عايزة عربية لقطة تعبت بجد

[AlexGirl]

المشاركة الأصلية كتبت بواسطة نبيل عبدالرحمن بتحصل كثير لما الواحد بيلاقى زبون لعربيته ويبيعها بيقفل موبايله عشان ماحدش يسأله تانى بجد أنا متابع موضوع حضرتك يا باشمهندسه ، وبصراحه أحسن حل هوه اللى قالك عليه الأستاذ ياسر ، إدفعى حضرتك ولو 30000 جنيه مقدم وقسطى الباقى وهايفضل معاكى 10000 جنيه خليهم إحتياطى للطوارئ لا قدر الله وروحى صالة تكون محترمه وإشترى بيكانتو على الزيرو وتختارى اللون اللى يعجبك ، وبعدين حجمها صغير وأكبر قليلاً من الماروتى اللى كانت معاكى ، يعنى سواقتها مش هاتفرق كتير وإن شاء الله ربنا هايحميك ويحميلك عربيتك ...

انا هوضح لحضرتك حاجة انا من الاول كان معايا 20 الف بعد ما بعت الماروتي وفكرت في التقسيط وتعبت جداااااا من البحث في التقسيط وملقتش قدامي غير كونتكت عشان اقسط كسر زيرو وبالنظام الاسلامي ودخلت نفسي في متاهة وحتي كنت نزلت هنا اظن موضوع اني طالبة تقسيط وفضلت مدة طويلة ملقتش طلبي ودوخت بردو وانا اصلا من الاول مش مقتنعة اني اجيب حاجة اكبر من امكانياتي انا مش ضامنة عمري ومش بحب الدين اصلا المهم اخر التفكير استقريت اني ازود المبلغ واشتري كاش وفضلت ازود في المبلغ لحد ما جبت اخري اهو وغرضي اولا واخيرا اني اجيب عربية كويسة متتعبنيش عشان كدة انا مستبعدة حاليا فكرة التقسيط لاني لغيتها من دماغي واصلا مكنتش مقتنعة بيها مش معقول بعد المشوار الطويل دة ارجع افكر تاني فيه انا بدور وربنا يسهل ولا زال عندي امل الاقي طلبي وربنا يكرمني بحاجة كويسة

[AlexGirl]

المشاركة الأصلية كتبت بواسطة yasser .mk طالما الراجل قفل الموبايل يبقى باعها لحد تانى ولله أعلم ....... أنا بقترح على حضرتك ..تنسى موضوع العربية على الأقل لمدة إسبوع ..إعتبريها مرحلة هدوء وإستجمام وراحة بال...بعد كدة تدخلى مرحلة إعادة تفكير ودراسة للأمر من كافة الجوانب يمكن حاجة تانية تعجبك غير البيكانتو ..لأنى بصراحة حاسس إن أى بيكانتو سعرها أقل من السوق بيبقى فيها عيب مستخبى ....... تقبلى تحياتى وآسف جداً للإزعاج المستمر .

بالنسبة للعربية الله اعلم بس هو كان واجب يعبر الناس اللي اتصلت وكان قال اتباعت عموما ربنا يسهله اكيد كل واحد له حرية التصرف زي ما يحب

وبالنسبة للتفكير بقي انا بقالي مدة طويلة جدا بفكر وبقارن وبشوف وبدرس من كل الجهات وبعد كل دة لقيت احسن خيار بالنسبالي البيكانتو في كل شئ وشيفاها صعبة لظروفي لكن مش مستحيلة عشان كدة انا سايبة الامر لربنا واللي ربنا هيختارهولي بلا شك هو الاحسن

واخيرا حضرتك اكيد مش بتزعجني بالعكس انا بدعي لحضرتك دايما وربنا يعلم لاني لو مقدرتش ارد لحضرتك اكيد عند ربنا مفيش حاجة بتروح كل اللي في ايدي اني اشكر حضرتك جدا وادعي لحضرتك ربنا يجازي حضرتك عني كل خير يارب

