السيارات فى مصر فرز تانى وبالذات هيونداى وبالاخص الفيرنا

[مادا]

على طريق المحور مدخل مدينة 6 اكتوبر سيارة فيرنا جديدة 2010 كانت مسرعة ولكن لم تعدى 90 كم / الساعة وضعط السائق على الفرملة قبل المطب الواقع على مدخل المدينة بحوالى 50مترتقريبآ ولكن السيارة لم تقف وزحفت على الارض وتعدت المطب ولم يقفها الا ان اصطدمت بالسيارات الواقفة فى الاشارة امامها
وحدثت حوادث اخرى بالفيرنا ام عينى بسبب ضعف الفرملة وقوه الموتور بالنسبة لوزن السيارة وتعمد ان اركب تاكسى فيرنا وتحدثت مع السائق عن هذه السيارة فى الاول اظهر اعجابه بالسيارة ولما قولت له اننى اريد ان اشترى هذه السيارة قام بنصحى عدة نصائح قال لى وهذا ما قالو لى بالضبط
اول ما تجبها ركب علقات فى العفشة اللى ورة علشان تعلى العربية
لا تسرع بالسيارة لانها خفيفة جدا وبتعوم منك بعد 100 كيلو ولا تستطيع السيطرة عليها
لو حبيت تجيبها حاول تتطلع من التوكيل وتعمل صيانة برة احسن علشان التوكيل زفت ومش مهتمين بالناس ولازم تتاكد انهم قاموا بصيانة السيارة من عدمة بعد الذهاب اليهم واسعار الصيانة غالية جدآ ممكن تجيب قطع الغيار من هناك وتصلحها بره احسن
خلى بالك من الفرملة علشان الفرملة وحشة جدآ واحيانآ بطلع صوت عالى
السيارة بتزحف على الارض لو جريت بيها وفرملت مرة واحده قولت له لية قال علشان الموتور اكبر من العربية والعربية خفيفة جدآ
لحد هنا كلامى واللى شفته انا بنفسى والكلام اللى جاى ده منقول من منتديات اخرى

يستورد غبور من هونداى سيارات فرز ثان بأسعار أقل ليتمكن بها من ضرب المنافسين الا أن هذة السيارات غير مأمونة و تفتقد لأدنى معايير الأمان و المتانة و بها عيوب جوهرية خطيرة فهى تنقلب أو تشتعل بسبب انفصال العجلة الأمامية و وجود عيوب بالفرامل و الشاسية و خزان الوقود. لذلك كان أكبر معدل حوادث سيارات فى ال 10 سنوات الأخيرة هو لسيارات هونداى اكسيل و أكسنت و ميكروباص.
4- يزور غبور بيانات محركات السيارات هونداى لتبدوا أقوى من حقيقتها فعلى سبيل المثال قوة محرك فيرنا الحقيقية 82 حصان فى حين تزعم مواصفاتها المزورة ان قوتة أكثر من 100 حصان و تبلغ قوة محرك ايلانترا الحقيقية 92 حصان فى حين أن مواصفات السيارة المزورة تقول بأن قوتة 107 حصان و تبلغ قوة محرك السيارة سوناتا الحقيقية 102 حصان فى حين أن مواصفات السيارة المزورة تقول أن قوتة 140 حصان و هكذا.
5- السيارة فيرنا هى السيارة أكسنت و لكن غبور يخفى هذة الحقيقة لكى يجمع السيارة أكسنت 1300 التى يستوردها مكوناتها بسعر رخيص لتوقف انتاج هذا الموديل و ذلك بالرغم من سقوط سنة موديلها و أصبح لذلك غير مصرح باستيرادها. فى نفس الوقت يبيع غبور هونداى فيرنا 1500 و كأنها موديل أخر
وهذا الكلام منقول من منتدى اخر

مادا مفيش اي حاجه من اللي انتا بتقولها ديه صحيحة العربية معايا وعامله 22000 كيلو لا عمر العربية زحفت ولا الفرامل صفرت او صوتها علي وفي حاجه اسمها العربية بتعوم بعد ال 100 ماهي لازم تعوم مش حاطط عاليات ورا ورافه العربية ماهو طبيعي انها لازم تعوم

نصيحة سيبك من سواقين التاكسيات دول علشان دول اساتذة في الفتي وفي اللعب في العربية بره التوكيل علشان كدا بيشوفوا العفاريت بتطلعلهم في العربية

وفي حاجه اسمها فرز تاني هو غبور بيجيب سيراميك يا مادا العربية لو فيها مشاكل زي مانتا بتقول كدا مكنش حد جابها


وتعالي هنا في حاجه اسمها ابقي ماشي علي 90 وافرمل قبل المطب ب 50 متر والعربية تزحف

ده انتا لو راكب سيات القردة وفرملت قبل المطب ب 20 متر العربية هتقف

بلاش الكلام المبالغ فيه ده

والله الفرامل بتاعتها مش وحشة وانقذتني كتير جدا في مواقف محرجة

وبعدين هيه في عربية في مصر ملهاش عيوب


ربنا يدمها علينا نعمة

[BlackVerna]

كلام مبالغ فيه جدا و غير صحيح بالمره بدون الدخول فى تفاصيل

[ابو جودة]

ممكن يكون عندكمشكلة فى عربيتك بس ما يكونش الكلام عموم

[Eng . Mano]

ممكن فعلا تكون الفرامل ضعيفة شوية بس انها ما تفرملش خالص دى مستبعدة ،
و موضوع ان الفيرنا هى الاكسنت دى معروفة من زمان انها بتتسوق فى مصر باسم الفيرنا .
و برده استحالة تكون قوة موتورها الاصلية 82 حصان لانها 2 كامة و 16 صباب ، فكل دى عوامل بالطبع تزيد من قوة المحرك . انا معايا اكسنت الشكل القديم موتورها كامة واحدة و 12 صباب و قوتها 85 حصان و سحبها و تجميعها طبعا مش زى الفيرنا لانى ركبتها و قفلت بيها العداد كذا مرة ، انما الاكسنت كانت اخرها معايا 160 ، و زى ما قال الاستاذ احمد أن فعلا سواقين التاكسى بيبالغوا شوية ؛