خناقة بين احد زوار معرض اتوماك وبين (مدير التوكيل)

[AbOnOrA]

http://www.youtube.com/watch?v=t8l7fUL2S60

خناقة بين احد زوار معرض اتوماك وبين (مدير توكيل الامل جروب) كما يدعى بسبب ان الزائر بيجرب العربية ال BYD F3 !

قول رايك

[ahmedsalah]

الراجل بيقوله العربية تمنها 80 الف جنية ومش عايز يرميها بعض المعرض برده عنده وجه نظر

قال مدير التوكيل قال

[HaShiMoto]

بغض النظر عن ثمن العربية العربية المفروض انها ديمو ومحطوطة للفرجة من جوه ومن بره وكل حاجة مش كفاية ان العربيات اكترها فى مصر ملهاش تست درايف كمان حتى لو الراجل ده مدير التوكيل زى ما بيقول مش المفروض انه يتكلم مع زائر بالشكل ده ومش المفروض يقولة هجيبلك حد تانى يتعامل معاك ايه الاسلوب ده

[saied]

الثقافه الفكريه فى عمليه البيع غائبه
هل المفروض ان نشترى سياره وندفع بها الاف الجنيهات
ولا نستطيع تفحص جميع اجزء ومكونات السياره
هل المفروض ان نشترى السياره بمجرد التفحص الخارجى بدون اللمس.
طبعا هذا مايريده الوكلاء الذين لايثقون فى المنتج الذى يمثلونه لانهم يدرون انه ينطبق عليهم المثل الشعبى من بره هلا هلا ومن جوه يعلم الله
طبعا لان اغلب الاكسوارات تكون ملصمه وملصوقه وسوف تتلف بمجرد اللمس.
انا مستغرب لانه لوطبقت الثقافه الفكريه الامريكيه فى عمليه البيع والشراء
فمن حق المشترى فى حاله عدم الرضا عن المنتج ارتجاعه خلال فتره محدوده.

تخيلوا معى ماسوف يحدث فى السوق المصرى

[AbOnOrA]

المشاركة الأصلية كتبت بواسطة HaShiMoto حتى لو الراجل ده مدير التوكيل زى ما بيقول مش المفروض انه يتكلم مع زائر بالشكل ده ومش المفروض يقولة هجيبلك حد تانى يتعامل معاك ايه الاسلوب ده

ديه نقطه مهمة فعلا ان المفروض اذا كان ده مدير الصالة مثلا (هو اكيد مش مدير التوكيل ولا حاجة) بس لو هو اي حاجة فى الدنيا المفروض انه لا يكلم الراجل كده ولا يعمل معاه كده والمفروض لو الراجل عنده مشكلة يكون هو اول حد يرد عليه لاكن انه يتعامل مع الراجل بالعجرفة ديه فده مش اسلوب حد يشتغل فى معرض او يتعامل مع الناس اساسا

المشاركة الأصلية كتبت بواسطة saied الثقافه الفكريه فى عمليه البيع غائبه هل المفروض ان نشترى سياره وندفع بها الاف الجنيهات ولا نستطيع تفحص جميع اجزء ومكونات السياره هل المفروض ان نشترى السياره بمجرد التفحص الخارجى بدون اللمس. طبعا هذا مايريده الوكلاء الذين لايثقون فى المنتج الذى يمثلونه لانهم يدرون انه ينطبق عليهم المثل الشعبى من بره هلا هلا ومن جوه يعلم الله طبعا لان اغلب الاكسوارات تكون ملصمه وملصوقه وسوف تتلف بمجرد اللمس. انا مستغرب لانه لوطبقت الثقافه الفكريه الامريكيه فى عمليه البيع والشراء فمن حق المشترى فى حاله عدم الرضا عن المنتج ارتجاعه خلال فتره محدوده. تخيلوا معى ماسوف يحدث فى السوق المصرى

يا استاذ سعيد والله انت لمست اساس المشكلة ثافة ووعى وده مفتقد للاسف عن اللي بيشترى واللي بيبع وعن الجهات اللي المفروض تراقب علاقة التاجر بالمستهلك

يعنى ايه عربية صينى للفرجة بس مش عارف افهمها ديه لا هيا عربية مشهورة مثلا ولا هيا عربية سوبر ولا حاجة فيها ايه ان الراجل بيجرب النور وفتيس العربية ايه هتخلع فى ايده ........وبعدين ما يتخلع يا سيدى يجى واحد غيرة ويركب بدالة وتنزل معارض برضوا

امال لما بنلاقى عربيات صينى فى المعرض فيها عيوب تقفيل واضحة يقولولنا ديه عربية ديمو ليه وبعدين لما تجيى تستلم العربية تلاقيها ديمو هيا كمان والله حاجة مستفذة بصراحة مصيبة لا يكونوا هيبعوا العربية ديه للناس بعد كده angryhead