[نبيل عبدالرحمن]

وجدت لك هذا الإعلان منشور اليوم إلحقى إتصلى بيه
45,000.00 جنيه

كيابيكانتوخليجى موديل 2005 اللون سماوى تكيف وسنتر وكاسيت CD بيونير ورخصه طويله ليس بها اى مصروف الاتصال للجادين فقط
الخدمة المطلوبة معروض (للبيع)
موديل بيكانتو
المسافة المقطوعة 94 كم
عام الصنع 2005
اللون الخارجي سماوى
السعر 45,000.00 جنيه
رقم الجوال 01114205669
فترة الإعلان 14 يوم
البلد مصر
المدينة الإسكندرية

وهو نفس الإعلان اللى قالك عليه الأستاذ ياسر ، يمكن العربية لسه ماإتبعيتش

[yasser .mk]

المشاركة الأصلية كتبت بواسطة نبيل عبدالرحمن وجدت لك هذا الإعلان منشور اليوم إلحقى إتصلى بيه 45,000.00 جنيه كيابيكانتوخليجى موديل 2005 اللون سماوى تكيف وسنتر وكاسيت CD بيونير ورخصه طويله ليس بها اى مصروف الاتصال للجادين فقط الخدمة المطلوبة معروض (للبيع) موديل بيكانتو المسافة المقطوعة 94 كم عام الصنع 2005 اللون الخارجي سماوى السعر 45,000.00 جنيه رقم الجوال 01114205669 فترة الإعلان 14 يوم البلد مصر المدينة الإسكندرية وهو نفس الإعلان اللى قالك عليه الأستاذ ياسر ، يمكن العربية لسه ماإتبعيتش

هو نفس الإعلان اللى كان محدد ميعاد للمعاينة وقفل الموبايل بتاعه ساعة الميعاد ..
لكن عموما أنا كلمته من دقائق وعرفت إن العربية لسة موجودة .... لو حبيتى تعيدى المحاولة وتحددى ميعاد تانى مافيش مشكلة ..والله الموفق .

[AlexGirl]

المشاركة الأصلية كتبت بواسطة نبيل عبدالرحمن وجدت لك هذا الإعلان منشور اليوم إلحقى إتصلى بيه 45,000.00 جنيه كيابيكانتوخليجى موديل 2005 اللون سماوى تكيف وسنتر وكاسيت CD بيونير ورخصه طويله ليس بها اى مصروف الاتصال للجادين فقط الخدمة المطلوبة معروض (للبيع) موديل بيكانتو المسافة المقطوعة 94 كم عام الصنع 2005 اللون الخارجي سماوى السعر 45,000.00 جنيه رقم الجوال 01114205669 فترة الإعلان 14 يوم البلد مصر المدينة الإسكندرية وهو نفس الإعلان اللى قالك عليه الأستاذ ياسر ، يمكن العربية لسه ماإتبعيتش

اه فعلا نفس الاعلان عشان نفس رقم التليفون متشكرة لحضرتك اوي

المشاركة الأصلية كتبت بواسطة yasser .mk هو نفس الإعلان اللى كان محدد ميعاد للمعاينة وقفل الموبايل بتاعه ساعة الميعاد .. لكن عموما أنا كلمته من دقائق وعرفت إن العربية لسة موجودة .... لو حبيتى تعيدى المحاولة وتحددى ميعاد تانى مافيش مشكلة ..والله الموفق .

هعيدها ان شاء الله بس مش انا اللي هتصل المرة دي لاني مش عايزة اجبر نفسي اتعامل مع شخص محترمش المعاد ولا حتي اعتذر ممكن اكلف حد من عندي يقوم بالمهمة مع اني من جوايا بصراحة مبقتش حابة العربية من صاحبها بس اهو ابقي اخددت بالاسباب لعل فيها الخير
وبردو بحاول اشوف ابواب تانية ومتشكرة اوي لحضرتك استاذ ياسر حضرتك تعبت معايا ويارب مكونش اثقلت على حضرتك