اخر مفأجات العم غبور رفع اسعار السيارات من 1000 الى 5000 جم

[amrmohamed1975]

المشاركة الأصلية كتبت بواسطة mahmooud135 يا جماعة مع احترامى الى كل الاعضاء احب اوضح نقطة ان غبولا ملوش دعوةبالزيادة دى علشان هى كمان مفروضة علية زى مهو فرضها علينا واكبر دليل على كده اهو أعلنت مصلحة الجمارك فرض رسوم جمركية بنسبة ‏9%‏ من قيمة السيارات المستوردة عند الإفراج الجمركي عنها‏. وقال أحمد فرج سعودي رئيس مصلحة الجمارك إن هذه الجمارك لم يكن يتم تحصيلها منذ عام ‏2007‏ على أساس تقديم الوكلاء خدمات ما بعد البيع‏ والضمان والصيانة للسيارات‏،‏ إلا أنه تبين أن عدم تحصيل تلك الرسوم يعد مخالفاً لاتفاقية الجات الدولية الخاصة بالجمارك‏، حسب صحيفة "الأهرام" يوم الأربعاء.‏ وأبلغت مصلحة الجمارك وكلاء السيارات بأنه سيتم تحصيل تلك الجمارك عند الإفراج الجمركي عن السيارات التي قاموا باستيرادها. وكانت تقارير صحفية قد توقعت مؤخراً اتجاه وزارة المالية إلى إصدار قرار بفرض جمارك على نسبة الضمان والصيانة من إجمالي قيمة السيارة المستوردة من الخارج وإلغاء الإعفاء المقرر عليها. يشار إلى أن مصلحة الجمارك كانت تجزئ قيمة السيارة إلى جزأين الأول يتعلق بثمن السيارة، والثاني خاص بقيمة الضمان والصيانة، الذي يتراوح بين ٣ و٥ آلاف جنيه في المتوسط، وكانت وزارة المالية تفرض جمارك على ثمن السيارة، بينما تعفي قيمة الضمان من هذه الجمارك، تشجيعا لتقديم خدمات للعميل وزيادة استثمارات ما بعد البيع من قبل الوكلاء والعاملين في السوق. ومن المتوقع أن يتسبب القرار الجديد في رفع أسعار السيارات المستوردة، الأمر الذي يزيد مخاوف عودة التباطؤ مجددا إلى المبيعات بعد تحركها خلال الأشهر القليلة الماضية.

استاذ محمود قرار الجمارك ملوش علاقة بسيارات غبور ليه لانه يستهدف منه السيارات المستوردة عن غير طريق الوكيل و ملهاش ضمان و المقصود بيها العربيات الخليجي عشان الناس الي بتبيع ضمان للخليجي

[محمد فيصل]

غبور اكبر حرامى على مر التاريخ

[uubaby2000]

اعمل ايه انا واخدة قرض بنكى عشان اشترى العربية ولو مشترتهاش خلال شهر هيتخصم من مرتبى 1100 بدل متدفعهم الشركة كاكسبنس للعربية
كان نفسى اجيب اى تن دلوقتى كلو زاد ومخنوقة موت اصبر لرمضان ؟؟؟ ولا اعمل ايه
وعلى فكرة وزير المالية نفى ان فيه زيادة فالجمارك ؟؟؟ ايه اللى بيحصل ده
العربيات برخص التراب برة وعندنا احنا غالية موت ليييييييييييه؟

[prettykitty]

منك لله ياغبووووووووووور,,انا كنت نازلة اشترى جيتز لقيت تمنها زاد 5000 جنيه,,هو فيه بالضبط ولحد امتى هنفضل لعبة فأيادى التجار الجشعين فى كل مجالات الحياة؟؟ الواحد خلاص طهق من البلد دى وعاوزة اهاجر ومرجعش تانى,,احنا هنلاقيها منين ولا منين بس,,كل مانحوش قرشين العربيات تغلى اكتر واكتر,,حسبنا الله ونعم الوكيل وربنا ينتقم من كل طماع

[mido_meo]

يا جماعة الكيا والشيفرولية والبروتون احسن وانضف مليون مرة من الهيونداى وبعدين حقة يرفع الاسعار ما احنا اللى بنجرى ورا الهيونداى مع انها متستاهلش دة كلة لا امان ولا امكانيات ولا اى حاجة..... بجد لازم نغير ونشجع الشركات المحترمة التانية وكفاية استغلال