|
#11
27-09-2011, 10:05 PM
|
|||
|
|||
رد: التريللا
عدنا
العربية النقل زي اللي ف الصورة وزنها بيتراوح من 6 الى 8 طن بس مالهاش فايده من غير الديل ايوهه اسمه الديل وده وزنه بيتراوح من 10 الى 12 طن ومنه انواع كتير علشان يتناسب مع الحمولات فتلاقي ديل بجوانب بنسميه ديل صب علشان بيشيل بضاعه سايبه زي الدره او الحبوب وفيه ديل من غير جوانب علشان نحط على ظهره شكاير وبنسميه ديل معبأ يعني البضاعه متعبيه في شكاير وفيه ديول عليها تانكات علشان الجاز والمواد السائله او ديل قلاب يعني فيه امكانية رفع الصندوق لفوق وتفريغه عن طريق قلب البضاعه منه وعشان نقرب الصوره شويه العربيه النقل المحمله بضاعه وبتجري جمبك على الطريق بيكون وزنها بالديل بالبضاعه تقريبا من 50 الى 100 طن ولو قلنا متوسط 70 طن ولو قلنا بيجري على سرعة 80 كم ساعه مش اكتر مع ان فيه ناس بتجري اكتر من كده ولو قلنا ان عربيتك الملاكي مش هايزيد وزنها ابداعن 2 طن ده في حالة 4ركاب متختخين ومعاهم شنط وحاجات وماشي على سرعة 80 برضه يبقى الفرامل اللي سواق النقل محتاجها عشان يقف قد الفرامل اللي انت محتاجها 35 مره وطبعا ده رقم مكانش ممكن تحقيقه مع الفرامل اللي بتستخدم زيت الباكم زي الملاكي عشان كده لجا المصنعين الى الفرامل الهوائيه ودي فكرتها تقريبا زي الفرامل الباكم بالظبط بس مع زيادة شوية حاجات اول حاجه كمبرسور هوا محترم متركب على المكنه بيدي هوا مضغوط بيوصل ل 10 مرات ضعف الضغط الجوي والهوا بيطلع على خزانات ودي حاجه عامله زي انبوبة البوتجاز بس اصغر وبيفضل فيها الهوا لحد ما السواق يدوس فرمله تقوم البلوف تشتغل والبلوف دي حاجات زي الحنفيات كده يعني ممكن تفتح شويه صغيرين او تفتح للاخر حسب دوسة الرجل فيقوم الهوا المضغوط خارج من الخزانات ورايح لبلف كبير بيوزع الهوا على العجل كل عجله رايح لها خرطوم زي الملاكي بس الخرطوم مش رايح للعجله علطول دا لسه شوية حاجات من الخرطوم للكوز للطنبوره لقبقاب التيل وهكذا عموما الللي دماغه لفت بفتح الشباك ويشم شوية هواااا والهوا استخاماته فالعربيه كتيير مش ف الفرامل بس ولكن جه الوقت اللي لازم تعرفوا ليه العربيه النقل لما بتيجي تفرمل بنسمع صوت الفسسسسس او الهسسسس ده ياسيدي الهوا الزياده اللي طالع من البلوف بيكون مضغوط اكترمن الهوا العادي بحوالي 7 او تمن مرات ولما بيخرج المضغوط الى الهواء الطلق بيضطر يعلن عن وجوده وهاتك يا فسسسسسس فرحان بالحريه بقى نلتقي بعد الفاصل 
|
|
#12
27-09-2011, 10:33 PM
|
||||
|
||||
|
رد: التريللا
موضوع شيق...
بس كنت اسمع ان النقل التقيل مقاسات.؟؟ زي جرار 8 وده الشائع في مصر وجرار 10 و 12 الكلام ده صح؟؟؟ولا ايه؟؟ 
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
|
#13
27-09-2011, 11:03 PM
|
||||
|
||||
|
رد: التريللا
[SIZE="5"]موضوع تحفة تسلم ايدك
 متابع باهتمام 
|
|
#14
27-09-2011, 11:58 PM
|
||||
|
||||
|
رد: التريللا
موضوع رائع جدا ومتابع باهتمام ، والف شكر على توضيح نقطة ( الفيسسسسسسسس ) ، لانى بجد كان نفسى اعرف ليه العربيات دى بتعمل فيسسسسسسسسسسس ، وانا من عشاق التريللات بحب اشكلهم الحديثة ونفسى اركب واحدة مش عايز اسوق بس عايز اشوف المنظر من فوق عامل ازاى ؟
__________________
 ُ Eng.Mohamed Esmail
|
|
#15
28-09-2011, 05:52 PM
|
|||
|
|||
|
رد: التريللا
سلامو عليكم
ردا على استفسارات الزملاء الاعزاء د نوح بيسأل عن جرار 8 و10 و12 طيب ماتيجي الاول نعرف الفرق بين الجرار والتريللا لحد مانوصل لاجابة السؤال بتاعك الصورة الجايه دي تريللا بمقطورتها والصورة دي جرار بمقطورته زي ماهوا واضح من الصورتين ان التريللا جزئين الراس والديل ... الراس اللي قدام مافيهاش مكان للبضاعه خالص البضاعه كلها بتتحط ف الديل انما الجرار الجزئين بتوعه عباره عن الجرار اللي قدام وده على ظهره مكان لتحميل البضاعه ومنفصل عنه المقطوره اللي بتحمل حموله اضافيه وعشان نفهم الفرق اكتر هنتخيل ان الاتنين عطلوا على الطريق وعليهم حمولتهم عطل مثلا ف الموتور وما ينفعش يتصلح على الطريق ميزة التريللا اننا نقدر نسحب التريللا من تحت الديل وندخل تريللا تانيه تاخد الحموله وتسافر ونسحب التريللا العطلانه للورشه الجرار لأ محتاج جرار يشد الجرار اللي قدام ويوصله لمكان تعتيق البضاعه وجرار تاني يشد المقطوره ويوصلها لنفس المكان الصورتين دول بيوضحوا ازاي بنفصل الديل لوحده ومكان اتصال الديل بالتريللا ادي الديل لوحده اهه واقف على رجليه والتريللا واقفه اهه هتدخل تشده عن طريق الصينيه بتاعتها اللي هيا الحته السودا المدوره اللي فوق الشاسيه ورا طيب لما التريللا عمليه اكتر من الجرار ليه الاهالي اللي هما مش الشركات كانوا دايما ميالين للجرارات مش للتريللات اقولك سبب بسيط ان القطعه الاماميه من الجرار ممكن استخدمها لوحده للحموله يعني نص حموله لما يكون الحموله بسيطه واوفر كاوتش وسولار هيروح لما اشغل الاتنين مع بعض على الحموله الصغيره طيب ليه الحكومه عايزه توقف الجرارات وتشغل التريللات اقولك شوف الصورة دي ده مكان اتصال الجرار بمقطورته واسمه الهوك وبيعتمد الاتصال بين الاتنين على حاجه اسمها بنز حاجه زي المسمار بس تخانتها حوالي 4 سم .. المسمار ده هوا الرابط بين الجرار ومقطورته فقط لاغير ومن هنا بتحصل المشاكل ان المسمار ده لو مش متامن صح ممكن يملص يعني يفلت من مكانه وتلاقي المقطوره ماشيه مع نفسها وممكن تعمل كارثه لا قدر الله طولت عليكم شويه ياللا معلش بس اتمنى تكون معلومات تفيدكم وتقربكم شويه للمجال المهم ده والغير معروف بالنسبه لكتير من الزملاء سلامو عليكم
|
 |
|
|
