اى سؤال بخصوص اوبل

[Ahmed_lol2007]

ربنا يخليك يا تيفا باشا
والله أنت مهما تغيب معانا بقلبك وبكلامك الحلو
وطبعا أنت برنس الاوبل

[harphosh]

الأخوة الأعزاء / عصابة أوبل
يشرفنى أن أنضم اليكم أنا جبت أوبل فيكترا 97 ألمانى 2000 سى سى من أسبوعين كاملة اتوماتيك فتحة سقف والعربية الحمد لله روعة
أخوكم بيجوهاتى قديم وعلى فكرة برضوا بحب الـ405 جداً وما زلت أقتنيها
أحب أشارككم الرأى بالنسبة للبخار اللى خارج من تانك البنزين برأى جايز يكون صح عن خبرة حصلتلى قبل كدة
أرجو من أخى صاحب المشكلة مراجعة خرطوم الفايظ للتنك لأن وجود ضغط عند فتح التنك وبخار بيكون دليل على انسداد خرطوم الفايظ أو ما يسمى بخرطوم النفس عند بعض الناس
أرجو أن تقبلونى عضواً جديداً بعائلة وعصابة الأوبل

[that's me]

ثمن اوبل فيكترا 1996 و 97 و 98 و 99 مستعملين و بحاله ممتازه و انا من المنصوره فا في توكيل اوبل في المنصوره ولا لأ و لو موجود قولي عنوانه معلش و اي موديل ترشحه من الموديلات دي؟؟ و من رايك اجيبها اوتوماتيك ولا مانيوال انا مش فارقه معايا انا عامل علي اللي يعيش بس ؟؟

[haytham28]

إيه رأيك في أوبل أسترا مو2001 1200 سي سي
من ناحية قطع الغيار إيه الأخبار ؟؟ وسعرها هيا نفسها ؟؟ وإيه مميزاتها وعيوبها؟؟
وجزاك الله خيرا

[mercedes]

السلام عليكم و رحمة الله و بركاته

انا كنت عاوز أعرف كل حاجة عن العربية الأوبل 1600 موديل 2003, مالها و ما عليها و ايه عيوبها من حيث الثبات و أداء المحرك و أسعار قطع الغيار و الحرارة و كفاءة التكييف و أداء العربية عموما جوه البلد و عالطريق السريع لأنى كنت قريت موضوع فى نفس المنتدى ده بس كان عن الرينو الميجان و أعجبت كتير بالأسلوب اللى اتعرض بيه الموضوع بتاع الرينو لأنى فعلا طلعت بمعلومات جميلة جدا و كنت أتمنى أن يتم عرض كل الحقائق عن الأوبل ال 1600 مو 2003 بنفس الطريقة.

شكرا جزيلا و جزاكم الله كل خير

MERCEDES S430