صوت حكه فى الدريكسون

[احمد على 1999]

المشاركة الأصلية كتبت بواسطة HaMaDa-ToUBaR بس عموما هو التلكس مش بيبقالة علاقة بالموضوع لانة بيلف مع الدريكسيون الى هيبقى بيعمل الصوت دة اكيد لو من جوة العربية هيبقى الفبرة لكن لو مطلعش منها يبقى انت بقى كدة هتدخل فى ترومبة باور واسكاترا وطبعا لو طلعت كدة لقدر الله عليك و ع اى مركز صيانة محترم الصوت دة كان ظهر عندى فى الفولفو وحليت الفبرة ربطت على كل حاجة تانى وحشيتها فيبر علشان الفبر ميزيقش فى بعضة ومن وقتها وهى تمام

انا فعلا رجعت قولتله بلاش الكلاكس لانى كنت شاكك زى ما انت قلت انه بيلف مع الدركسيون الله ينور يا باشا
و قلت برضه علشان نعزل المشكله يجرب برضه من غير ما يدور العربية و لو الصوت مش موجود يبقى الصوت بيجى من سيستم الباور ( الى هو بيشتغل و العربية دايره )
بس هو شاكك ان الصوت من منطقة الدركسيون
و الف سلامة على عربيتك يا استاذ طوبار

[HaMaDa-ToUBaR]

الله يسلمك يا استاذ احمد
هو فعلا يجرب من غير ما يدور العربية دة الى يحكم فى الموضوع دة اذا كان الصوت من برة ولا من جوة
بس حضرتك انا بتهيألى ان صوت الخشونة بتاعة الباور مختلف عن التزيق الى بيحصل فى الفبرة يعنى صوت الباور بيبقى لية صوت مميز كدة زى صوت الماتور لما يزن حضرتك فاهمنى طبعا
فهو لازم يجرب الاول علشان نقدر نوصل الموضوع من اية بالضبط

[zakar0tta]

ياجماعة أنا لسة جديد في المنتدي وفي السيارات واسة جايب عربية لانوس مو 99 وفيها نفس المشكلة وانا محتار بس عموما أنا هجرب ال wd40 ونشوف النتيجة الأول وشكرا ز

[mahdyez]

انا خلاص كبرت دماغى وماعملتش حاجه وربنا كرمنى بعد فترة لقيت الصوت راح
انا افتكرت انا كنت فى فرح ومقضيها كلاكسات وممكن يكون هو ده السبب
الحمد لله بعد فتره الصوت اختفى لوحده