|
#1
26-02-2013, 01:35 PM
|
|||
|
|||
كاوتش جديد لل516
مساء الفل على أحلى منتدى
للأسف كاوتش العربيه بهدلنى امبارح و الأستبن كان نايم كمان و بعد دوخه محترمه و تصليح الكاوتش اخدت نصيحه من الراجل بتاع الكاوتش انه يفضل انه يتم تغييره بالكامل لانه تعب على الأخر رغم ان العربيه مش عامله غير 51000 كم المهم قلبت فى النت النهارده و وصلت لوكلاء ماركات معينه و انا بعد اذنكم طالب نصيحتكم اركب ايه يكون افضل حسب الأتى مع العلم انى حاغير الأربع فرد مره واحده و المقاس الى بادور عليه هو (R15/195/60): 1- ميشلان - اتحاد اوروبى 590 جم الفرده. 2- بيرللى P1 - انجليزى 635 جم الفرده 3- بريدجستون - اندونيسى 515 جم الفرده 4- بريدجستون - يابانى 776 جم الفرده 5- كومهو - كورى 475 جم الفرده 6- كومهو - فيتنامى 410 جم الفرده أرجو منكم النصيحه علشان الكاوتش يعيش شويه و يستحمل شوارعنا الحلوه دى و الواحد يعتمد عليه. و أشكركم كلكم مقدما على النصيحه 
|
|
#2
26-02-2013, 02:42 PM
|
||||
|
||||
رد: كاوتش جديد لل516
اللى اعرفة ان مقاس الكاوتش لل516 هوه
R15/195/55 حضرتك عاوز تغير ل60 ليه ..وأنا افضل بريدجستون ..وبالتوفيق انشاء الله
__________________
 يا شعب مات ومات ومات .. يا شعب طيب وكتير بينضحك عليه .. عربجى دكتور مهندس جاهل مثقف كله بينضحك عليه .. ياخد الزمبة يضحك .. يغنى .. يقول النكتة يضحك ويضحك الناس عليه .. يا شعب طيب .. امتى تفوق .. أرجوك تفوق يفتح الله عليك ..
|
|
#3
26-02-2013, 05:11 PM
|
||||
|
||||
|
رد: كاوتش جديد لل516
السلام عليكم
لو في الأنواع المذكوره فقط بيرللي افضل والله اعلى واعلم والله المستعان
__________________
   صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين  سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
|
#4
26-02-2013, 06:53 PM
|
|||
|
|||
|
رد: كاوتش جديد لل516
كنت مركب الكومهو الفيتنامي بس عمل بالونة في اقل من شهر فاضطريت اجيب بريدجستون اندونيسي بجد تحفة بقاله معايا 4 شهور مع السفر و المطبات المتككرة بجد هايل و احسن من البريللي .
|
|
#5
10-03-2013, 01:00 PM
|
|||
|
|||
|
رد: كاوتش جديد لل516
صباح الفل على أحلى منتدى
أشكركم كلكم على الردود. الحمد لله امبارح نزلت روحت Fit & Fix الى فى عمارات العبور و اشتريت 4 فرد بريدجستون اندونيسى تمن الفرده 525 جم و ركبتهم مع تغيير البلوف و نفخ نيتروجين و الترصيص و الحمد لله تمام. للأسف الراجل بتاع ضبط الزوايا ماكنش موجود بس انشاء الله حاروح الأسبوع الى جاى اضبط زوايا بالمره. 
|
 |
| أدوات الموضوع | |
|
|
