اخر مفأجات العم غبور رفع اسعار السيارات من 1000 الى 5000 جم

[mahmooud135]

يا جماعة مع احترامى الى كل الاعضاء احب اوضح نقطة ان غبولا ملوش دعوةبالزيادة دى علشان هى كمان مفروضة علية زى مهو فرضها علينا واكبر دليل على كده اهو
أعلنت مصلحة الجمارك فرض رسوم جمركية بنسبة ‏9%‏ من قيمة السيارات المستوردة عند الإفراج الجمركي عنها‏.

وقال أحمد فرج سعودي رئيس مصلحة الجمارك إن هذه الجمارك لم يكن يتم تحصيلها منذ عام ‏2007‏ على أساس تقديم الوكلاء خدمات ما بعد البيع‏ والضمان والصيانة للسيارات‏،‏ إلا أنه تبين أن عدم تحصيل تلك الرسوم يعد مخالفاً لاتفاقية الجات الدولية الخاصة بالجمارك‏، حسب صحيفة "الأهرام" يوم الأربعاء.‏

وأبلغت مصلحة الجمارك وكلاء السيارات بأنه سيتم تحصيل تلك الجمارك عند الإفراج الجمركي عن السيارات التي قاموا باستيرادها.

وكانت تقارير صحفية قد توقعت مؤخراً اتجاه وزارة المالية إلى إصدار قرار بفرض جمارك على نسبة الضمان والصيانة من إجمالي قيمة السيارة المستوردة من الخارج وإلغاء الإعفاء المقرر عليها.

يشار إلى أن مصلحة الجمارك كانت تجزئ قيمة السيارة إلى جزأين الأول يتعلق بثمن السيارة، والثاني خاص بقيمة الضمان والصيانة، الذي يتراوح بين ٣ و٥ آلاف جنيه في المتوسط، وكانت وزارة المالية تفرض جمارك على ثمن السيارة، بينما تعفي قيمة الضمان من هذه الجمارك، تشجيعا لتقديم خدمات للعميل وزيادة استثمارات ما بعد البيع من قبل الوكلاء والعاملين في السوق.

ومن المتوقع أن يتسبب القرار الجديد في رفع أسعار السيارات المستوردة، الأمر الذي يزيد مخاوف عودة التباطؤ مجددا إلى المبيعات بعد تحركها خلال الأشهر القليلة الماضية.

[heiss]

استاذ محمود الاسعار زادت من اول امبارح قبل قرار الجمارك. انا فرقت معايا على يوم كنت هاشترى اكسنت سبورت و انا عاصر على نفسى خل مش بس ليمون لكن الحمد للة ان غبور عمل كدة عشان انا اساسا كنت مستغلى الاكسنت وقرفان منها بس اهو قلت اجيب حاجة شكاها و امكانيتها معقولين و تكون على اد الفلوس اللى معايا امشى بيها سنة و ابيعها لما احوش شوية زيادة و اجيب كورولا. بصراحة يا جماعة النيسان لو غيرت شكل الصنى القديم هاتمسح اكسنت غبور واللى جابة

[Saif eldien]

مش المشكلة فى غبور وبس المشكلة فى باقى العربيات انتظروا المفاجئة
على فكرة هيحصل تخفيض على اول رمضان فى بعض السيارات بس كالعادة ارتفاع اسعار الاول وبعدين تخفيض جزء من ال ارتفع

[بدر بسيونى]

اولا الحمد لله انا اشتريت فى الرخص ده اولا بس اسمحولى بعض الناس بتقول العربية حتغلى لفترة وترخص او حتغلى على طول سواء فى كل الحالات لما تتربع على العرش تكون صاحب القرار بتتحكم فى اللى حيغلى واللى حيرخص وعشان فعليا مافيش تنافس شريف فعلى فده النتيجة بكل اسف وطالما غبور ومنصور وحسام ابوالفتوح وابوغالى هم المسئولين يبقى الغلابة يداسوا اهم حاجة المصالح الشخصية والماكسب ومش مهم الشعب

[نبيل عبدالرحمن]

على فكرة جميع ماركات العربيات فى السوق المصرى هايرتفع سعرها مش بس سيارات الهيونداى إنما كل الماركات ، والأيام الجاية هايبان كل شيئ ، وربنا يستر