سؤال للخبراء....لازم اغير فلتر زيت الفتيس الأوتوماتك لم اغير الزيت

[Badr Salah]

السلام عليكم اعضاء منتدانا الحبيب
استفسار صغير للخبراء
هل لازم اغير فلتر زيت الفتيس الاوتوماتك لما اغير زيت الفتيس بعد 40 الف كيلو
مع العلم ان جدول الصيانة مذكرش حاجة عن تغيير فلتر زيت الفتيس
بس في ناس قالت لي ان من الافضل انك تغير فلتر او مصفة الزيت اللي جوه الفتيس علشان بتبقة مليانه شوائب
العربية ماتركس 2009 (الشكل القديم)
شكراً افادكم الله

[esafegypt]

والله يا بدر المفروض ان اى زيت فى السيارة بيتغير كل فترة بالنسبة لزيت الفتيس الاوتوماتيك المفروض انك بتعمل له اختبار كل فترة وتقيس مستواة وتقريبا لو كان مستوى الزيت ناقص بتذوده هو لونة احمر ومعروف فى اغلب الاماكن وحاول ديما تجيب نوع واحد ومتنوعش وجيب افضل نوع لان الزيت هو روح الفتيس الاوتو وفى الصيف او فى الشتا بالنهار والجود دافى او حر الزيت بيتاكل وبيقل وخد باللك ان العربية كل ما الزيت بتا الاوتو يبق قديم كل ما هتلاقى العربية سحبها اضعف وكمان تحس ان الغيار بينقل بالضالين وعموما المنتدى هنا فى خبراء افضل منى ياريت لو يفيدونا بردوا

[mido_4up]

ممكن تغيره مفيش مشاكل .... لكن انا رايى ان العربيه حديثه و لسه بدرى على الكلام دا فيها لان فلتر زيت الفتيس دا مش ضرورى تغيره اوى

[Badr Salah]

شكرا يا إساف باشا علي الرد السريع بس انا عايز استفسر عن تغيير فلتر زيت الفتيس لازم يتغير مع الزيت ولا لا علشان ده حوار وفك كرتيرة ويومين شغل

[esafegypt]

بص ابق اشترى نوع كويس وخليه معاك فى العربية وبعد كده اعمل الفحص بتاع زيت الفتيس دور عليه هنا فى المنتدى هتلاقية مشروح هو تقريبا بتشوف الزيت واصل لائ علامة والعربية دايرة وبعد كده بتدي غيار وانت رافع فرامل اليد طبعا علشان العربية متتحركش وبعد كده بتشوف الزيت مستواه اية والعربية واخده غيار وتشوف لونة بردوا ولو ناقص ابق زودة فقط وريح دماغك من قصة انك تغيرة كلة