انا ضد العصيان المدني لأني مش عايز أدمر الإقتصاد !!

[تامر ديزل]

المشاركة الأصلية كتبت بواسطة tonsy1979 وعموما ان جيتوا للحق العصيان المدنى نتايجه السلبية ستكون كارثية على الشعب الغلبان قبل النظام تخيل مثلا واحدة جت تولد راحت المستشفى علشان تولد قالولها معلش اصل احنا مضربين طيب تروح لام احمد الداية مثلا المشكلة تطلع ام احمد مضربة هى كمان تروح تموت تيجى يطلعولها تصريح الدفن من الصحة طبعا اول ناس قافلين مش محتاجين عصيان يروحوا يدفنوها شمال يلاقوا الحانوتى راخر مضرب طيب يعملوا ايه يحرقوها .. ماشى يدورو على بنزين طبعا مفيش اذا كان من غير عصيان كانوا عاملينها ازمة

على رايك .. وده اللي انا بقوله برده .. الشعوب الشغالة اوروبا وامريكا لما العمال يعملوا اضراب عن العمل بيقدروا يشلوا حركة البلد بجد فيقوم المسئولين يجروا يشوفوا الناس دي عاوزه ايه ويتفاوضوا معاهم عشان الدنيا تمشي ... انما انا متهيالي عندنا في مصر لو عملنا اضراب تلات سنين محدش هياخد باله

[تامر ديزل]

الكاريكاتير ده في الجون ..

[atgps]

المشاركة الأصلية كتبت بواسطة tonsy1979 وعموما ان جيتوا للحق العصيان المدنى نتايجه السلبية ستكون كارثية على الشعب الغلبان قبل النظام تخيل مثلا واحدة جت تولد راحت المستشفى علشان تولد قالولها معلش اصل احنا مضربين طيب تروح لام احمد الداية مثلا المشكلة تطلع ام احمد مضربة هى كمان تروح تموت تيجى يطلعولها تصريح الدفن من الصحة طبعا اول ناس قافلين مش محتاجين عصيان يروحوا يدفنوها شمال يلاقوا الحانوتى راخر مضرب طيب يعملوا ايه يحرقوها .. ماشى يدورو على بنزين طبعا مفيش اذا كان من غير عصيان كانوا عاملينها ازمة

العصيان المدنى لا يسرى على الأطباء والمستشفيات والصيدليات والشرطة.

[atgps]

المشاركة الأصلية كتبت بواسطة تامر ديزل على رايك .. وده اللي انا بقوله برده .. الشعوب الشغالة اوروبا وامريكا لما العمال يعملوا اضراب عن العمل بيقدروا يشلوا حركة البلد بجد فيقوم المسئولين يجروا يشوفوا الناس دي عاوزه ايه ويتفاوضوا معاهم عشان الدنيا تمشي ... انما انا متهيالي عندنا في مصر لو عملنا اضراب تلات سنين محدش هياخد باله

+111
بالفعل لن يحس أحد بالعصيان المدنى ولن تكون له نتائج سلبية.

[تامر ديزل]

المشاركة الأصلية كتبت بواسطة atgps +111 بالفعل لن يحس أحد بالعصيان المدنى ولن تكون له نتائج سلبية.

واسمحلي اختلف كمان واقول انه مش هتكون ليه نتائج سلبية ولا ايجابية .. لانه زي ما انا متوقع هيكون زي الماتش اللي بدون جمهور... مجموعة من النشطاء هيعملوا الاضراب والناس هتمارس حياتها عادي جدا ... بس انا بقول محدش هيحس بحاجه لاننا اساسا في المجمل العام شعب غير منتج فمش فارقه شغالين تقريبا زي مضربين النتيجه واحده