقتراح الهوندا سيفيك Ex-Sx من 93-97 إختيار موفق جداً

[eslamafify]

المشاركة الأصلية كتبت بواسطة ramy safwt هات هوندا سيفيك تسعيناتى اصدار EXاو Si موتورها 1600 ما شاء الله عزم 125 حصان دية تتعدل مرتاح جدا و يبان فيها القرش و الوقت بحاول انفض واعمل كده بس لحد دلوقتى مش قادر الكارت اللى بقولك عليه مش موجود ده بيتصمم و يتعمل على نوع الفتيس بناء على معرفة قيم ملفات السيلونيد و انواع الحساسات و الاوت بوت بتاع العصايا لأنها الكترونى ده شكله حوار (طب ده حضرتك تعرف حد او مكان يعمله ابقى اكلمه) الريفيرس جير بوكس مش بيتباع ده بيتصمم على مقاسك و يتخرط بيكون عبارة عن بارين فيهم ترسين دورين قطرهم متساوى و طالع منهم بار بيمسك مكان بار الكوبلن الداخلى او قرص يتربط مكان الكوبلن الداخلى انا معرفش وضعك ايه و الناحية التانية بيكون في مكان يركب عليه الكوبلن الداخلى و يكمل على الاكسيل كله

ده قصدك يا باشا بالريفرس جير بوكس؟
عشان ده الى انا فهمته

ولو انا صح مش هيحتاج يتحط فى بوكس ويبقى ليه زيت



دى صورة gif متحركة انا لسه عاملها لو مشتغلتش حملها من هنا
هنـــــــــــا

المشاركة الأصلية كتبت بواسطة محمد فيصل إقتراح الهوندا سيفيك Ex-Sx من 93-97 إختيار موفق جداً

انا بحاول احل مشكلة الفكرة دى الاول لكن متقلقش


Plan B Will B

BMW M40 Vs Honda Civic

[atgps]

اتفرج على الفيديو ده، أول مرحلة فى الفيتيس الأوتوماتيك هى Torque converter وهو له أكثر من وظيفة فهو يعمل كبديل للدبرياج و كطلمبة الزيت فى الفيتيس وله اتجاه للعمل ولايمكن أن يعمل فى الاتجاه الآخر، أرجو أن تكون الفكرة قد وصلت.

http://www.youtube.com/watch?v=s613GPE8bS4