|
سوزوكى Suzuki بدات شركة سوزوكى نشاطها فى عام 1909 كشركة اقمشة لاكن مع الثورة الصناعية فى اليابان تحولت لانتاج السيارات عام 1952 وهيا تخضع حاليا لشركة جنرال موتورز حيث تملك الاخيرة نسبة 20% من اسهمها كما تمتلك سوزوكى شركة ماروتى الهندية Maruti من اشهر موديلاتها: سويفت ماروتى التو ليانا وايجنيس وجيمنى وجراند فيتارا و SX4 XL7 |
|
أدوات الموضوع |
#1
|
|||
|
|||
عاوز اشترى التو 2013 800 سى سى
بسم الله الرحمن الرحيم
السلام عليكم ورحمة الله وبركاته كل سنه واعضاء المنتدى بخير ---- بفكر اجيب التو 2013 800 cc انا مشفتهاش على الطبيعه بس شوفت اشكال كتير على النت واشكال مختلفه عن بعض مش عارف انوه الــ موجوده فى مصر -- قريت ان تمنها 48900 عاوز اعرف التمن ده حقيقى ولا اغلى من كده وعاوز اعرف ايه مواصفات العربيه وياريت صوره ليها للشكل الموجود عندنا ( لان انا شوفت صور كتير عن النت وكلهم اسمهم التو ) وهى العربيه دى يباانى ولا هندى ؟ ولو هندى هتكون كويسه ولا ايه --- عاوز اعرف اجبها منين من اسكندريه؟ والاستلام بعد اد ايه؟ --- على فكره دى هتكون اول عربيه ليا ان شاء الله انا كنت ناوى فى الاول اجيب حاجه مستعمله على 45 الف بس نصحونى بلاش مستعمل هاتلك حاجه على قد فلوسك جديد احسن على الاقل مش هتطل بيك فى السكه وبعد كده فكرت انى ادفع ال 45 الف مقدم عربيه واجيب حاجه بالقسط بس لاقيت الفايده كبيره والعربيات الــ عجبتى كلها صينى يعنى اعقبال مخلص تمن العربيه تكون العربيه باظت ---- ناس قالولى هات التو عربيه كويسه -- عاوز اعرف العربيه تشيل كام شنطه سفرمن الحجم العادى مش الشنط الكبيره --- وانا من اسكندريه ينفع العربيه دى تسافر مطروح والقاهره ( ده لو حبيت اصيف فى الصيف يعنى ) ---- واقصى سرعه العربيه ممكن تجبها وتبقى فى الامان ايه ؟ العربيه عموما معمره ولا ؟ ---- الرجاء المساعده تحياتى للجميع --- |
#2
|
|||
|
|||
رد: عاوز اشترى التو 2013 800 سى سى
السلام عليكم
والله أنا كمان فكرت في الألتو كتير . بس بصراحة الأن انا اميل اكثر ل اسبرانزا 113 لكن للعلم. الالتو سيارة جميلة . تسافر عادي جدا .محندقة بس معقولة .التقفيل هندي بس ده مش عيب . لأن الهند تكاد تكون من افضل دول العالم حاليا في هذا المجال .وللعلم . السيارة هيونداي اي تن . تقفيل هندي المشكلة بالنسبة ل التو قد تكون في مدي توافر قطع الغيار كمان فيه شكل جديد نزل للسيارة .احتمال يكون هناك الأن تصفية للشكل القديم . حتي ان الشكل القديم غير موجود الأن علي موقع ماروتي الهندية السيارة اللي حضرتك تقصدها بهذا السعر هي الشكل القديم . اذا كنت ناوي تجيبها من التوكيل لازم تحجزها الأول والاستلام خلال شهرين ! لو هاتجبها مثلا من سمير ريان . هايقولك سعرها تقريبا 51500 عشان بيقولك هاوفرهالك خلال. ثلاثة ايام . المشكلة انها لو تجاوزت حاجز الخمسين الف . يبقي بصراحة لازم تبتدي تفكر بقة في انواع تانية. عامة اسأل الأول عن سعرها في معارض اخري وموعد التسليم سأحاول ان ارسل لك صور لها ان شاء الله وبالتوفيق |
#3
|
|||
|
|||
رد: عاوز اشترى التو 2013 800 سى سى
الف شكر يا غالى على ردك
انا روحت شوفت ال a113 فى المعرض السنه ال فاتت كانت عامله 58 الف بس الصراحه شكلها معجبنيش حسيت من قدام عندها انتفاخ وبعدين حوار الصينى ده برده مش مطمئن انا كنت بشوف ناس بتبعها فى الوسيط موديل 2011 و 2010 اكيد الناس دى بتبيع العربيه لانها مش كويس مع العلم العربيه بقت منتشره جدا فى الشارع الصراحه مش عارف ايه الحل الواحد كره البلد يعنى معايا يعتبر 50 الف ومش عارف اجيب عربيه هههههه بره لو معاك 10 تلاف تجيب عربيه محترمه ------ بالنسبه للرد حضرتك بتقول اللتو شكل قديم يعنى ممكن ملاقيش منها 2013 ولا عادى موجود ؟؟ --- شكرا لمرورك يا غالى بالنسبه للصور انا خلاص لقيت صوره لواحده موديل 2007 تقريبا هيكون نفس الشكل 2013 : BUTTER~183: |
#4
|
|||
|
|||
رد: عاوز اشترى التو 2013 800 سى سى
السلام عليكم
الشكر لله اولا يا أخي والله انا في نفس الحيرة . وبصراحة انا جربت القديم مرة ومعنديش استعداد اجرب تاني عامة الشكل اللي نازل هوه نفس موديل 2007 بالتكييف 800 سي سي وفيه حاجة تانية اسمها k10. سوزوكي . اوسع قليلا و 1000 سي سي بالس السعر غالي حوالي 60000. عامة الموديل اللي نازل من السيارة التي تقصدها هو موديل 2013 فعلا لكن بنفس الشكل القديم . علي فكرة السيارة متجربة مع صديقين لي وبيشكرو فيها كتير بالنسبة ل اسبرانزا في ناس كتير بتشكر فيها . أما موضوع انها في منها موديلات حديثة بتتباع .لو روحت سوق السيارات هاتشوف النترا لسة من المعرض ومعروضة بالتوفيق ان شاء الله وربنا يهديني وإياك إلي الإختيار الصحيح |
#5
|
|||
|
|||
رد: عاوز اشترى التو 2013 800 سى سى
الف شكر على ردك يا غالى
لا 60 الف كتير ---- 50 الف كويسه اوى بالنسباالى على الاقل هجبها كاش وهبقى رحيت دماغى -- بالنسبه للاسبرنزا a113 نصيحتى ليك بلاش صينى وريح دماغك ال a113 تقريبا عامله 58 الف يعتبر 60 الف يعنى لو تقدر تتغط على نفسك وتخليهم 68 الف ممكن تجيب فيرنا او هينوداى i 10 تقريبا سعرهم فى حدود ال 68 وهتكون عربيه مضمونه ------ بالتوفيق ليك وليا بأذن الله شكرا ليك مره اخرى على مرورك : BUTTER~183: |
|
|