استطلاع : هل القيادة ممارسة وتعود ام بالفطرة

[mar mar]

المشاركة الأصلية كتبت بواسطة @واحد من الناس@ مهارة القيادة هى شىء مكتسب بالتعود طبعا لعدة أسباب اهمها إن اللى بسوق طول عمرة عربية سيدان ميعرفش يسوق عربية نقل تريلا لأنه مش متعود عليها أنا مثلا واخد إنى اسوق عربيات غلسه زي الإفانزا والتريوس والماتركس عشان كده بحس بتوتر لما أبدا أسوق سيدان بس بعد كده برجع أسوق طبيعي يعنى السواقه ممارسه وتعود و إحتراف السواقه أو أي حاجة فى الدنيا بيجي من كتر الإصرار على الممارسة ولازم تغلط وأنت سايق عشان تتعلم من غلطك بس أهم حاجة تسيطر على أعصابك وإنفعلاتك وانت سايق وربنا يوفقك وتبقى محترف سواقه مش متهور سواقه اصلها تفرق كتير

انا مع رائيه تماما
شكرا علي الموضوع




@واحد من الناس@

احيك علي توقيعك

[Vanditta]

المشاركة الأصلية كتبت بواسطة حسام البورسعيدى انا شايف ان الواقة استعداد اكتر من كونها تعود او فطرة ... يعنى لو واحد بيحب السواقة والعربيات من صغره .. هما يوم او يومين تعليم ويبقى سواق ميه ميه .. ليه بقى ؟؟ لأن اللى بيحب العربيات هتلاقيه بياخد باله من العربيات اللى حواليه ماشية ازاى .. او لما يركب مع حد بيبقى آخد باله منه ومن طريقة سواقته .. وبالتالى بتتكون عنده خبره نظرية بتفيده كتير جدا لما ييجى يسوق فعليا ... يعنى انا رأيى ان السواقة حب واستعداد ودى اعتقد من الفطرة ثم تعود وممارسة ...

تمااام رأى حضرتك لان دة اللى حصلى تقريبا كنت وانا صغير بحب العربيات اوى واما اركب اى حاجة عربية اتوبيس تاكسى احب اوى اقعد جنب السواق واشوفة بيعمل اية وعمرى ماتابعت الطرق على طوول باصص على السواق (ودة اللى خلانى حاليا بعانى من موضوع حفظ الطرق )


وسبحان الله اتعلمت فعلا السواقة فى اقل من ساعة (بنزين ودبرياج وغيارات )عشان كنت عارف نظريا طريقة السواقة مش محتاج حد يشرحهالى كنت محتاج بس اجرب زى حزلئوم كدة (مش يمكن اما اجرب اطلع بعرف اسوق ) وفعلا اول مرة اجرب اسوق فى حياتى طلعت بعرف اسوق

فبيتهيئلى القيادة فعلا زى ما استاذ حسام قال
حب واستعداد -- ثم تعود وممارسة
ودة الى بيفرق سواق عن سواق ......هتلاقى دايما اللى حابب العربية بيتحكم فيها اكتر من واحد مش حابب العربيات او مش مهتم اصلا بالمجال دة حتى لو الفرق بينهم سنوات من الخبرة فى السواقة