ممكن الاقي فسبا بسعر 1000 جنيه ؟؟؟؟؟؟؟؟

[BoPPoS]

مساء الفل يا جماعه

بصراحه عجبتني فكرة الفسبا لأني بيني وبين الكليه يادوب نص ساعه مشي

قلت اهو حاجه توفر الوقت والتعب

بس انا بدور على حته فسبا سعرها مايعديش ال 1000 جنيه

ألف جنيه فقط لا غير

مع العلم اني هندسة ميكانيكا يعني هزبطها صح

معلش طولت عليكو شويه

في انتظار الرد

جزاكم الله كل خير

[JILANCO]

الله يوفقك و يدلك على الخير

[jojojojojo]

معتقدش هتلاقي حاجه بالسعر ده نهائي ديه العجله الصيني بتعمل 500 ج فستحاله تلاقي حتي موتسيكل صني حته استعمال ب1000 ونصيحه من اخ خدها مشي افضل حتي لو معاك تمن الفيسبا او الموتوسيكل لخطورتهم علي حياه الشخص وخاصه في بلدنا ديه وانعدام وسائل الامان والسلامه في الطرق المصريه وعدم وجود اماكن محدده في الطرق لسير الدراجات البخاريه او غيرها من وسائل النقل الخفيفه مثل كل العالم وربنا يحمي شباب مصر من كل سؤ

[محمدقابل]

مفيش نهائى فسبا بالسعر ده ولكن ممكن موتوسيكل صينى بس حالته هتكون سيئة جدا

[hal71]

المشاركة الأصلية كتبت بواسطة BoPPoS مساء الفل يا جماعه بصراحه عجبتني فكرة الفسبا لأني بيني وبين الكليه يادوب نص ساعه مشي قلت اهو حاجه توفر الوقت والتعب بس انا بدور على حته فسبا سعرها مايعديش ال 1000 جنيه ألف جنيه فقط لا غير مع العلم اني هندسة ميكانيكا يعني هزبطها صح معلش طولت عليكو شويه في انتظار الرد جزاكم الله كل خير

لو 1/2 ساعة مشي يعني 10 دقائق بعجلة نضيفة و إبعد عن الموتسيكلات لأن سمعتها دلوقت بقت وحشة جداً نظراً لعمليات السرقة المنتشرة بشدة وشوفتها بعيني - طبعاً إنت هترخص أنا عارف بس للأسف السيئة تعم.
وكمان فيه عدد كبير من سواقين العربيات - انا مش منهم - بقوا بيضايقوا جداً من الموتوسيكلات و بيغلسوا عليهم لوجه الله فقط عشان هو موتسيكل وممكن يأذيه ويقفل عليه الطريق حاجة نفسية و أنا لاحظتها في زملاء و سواقين الشغل.
عدد حوادث الموتوسيكلات أكثر و أشد فداحة من العربيات و بالذات في شوارعنا العمرانة -وقانا الله شر الحوادث -حادثة الموتوسيكل فيها أذية جامدة عافانا الله
العجلة أنضف و أخف و أقل سرعة و مافيش فيها الإستفزاز بتاع الموتوسيكلات و إنت طالب ما فيهاش حاجة ما تركبها لحد ربنا ما يكرمك بعربية كويسة
مع إحترامي الكامل لجميع مالكي الموتوسيكلات بس أنا بأنقل وجهة نظري اللي أنا شايفها فعلاً - أنا عن نفسي لما بأشوف موتوسيكل بأعديه وبأوسعه لأن الصراحة أنا عارف صعوبة إنك تسوق على عجلتين بسرعة واطية وإنك توزنه و إنت واقف -معاناة فعلاً مع إحترامي الكامل لهم مرة أخرى
: 140109~347: